download HolidaySmart 假期日常 app
日本美女眼科院長「愛新覺羅維」係清朝皇族後人?18歲由中國移居日本 係學霸+3孩之母

日本美女眼科院長「愛新覺羅維」係清朝皇族後人?18歲由中國移居日本 係學霸+3孩之母

生活熱話
By Cheryl on 01 Apr 2022
Digital Editor

近日,日本一幅眼科醫院廣告牌引起網民熱議,不少人除了被院長嘅美貌吸引外,亦留意到佢嘅姓氏為「愛新覺羅」,因此令人好奇,佢到底是否一名清朝皇族後代?

日本一名眼科醫院院長憑「愛新覺羅」姓氏、顏值以及學歷引來網民關注。Photo from IG @eyeclinicooimachi

日本眼科醫院廣告牌惹關注

早前,在日本東京大井町站附近出現了一塊廣告牌,內容為一間眼科醫院作宣傳,上面寫有院長名字為「愛新覺羅維」,還附有其照片和學歷簡介。

日本東京大井町站附近一幅眼科醫院廣告牌因網民熱議。Photo from Twitter @Maritime_Asia

美女院長好猛料

根據該眼科醫院網站和社交網資訊,愛新覺羅院長2007年畢業於名古屋大學醫學科,曾到多間醫院工作後,於2017年考取東京大學醫學系研究科外科博士學位,隨後在東京大學醫學部嘅附屬醫院正式擔任醫生,2018年成為大井町眼科醫院院長。另外,佢已經結婚,現時育有3個孩子。

愛新覺羅維在日本取得醫學相關學位。Photo from ©︎aishinkakura_i

仲已經結婚和育有孩子。Photo from ©︎aishinkakura_i

呢位美女院長除了擁高學歷、高顏值,還會說日文、英文和中文,所以當有外國病人求診時,佢都負責埋翻譯工作。除了睇症,院長亦積極撰寫醫學論文,會到國外學術會議進行演講,真係美貌與智慧並重。

佢嘅語言能力能在診所中大派用場。Photo from IG @eyeclinicooimachi

18歲從中國到日本留學

愛新覺羅院長本身已非常猛料,加上特別姓氏,令日本傳媒都對佢感到好奇,於是向佢進行訪問。院長表示,其實佢18歲才由中國遼寧省以留學生身份來到日本,佢中學時已修讀日文,其後更有機會選擇到日本或美國留學,最後因為父母認為「女生待近一點更好」而選擇了日本。

愛新覺羅維在日本留學後在當地落地生根。Photo from ©︎aishinkakura_i

讀博士學位時,因為已經愛上日本,所以再次放棄到英語國家留學嘅機會,佢之後一直留在日本,同時建立家庭。

愛日本文化嘅愛新覺羅維兩次放棄到英語國家留學機會。Photo from ©︎aishinkakura_i

係清朝皇族後人?

「愛新覺羅」係清朝皇族姓氏,當年清朝被推翻後,有唔少愛新覺羅氏都過到日本生活,清朝末代皇帝愛新覺羅溥儀嘅弟弟溥傑就係知名「旅日皇族」之一。所以不少網民都問院長「愛新覺羅維」是否溥儀嘅後代。

好多網民都好奇愛新覺羅維是否清朝皇室後人。Photo from ©︎aishinkakura_i

愛新覺羅維曾發文澄清自己唔係溥儀後代,不過佢在訪問中透露,已故爺爺曾經向佢講過,佢哋祖先確實係清朝第三位皇帝順治帝,但因為佢18歲已過到日本,對歷史亦無太大興趣,所以都無再深入查問。而且家中亦無留下與清朝有關嘅物品,佢最多只見過爺爺展示嘅家譜。

愛新覺羅維已故爺爺曾表示佢哋祖先係清朝順治帝。Photo from ©︎aishinkakura_i

曾公開兒時照片

愛新覺羅維曾在社交網公開兒時照片,相中可見佢穿著中式打扮,猶如一個中國娃娃。

愛新覺羅維兒時照Photo from ©︎aishinkakura_i

愛新覺羅維兒時照Photo from ©︎aishinkakura_i

佢深愛日本文化,但同時無失去對中國嘅愛,佢結婚時亦有穿上裙褂拍攝婚照,網民都讚佢彷如一名古代公主。

愛新覺羅維曾在社交網分享多張造型照。Photo from ©︎aishinkakura_i

曾被外國入境人員問是否逃亡者

除此,愛新覺羅維分享一次到美國參加學術研討會嘅經歷,入境時佢被問是否一名清朝子孫,佢回答「是」後,就隨即被帶到一間房內,被問自己是否正在逃亡,以及有無需要幫佢通知大使館,愛新覺羅維都只好如實解釋佢只係到當地參加學術會議。

因為姓氏,愛新覺羅維入境美國時曾被問是否逃亡者。Photo from ©︎aishinkakura_i

雖然佢名字較長,學生時代曾因為書寫長度而覺得麻煩,在介紹自己時又會被對方追問多一次,但佢深明名字傳自祖先,所以現在都非常珍惜名字。

愛新覺羅維曾一度嫌書寫自己名字麻煩,但現在都非常珍惜名字。Photo from ©︎aishinkakura_i

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel