download HolidaySmart 假期日常 app
汪小菲突然指責小S及取消關注對方!不滿對方公開大S復合經過?媽媽張蘭出聲幫手卻越幫越忙?

汪小菲突然指責小S及取消關注對方!不滿對方公開大S復合經過?媽媽張蘭出聲幫手卻越幫越忙?

娛樂新聞
By Stephanie on 30 Mar 2022
Digital Content Writer

早前,台灣藝人大S(徐熙媛)與昔日情人韓團「酷龍」成員具俊曄結婚消息,驚動唔少網民,而近日佢哋已經喺台灣完成結婚登記手續,正式成為夫妻!而大S前夫汪小菲亦有於微博送上祝福,仲澄清同網紅張穎穎並非情侶關係,不過,昨日汪小菲卻突然爆怒於微博公開罵小S,而小S亦有作出回應!

汪小菲同小S過往感情唔錯,仲會上對方嘅節目。Photo from 《姐姐好餓》微博

# 大S與具俊曄於台灣完成結婚登記!

近日,台灣藝人大S(徐熙媛)已經與「酷龍」成員具俊曄於台灣完成結婚登記手續,並透過經紀人發表聲明表示「結婚日期就是以韓國2月8日的登記日期為準」。二人曲折離奇嘅愛情故事,令唔少網民都直呼願意再一次相信愛情~

大S再婚消息一度引起大家熱議!Photo from 大S IG

具俊曄與大S於3月29日於台灣完成結婚登記手續!Photo from 具俊曄IG

# 小S於節目分享大S戀愛故事!

同大S姐妹情深嘅小S(徐熙娣)近日喺主持嘅節目《小姐不熙娣》提及姐姐嘅戀愛故事,回復單身嘅大S突然同佢講自己可能認識到新男友,仲自爆「那個人你認識」,令小S大概估到對方可能就係具俊曄!

小S分享大S與佢透露認識新男友嘅經過!Photo from 《小姐不熙娣》

大S表示對方係小S都認識嘅外國人,令小S好快就估到對方身份!Photo from 《小姐不熙娣》

# 大爆二人當年被迫分開!

小S表示知道後忍唔住興奮落淚,仲大爆當年二人「在最相愛的時候被迫分開」,二人因為未能修成正果而一直感到遺憾,但心中一直都為對方留下重要嘅位置!估唔到事隔多年真係能夠再續情緣~

小S認為二人都於心中為對方留下重要嘅位置。Photo from 《小姐不熙娣》

透露大S與具俊曄當年係最愛嘅時候被迫分開!Photo from 《小姐不熙娣》

# 言論激嬲汪小菲,取消關注小S微博!

不過,呢一番言論卻似乎激嬲咗汪小菲!佢於30日清晨時分突然於微博轉載小S節目片段,並寫上「你早猜到了?什麼時候呢?是不是今天藥又吃多了?」,似乎對小S十分不滿?!過往佢曾因為飲醉酒於網上胡亂發言,而佢今次澄清自己好清醒,列出不滿嘅2大原因「為了我的孩子,別欺人太甚!」,並取消關注小S!

汪小菲突然與微博指責小S!Photo from 汪小菲微博

過往汪小菲曾因為飲醉於微博胡亂發言,掀起熱議!Photo from 汪小菲微博

汪小菲仲向網民表示自己絕對冇飲醉酒!Photo from 汪小菲微博

# 內地網民反應兩極

部份網民表示支持汪小菲「小S一向都喜歡炒作啊」、「真的不要影響到小朋友就好」等;但亦有網民批評汪小菲「都離婚了還管這麼多!」、「自己和張穎穎十指緊扣就可以」,認為汪小菲未免太過小器。

部份網民表示今次支持汪小菲!Photo from 汪小菲微博

但有網民就批評汪小菲離婚後都依然要管前妻家人嘅事情!Photo from 汪小菲微博

# 小S冷靜回應!

根據台灣媒體報導,小S隨即透過經紀人作出回應「人之謗我也,與其能辯,不如能容;人之侮我也,與其能防,不如能化」;大致上嘅意思係當別人批評嘅時就寬恕對方,似乎並冇打算反擊前姐夫言論。

小S透過經紀人回應,並引用弘一大師金句!Photo from 小S IG

# 媽媽張蘭為仔仔喊話!

至於一向愛子心切嘅張蘭直播嘅時候就間接回應事件,指「好男不跟女鬥」。替兒子感到不值嘅佢越講越激動「家裡的事少讓婆婆參與,少讓你媽參與」、「家醜不可外揚,你好事的時候怎麼不說啊?」似乎暗串緊大S!

張蘭直播時候為兒子汪小菲發聲!Photo from 張蘭抖音

# 前幾日大晒汪小菲大S昔日幸福家庭照?!

除此之外,張蘭喺大S結婚登記當日(29日),於直播大晒汪小菲同大S昔日嘅家庭照,回味當時幸福嘅日子,仲向孫女視訊喊話「過得不好就來找奶奶」,但就被網民批評借大S炒作「就不能放過大S嗎?」隨後,張蘭又喺留言區表示孫女玥兒幫佢點讚,「這孩子不是培養出來的,一定是影響出來的,相信一個好女人會影響三代。」間接讚埋自己係好女人!

張蘭早前先突然大晒汪小菲同大S以前嘅家庭照!Photo from 張蘭抖音

仲曲線大讚自己係好女人?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

離婚僅106日!大S宣佈與韓星具俊曄再婚!當年分手原因曝光!盤點5段轟烈情史

8 Mar , 2022

台灣女星大S(徐熙媛)突然宣佈再婚消息,與20年前舊愛韓團「酷龍」成員具俊曄閃婚!大S與前夫汪小菲離婚僅僅3個月,期間汪小菲被爆疑似婚內出軌,而前奶奶張蘭亦暗罵大S,但佢只係大方表示祝福對方。

大S宣佈再婚,對象係韓國舊愛具俊曄!Photo from 大S微博

# 大S汪小菲上年11月宣佈離婚

現年45歲嘅台灣女星大S(徐熙媛)上年11月被傳媒大爆已經與前夫汪小菲離婚,其後佢發聲明承認兩人已和平分開,結束11年婚姻!

大S上年11月被爆與汪小菲離婚,結束11年婚姻!Photo from 汪小菲微博

# 大S與韓國男團成員結婚!

然而,大S今日就於FB宣佈再婚消息,對象居然係20年前嘅舊愛韓團「酷龍」成員具俊曄!二人今晨同時於社交平台上宣佈結婚消息,令網民們都對佢地破鏡重圓感到驚訝。據悉,二人今個月初喺韓國完成結婚登記,而男方預備飛往台灣與大S會面以及辦理結婚手續。

男方具俊曄亦於IG宣佈婚訊!Photo from 具俊曄IG

大S今晨於FB承認再婚,令網民驚訝!Photo from 大S FB

# 男方透露結婚契機!

具俊曄接受韓媒訪問時表示一直都欣賞大S堅強性格,偶然知道對方離婚所以鼓起勇氣聯絡對方,已經頻繁聯繫幾個月。佢透露結婚契機係因為礙於疫情導致二人無法見面,希望透過成為家人能夠盡快見面「我們已經非常了解對方,不需要再花時間交往。」

具俊曄接受韓媒訪問時,分享成為人夫嘅興奮心情!Photo from 具俊曄IG

男方表示佢哋已經非常了解彼此,所以唔需要再花時間拍拖!Photo from 大S微博

# 20年前曾交往

知名韓國元老級偶像具俊曄1998年就已經同大S交往過,二人當時於歌手蘇慧倫演唱會中認識,後來喺女方積極追求下,二人發展成情侶關係!當時佢哋就已經傳出緋聞,但由於男方經紀公司規定,無法公開認愛;而具俊曄曾於媒體前否認戀情以及拒絕參加大S主持嘅《娛樂百分百》,令大S感到難過,最終分手收場。

有指大S睇演唱會嘅時候對具俊曄一見鍾情,仲瘋狂地化身小粉絲接機!Photo from 大S IG

當時男方經紀公司有禁愛令,導致二人最終分手!Photo from 具俊曄IG

# 大S過往情路坎坷?!

一向敢愛敢恨嘅大S感情經歷非常豐富,佢喺就讀華岡藝校時就已經同陳建州(黑人)交往過,但二人直到宜家都維持好友關係,而佢同黑人嘅老婆范瑋琪仲成為好姐妹!

大S就讀藝校嘅時候,同陳建州(黑人)交往!Photo from 《我們是真正的朋友》

分手後,大S同黑人依然係朋友,仲同范瑋琪變成好姐妹~Photo from 大S微博

# 藍正龍

2001年,大S因為拍攝電視劇《流星花園》而戀上客串嘅藍正龍,仲努力倒追男方,最終成功贏得芳心!可惜當時年紀尚輕嘅藍正龍未想穩定下來,導致二人最終分手,結束4年情;而大S於主持《娛樂百分百》時公開分訊。

大S拍攝《流星花園》嘅時候對藍正龍一見鍾情,並積極追求男方!Photo from 《求婚事務所》

有傳男方未想定下來,導致二人分手Photo from 《求婚事務所》

# 仔仔(周渝民)

大S同仔仔早於拍攝《流星花園》嘅時候就認識,其後二人以「乾姊弟」相稱。有傳女方因為同藍正龍分手而陷入低潮,而仔仔就一直陪伴喺佢身邊;後來仔仔發生車禍,女方亦第一時間趕往現場,令曖昧情曝光!2005年二人公開認愛,不過有傳二人對結婚未能達成共識,導致3年情斷!

後來,大S戀上過往拍檔仔仔,戀情維持大約3年。Photo from 《流星花園》

# 汪小菲

大S於2010年宣佈與汪小菲閃婚,二人於安以軒生日派對上認識,相隔兩地嘅佢哋見面僅4次就決定結婚!二人婚後育有一子一女,仲出演真人騷《幸福三重奏》大晒恩愛。直到上年11月,佢哋發聲明表示已經離婚!

2010年,大S與汪小菲當時只係交往20幾日閃婚!Photo from 汪小菲微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel