download HolidaySmart 假期日常 app
盤點7大經典娛樂圈尷尬事跡!藝人反應逐個睇!全部都保持淡定超專業?

盤點7大經典娛樂圈尷尬事跡!藝人反應逐個睇!全部都保持淡定超專業?

娛樂新聞
By Stephanie on 03 Apr 2022
Digital Content Writer

藝人出席公開場合,大多數都會預備充足,希望以最好嘅狀態出現於大眾面前。不過,有時候亦難免會發生尷尬事,非常考驗佢哋嘅臨場反應!即睇過往娛樂圈尷尬事,睇下各位藝人嘅反應啦~

相信大家都曾經遭遇過尷尬到想「收埋自己」嘅事件,而唔少藝人都曾經於幕前發生尷尬嘅事情!Photo from 韓劇《女神降臨》

黃宗澤與陳奕迅合唱

喺2008年嘅《十大勁歌金曲頒獎典禮》中,當時黃宗澤就幸運被抽中同「歌王」陳奕迅一齊合唱經典歌曲《K歌之王》~但黃宗澤因為非常緊張而導致大走音,但就勝在夠投入,就算Eason之後嘗試幫手都未能挽救場面,就連場邊嘅歌手都忍唔住拍手給予鼓勵!

黃宗澤當時被抽中與Eason合唱《K歌之王》,但因為緊張而大失準!Photo from 2008年《十大勁歌金曲頒獎典禮》

後來黃宗澤解釋能夠同Eason合作,所以太緊張!Photo from 2008年《十大勁歌金曲頒獎典禮》

容祖兒都睇到呆咗!Photo from 2008年《十大勁歌金曲頒獎典禮》

葉璇方力申奧運直播

方力申於2004年雅典奧運直播時,突然向葉璇講咗句「跟住你串我啊嘛」,而被傳出二人不合嘅傳聞。據悉,當時佢哋正在對台詞,但卻突然被直播;當時於香港廠內嘅藝人們都紛紛以「喂!聽唔聽到啊!」、「嚟喇」等提醒二人,而方力申同葉璇表情錯愕咁繼續主持落去!

當年,方力申就係憑著同葉璇講「跟住你串我啊嘛」,而導致佢哋傳出不合多年!Photo from 2004奧運直播

二人知道被直播後,表情都有啲尷尬,但繼續主持落去!Photo from 2004奧運直播

球星岩布仙尼為自己唱生日歌

2004年亞洲電視台慶晚宴上,前AC米蘭球員岩布仙尼都剛好生日,而大家就喺主持人們邀請下大唱生日歌!由於主持人將mic遞向岩布仙尼,所以佢就唯有尷尬地自己唱「Happy birthday to me~」直到宜家都係非常經典嘅場面!

球星岩布仙尼獲在場人士獻唱生日歌曲!Photo from 2004亞視台慶晚宴

但岩布仙尼最後卻自己唱俾自己聽!Photo from 2004亞視台慶晚宴

而岩布仙尼似乎都仲對呢件事有印象,2019年上載生日照時就寫上「Happy birthday to me!」,引起爆笑~

直到2019年,岩布仙尼都仲祝緊自己生日快樂~Photo from 岩布仙尼IG

崔建邦頒錯獎

《2012年十大勁歌金曲頒獎典禮》崔建邦頒發「最受歡迎男新人獎」三強時,因為講錯得獎名單,而誤將金獎頒發俾羅力威;隨後佢經台下工作人員提醒後,立刻打圓場話「真係唔好意思!獎項呢啲嘢擺上面嘅未必係金獎嚟嘅」,令曾志偉都忍唔住「吓」咗出聲,並將金獎交還俾得主胡鴻鈞!而羅力威同胡鴻鈞亦非常識做,互相祝賀對方~

崔建邦曾因為睇錯獎項名單而頒錯獎!Photo from 《2012年十大勁歌金曲頒獎典禮》

當年嘅金獎得主係胡鴻鈞,但佢卻頒咗俾羅力威!Photo from 《2012年十大勁歌金曲頒獎典禮》

陳展鵬獻唱《Monica》

陳展鵬曾與內地開Fans meeting「大開金口」獻唱張國榮經典歌曲《Monica》,但佢當時就非常興奮自行改詞變成「Thanks ,Thanks ,Thanks ,Thanks 陳展鵬!Wow~」場面都幾尷尬,但佢依然high爆獻唱,引起熱話!

陳展鵬於內地粉絲見面會中獻唱《Monica》~Photo from 抖音

並將歌詞改成自己嘅名字,有部分網民就曾大讚歌曲洗腦!Photo from 抖音

亞視台慶觀眾超少

亞視2012年於北京舉行台慶晚會,據悉當年佢哋豪花7位數舉辦盛宴,並安排長達幾個小時嘅節目。然而,節目趣味性似乎唔高,令本身在場嘅觀眾都不停咁離場。去到晚宴嘅尾聲,王征與全台藝員都紛紛上台祝酒同向觀眾掟壽包!然而,電視播出嘅畫面見到現場好多空凳,而藝人們都非常專業地繼續派壽包,場面詭異~

亞視2012年嘅台慶晚會於北京舉辦,仲花費大量金錢邀請藝人造勢!Photo from 亞視

但最後好多空現場觀眾都忍唔住離開,留下極多空凳,而藝人們就唯有向空置嘅座位派壽包!Photo from 亞視

關心妍攞獎事件

2008年《十大勁歌金曲頒獎典禮》頒獎人關菊英宣佈「傑出表現金獎」時發現自己獲獎,但關心妍卻突然從座位中走到台前攞住獎座,場面超尷尬,而主持人亦都一頭霧水!崔建邦即刻幫手話「大家都姓關,佢出嚟祝福你」,被選為最經典加尷尬嘅場面!

