魏駿傑前妻張利華與男友胡雅倫爭執受傷?!離婚後過豪華生活!外貌不停進化變成外國人?

魏駿傑前妻張利華與男友胡雅倫爭執受傷?!離婚後過豪華生活!外貌不停進化變成外國人?

娛樂新聞
By Stephanie on 30 Mar 2022
Digital Content Writer

昨日(29日)魏駿傑前妻張利華於位於山頂道嘅住宅中被發現受傷,被安排送往醫院治理;而42歲男友被警方調查中,消息指男方為退休法官胡國興嘅兒子胡雅倫,不過佢聲稱女方只係因為飲醉酒唔小心跌倒!過往張利華因為同魏駿傑有過一段婚姻而為人熟悉,然而離婚後嘅佢生活日漸富貴,樣貌亦不停「升級」,引起熱話。

張利華疑似與男友發生糾紛而受傷?!Photo from IG圖片

# 張利華與男友發生爭執而受傷?!

現年34歲嘅張利華(真名張珈琳)昨日(29日)被發現於山頂道嘅住所受傷,警方發現佢額頭及手腳受傷將佢送院治理。據了解,佢較早前與男友發生感情糾紛,隨後對方離開住宅;男友胡雅倫現正接受警方調查中,但聲稱張利華只係因為飲醉酒而不慎跌倒。

張利華(右)被發現受輕傷送院治理Photo from IG圖片

據悉張利華現任男友係退休法官胡國興嘅兒子胡雅倫!Photo from TVB

# 前夫魏駿傑一句回覆

有指,張利華係透過朋友介紹而認識執業律師胡雅倫,後來發展成為情侶關係,幾個月前先開始二人嘅甜蜜同居生活。對於前妻受傷一事,魏駿傑只係用佛偈回覆傳媒「往昔所造諸惡業,皆由無始貪瞋癡;從身語意之所生,一切我今皆懺悔。」

據悉,張利華係透過朋友認識胡雅倫,近排先開展同居生活!Photo from IG圖片

魏駿傑用佛偈回應傳媒!Photo from 魏駿傑微博

# 曾與大20年魏駿傑結婚!

2008年,張利華同比佢大20年嘅魏駿傑結婚,婚後育有一女。然而,女方於2015年開始就多次與外籍銀行家等傳出緋聞,屢傳婚變,直到2020年二人正式宣佈離婚!現時女兒由魏駿傑一人獨力撫養,經濟出現困難,大受打擊嘅佢似乎想帶囡囡移居大馬生活,並揚言終生不娶!

魏駿傑與張利華於2008年結婚!Photo from 微博

二人於2020年宣佈離婚,囡囡由魏駿傑撫養。Photo from 魏駿傑微博

# 離婚後過富貴生活!

相反,離婚後嘅張利華卻變得越來越富貴,生活多姿多彩!喜愛戶外活動嘅佢經常大晒外出遊玩嘅照片:打高爾夫球、網球、滑浪等全部都做齊晒~而佢仲不時會參加名媛派對以及品牌活動,手袋服裝等都價值不菲,行頭同其他闊太十分相似!

張利華離婚後生活精彩!Photo from IG圖片

張利華仲會出席名媛派對,一身行頭都非常搶鏡!Photo from IG圖片

# 樣貌大升級,被指似外國人!

唔單止係咁,張利華嘅外表同生活一樣「大升級」,五官更加精緻:筆挺嘅鼻子、V字面、豐厚嘅嘴唇等,同唔少內地網紅撞樣!有網民甚至認為佢有啲似外國人,外表上都已經能夠為大家帶來唔少嘅新鮮感~

張利華嘅五官亦變得更精緻!Photo from IG圖片

同其他網紅樣貌相似!Photo from IG圖片

剛剛同魏駿傑結婚時,張利華雙眼仲係單眼皮。似乎真係非常唔同!Photo from 魏駿傑微博

# 近年投身保險界,收入不錯!

廣告
廣告

據悉,張利華近年轉投保險界,獲前藝人王玉環帶領及傳授秘訣,專攻內地客人,只係用短短一年時間就升到「組長級別」,仲成為咗「百萬圓桌」嘅會員!

張利華(左)近年發展保險事業,仲加入「百萬圓桌」行列!Photo from IG圖片

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

魏駿傑前妻張利華轉賣保險登「百萬圓桌」行列!魏駿傑獨力撫養女兒發福現老態

3 Feb , 2021

53歲魏駿傑與細佢20年張利華於2008年結婚,育有一女,但2020年兩人離婚,近日有指張利華轉行賣保險,更登上「百萬圓桌」行列!現時拎贍養費之餘亦有分擔女兒學費、保險費。魏駿傑獨力照顧女兒,外型發福不少,頭髮亦變白。

53歲魏駿傑與細佢20年張利華於2008年結婚,育有一女Photo from 魏駿傑微博

魏駿傑2007年北上拍劇時被爆戀上比佢年輕20歲嘅大學生張利華,兩人更喺2008年正式結婚。

但婚後曾多次傳出夫妻感情出現問題,張利華更被指背夫出軌,張利華後來承認自己犯錯,表示兩人只係為咗女兒先勉強一齊生活,指大家生活習慣完全唔同,魏駿傑只關心女兒,最終兩人於2020年正式離婚。

魏駿傑婚後曾多次傳出夫妻感情出現問題,張利華更被指背夫出軌Photo from 魏駿傑微博

離婚後張利華投身保險行業,加入前藝人王玉環團隊,專攻大陸客,成績唔錯,晉身「百萬圓桌」行列,升到組長級!

離婚後張利華投身保險行業,成績唔錯,晉身「百萬圓桌」行列Photo from 魏駿傑微博

張利華收入多咗,雖然仲有拎贍養費,但已開始分擔女兒學費、保險費。佢表示與前夫魏駿傑再見亦是朋友,仍保持聯絡,大家關係好似親人咁。

張利華表示與前夫魏駿傑再見亦是朋友,仍保持聯絡,大家關係好似親人咁Photo from 魏駿傑微博

而魏駿傑與張利華結婚後就專注喺大陸發展,但參與嘅劇集、電影都唔算多,近年作品更少,最新一部電影係《夢醒黃金城》,將於2月16日上映。

魏駿傑與張利華結婚後就專注喺大陸發展,但參與嘅劇集、電影都唔算多,近年作品更少,最新一部電影係《夢醒黃金城》Photo from 《夢醒黃金城》

現年53歲嘅魏駿傑現身電影宣傳片,皮膚黝黑,而且發福、有白頭髮,感覺老咗唔少。

現年53歲嘅魏駿傑現身電影宣傳片Photo from 《夢醒黃金城》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel