貪靚女士們最愛！荔枝角D2 place超豐富沙律～大份量兩個人share都得！

好多女士為左靚靚既皮膚同身型，lunch會食沙律代替飯餐，但係唔係好多地方都有好既沙律食，今日小編為大家介紹荔枝角D2 place一個食沙律既地方，沙律好大份，好足料，就算要來當飯餐，都唔會覺得空虛～！

呢間外賣沙律叫做Foodbox，位於D2 PLACE1期1樓，沙律種類好多，可以自己選配料，或者跟set。

小編試食左美式沙律同埋三文魚凱撒沙律，美式沙律比較豐富，有沙律底、蛋、雞肉同埋煙肉，如果有想食既配料可以另加～

沙律既份量比一般大，食材好新鮮，夠兩個人食，沙律汁有七款咁多，配料有三十種可以揀！

78蚊一個餐，包埋是日湯品，雖然價錢唔算平，但係食物份量同質素都對得住呢個價錢，貪靚既ol可以買來做lunch啦！

Foodbox
地址：荔枝角長義街9號D2 PLACE1期1樓102號舖

電話號碼：2680 9099