作為頒獎人嘅關菊英發現自己榮獲「傑出表現金獎」,但關心妍卻突然走上台前奪獎?!Photo from 2008年《十大勁歌金曲頒獎典禮》

經典場面超級尷尬,而司儀曾志偉同崔建邦只好幫手完場。Photo from 2008年《十大勁歌金曲頒獎典禮》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

幫寵物改錯名,睇獸醫勁尷尬?!護士嗌名變鬧人:「豬扒到你啦」

18 Jan , 2022

寵物都會為佢哋改返個名,好多人會改食物名如燒賣、朱古力。早前喺討論區就有網民分享自己幫貓貓改名後應到好後悔,帶佢去睇獸醫時一聽到護士叫貓貓個名即刻覺得超尷尬!引起唔少網民共鳴,齊齊分享聽過嘅奇怪寵物名。

養寵物都會為佢哋改返個名,好多人會改食物名如燒賣、朱古力。Photo from TVB

港女為貓貓改錯名感後悔

正所謂「唔怕生壞命,最怕改壞名」,幫寵物改名都係一樣,有網友喺連登討論區發文大呻幫貓貓改錯名,問「仲有冇得返轉頭」,有關帖文已有超過3,000個正評,掀起網民熱議。

有網友喺連登討論區發文大呻幫貓貓改錯名,問「仲有冇得返轉頭」,有關帖文已有超過3,000個正評,掀起網民熱議。Photo from TVB

樓主表示佢為貓貓改名做「臭雞」,次次帶佢睇獸醫,姑娘一出嚟叫名就會引起診所其他人嘅關注,有時寵物醫院打畀佢,一開口就話:「Hello~係咪臭雞主人呀?」令佢大感尷尬!

樓主表示佢為貓貓改名做「臭雞」,次次帶佢睇獸醫,姑娘一出嚟叫名就會引起診所其他人嘅關注Photo from lihkg

有時寵物醫院打畀佢,一開口就話:「Hello~係咪臭雞主人呀?」令佢大感尷尬!Photo from lihkg

獸醫診所護士每次叫親貓貓個名都會引起關注Photo from TVB

網友對於樓主改呢個咁新奇嘅名直呼佢十分有勇氣,而樓主就解釋指佢改名嗰陣咁啱《巨輪2》角色「高天鷲」大熱,佢於是就用佢嘅金句嚟改名,估唔到會搞到咁老尷。

樓主解釋指佢改名嗰陣咁啱《巨輪2》角色「高天鷲」大熱,佢於是就用佢嘅金句嚟改名Photo from TVB

獸醫護士嗌名變鬧人勁尷尬

有唔少網友都分享佢為寵物改類似嘅名,都有同樣嘅煩惱,有網友稱佢幫寵物改名做「豬扒」,另一位則指佢改名做「八婆」,獸醫診所護士叫:「豬扒到你啦!」一樣令主人十分無奈。

有唔少網友都分享佢為寵物改類似嘅名,都有同樣嘅煩惱Photo from lihkg

有網友稱佢幫寵物改名做「豬扒」Photo from lihkg

獸醫診所護士叫:「豬扒到你啦!」一樣令主人十分無奈。Photo from TVB

幫寵物改做鬧人嘅名字的確會令人哭笑不得,有主人就幫寵物改名做「粉腸」,亦有網友稱佢為家中貓貓取名為「污糟貓」,結果帶去睇醫生時診所護士指:「唔可以改啲咁嘅名」。

幫寵物改做鬧人嘅名字的確會令人哭笑不得,有主人就幫寵物改名做「粉腸」Photo from TVB

有網友稱佢為家中貓貓取名為「污糟貓」,結果帶去睇醫生時診所護士指:「唔可以改啲咁嘅名」。Photo from lihkg

用人名、人物改名

用人物改名好似都算正常,例如叫「哥哥」、「弟弟」、「姐姐」、「妹妹」,但除咗兄弟姊妹之外都會好奇怪,有網友話佢嘅寵物叫「媽媽」,護士一叫「媽媽入嚟啦!」場面都十分怪異,又有人指聽過有寵物叫「前男友」、「前女友」。

有網友話佢嘅貓叫「媽媽」,護士一叫「媽媽入嚟啦!」場面都十分怪異Photo from TVB

有人直程用明星名!好似梅姐梅艷芳咁佢曾表示屋企養嗰3隻愛犬分別叫做「Eric」(曾志偉)、「阿叻」(陳百祥)、「阿倫」(譚詠麟)。

梅姐梅艷芳咁佢曾表示屋企養嗰3隻愛犬分別叫做「Eric」(曾志偉)、「阿叻」(陳百祥)、「阿倫」(譚詠麟)。Photo from TVB

以身體部位取名夠騎呢

亦有網友表示佢用身體部位改名,其實亦一樣咁尷尬,「膝頭哥」已經算正常,其他例如叫「胳肋底」、「腳板底」都好奇怪。樓主另外又分享稱佢養咗3隻貓,其中一隻特登改名做「旺財」,都幾過癮!

有網友表示佢用身體部位改名,其實亦一樣咁尷尬Photo from lihkg

樓主另外又分享稱佢養咗3隻貓,其中一隻特登改名做「旺財」Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel