港女收「外國猛男」私訊爆笑對話揭騙案傳鄭若驊照被讚火辣對方英文奇差露餡！

By Cheryl on 31 Mar 2022

Digital Editor

在網上，不時有人分享收到不明來歷訊息嘅經歷，假如你遇到嘅話又會點應對？近日，一名港女在討論區發文，表示突然有「外國大隻佬」Whatsapp自己，佢懷疑對方係騙徒，於是問網友如何應付，仲採納意見，向對方傳送律政司司長鄭若驊照片，展開超爆笑對話。

Photo from 《繼承者們》劇照

港女突被「外國猛男」私訊

最近，一名港女（下稱樓主）到連登討論區以「【請出招】有外國大隻佬白撞想呃小妹錢」發文，稱自己收到一名自稱來自美國，但電話號碼來自非洲嘅Whatsapp短訊，對方自稱叫「Scott Larry」，佢一開始便請求要認識樓主，如此突然與奇怪嘅交流令樓主起疑，笑言對方想「欺騙感情」。

Photo from 連登討論區

「外國男」英文奇差

起初，樓主問對方正在做甚麼，又問佢知唔知道日前男星Will Smith在奧斯卡頒獎禮發生嘅掌摑事件，但對方都答非所問，英文水平更係參差，例如將「know（知道）」串成「no（不）」、「chatting（聊天）」串成「charing」和「chating」，還要經樓主改正係「chatting」。之後，樓主拋出潮語「I go to school by bus」，對方都不明所以，直接回應：「Ohh that good」。

Photo from 連登討論區

大讚司長鄭若驊好索

該外國男隨後表示想要樓主照片，於是佢向一眾「連登仔」詢問意見，當中有人貼出律政司司長鄭若驊照片。

Photo from 連登討論區

而樓主都聽從建議，將鄭若驊美照傳送出去。外國男見到照片，就直接大讚「樓主」好火辣好索「You look so good very hot？」，佢亦先後傳送了兩張個人照，又問可否再次觀看樓主照片。

Photo from 連登討論區

稱讚陳同佳好「head some」

為滿足對方要求，樓主更貼出鄭若驊嘅惡搞圖，對方則以兩個外籍小女孩合照回禮，聲稱佢哋係自己嘅女兒，而樓主亦不甘示弱，貼出陳同佳照片，並騙對方相中人係自己兒子，更獲得正面評價「Yea he is head some」，相信佢係想指「handsome 靚仔」，對話非常九唔搭八。

Photo from 連登討論區

外國男隨後表示，自妻子離開後，佢一直都在另覓新歡，所以好想同樓主見面，期間佢亦自稱有投資一間大酒店，經過一番「雞同鴨講」嘅對話後，外國男仍以破爛英語表達對樓主嘅愛，直言「I real Miss you a lost my love」，更聲稱無樓主相伴時彷如在地獄一樣，認真癡情。

Photo from 連登討論區

「外國男」照片早被外國網民踢爆造假

樓主其後未有再更新，但網民都一致認為·、對方係一名英文好爛嘅騙子，直指睇到搲晒頭，難以溝通。亦有人發現呢名外國男「Scott Larry」出現在一個專門踢爆詐騙者嘅Twitter帳戶上，當中有帖文表示，「Scott」嘅照片經常被騙子使用，而「Alex Guerrero」亦係另一普遍假名字，帖文同時提供多張照片作為警惕，等大家可以提防騙徒。