download HolidaySmart 假期日常 app
男人遊泰國街頭獲美女送擁抱!美女背景曝光,代價超高結局反轉

男人遊泰國街頭獲美女送擁抱!美女背景曝光,代價超高結局反轉

生活教學
By Jennifer on 04 Apr 2022
Digital Editor

近日泰國放寬入境限制,有唔少外國旅客都到當地旅遊。日前一名比利時男子Frederik de Vreese到訪曼谷時獲一位美女送上抱抱,惹同行友人羨慕,但之後佢發現隨身嘅祖傳信物失蹤,懷疑係美女擁抱時借機攞走!

日前一名比利時男子Frederik de Vreese到訪曼谷時獲一位美女送上抱抱,惹同行友人羨慕Photo from Frederik IG

外國男去泰國旅遊遇美女送擁抱

多地開始逐步放寬入境,有唔少旅客都到外地旅遊。日前一位嚟自比利時嘅25歲遊客Frederik de Vreese就選擇飛往泰國曼谷旅行,佢同朋友仲不忘拍攝出行vlog記錄旅遊嘅片段。

嚟自比利時嘅25歲遊客Frederik de Vreese就選擇飛往泰國曼谷旅行Photo from Frederik IG

當佢喺街頭自拍期間,突然有一位長髮美女主動行前獻上擁抱,佢同友人都以為「飛來艷福」,美女更提出可以上佢酒店房提供特別服務。

喺街頭自拍期間,突然有一位長髮美女主動行前獻上擁抱Photo from Frederik IG

Frederik同友人都以為「飛來艷福」,美女更提出可以上佢酒店房提供特別服務。Photo from Frederik IG

突發現頸上金鏈不翼而飛

Frederik大吃一驚並拒絕美女嘅邀請,女子遭到拒絕後就離開,成個過程約為10秒,而美女投懷送抱嘅時間亦只持續5秒左右。但約10分鐘後Frederik去廁所時發現隨身攜帶嘅金鏈突然消失!

Frederik大吃一驚並拒絕美女嘅邀請,女子遭到拒絕後就離開Photo from Frederik IG

美女投懷送抱嘅時間亦只持續5秒左右。但約10分鐘後Frederik去廁所時發現隨身攜帶嘅金鏈突然消失!Photo from Frederik IG

美女5秒內拎走祖傳信物

呢條金鏈係爺爺傳畀佢,估計價值達800歐元(約港幣$7,000),Frederik懷疑係美女擁抱佢時趁機拎走條金鏈,睇返佢段自拍片段,美女手法純熟,雙手攬住Frederik條頸,喺佢耳邊講嘢分散佢注意力,然後借機解開金鏈攞走。

美女手法純熟,雙手攬住Frederik條頸,喺佢耳邊講嘢分散佢注意力,然後借機解開金鏈攞走。Photo from Frederik IG

美女送攬攬前頸上仲有金鏈Photo from Frederik IG

美女離開後,Frederik條金鏈即不翼而飛!Photo from Frederik IG

美女真實身份為跨性別人士?背景強大?

雖然距離美女送抱抱到佢發現金鏈唔見咗只有短短10分鐘,但係美女早已不知去向,Frederik唯有去當地警局報案,佢猜測美女真實身份為跨性別人士,因為對方身型高大,而且身上有紋身,疑背景唔簡單。佢亦曾重返遇見美女嘅地區問其他人有關線索,但被告知送抱抱美女唔似係本地人。

Frederik唯有去當地警局報案,佢猜測美女真實身份為跨性別人士,因為對方身型高大,而且身上有紋身,疑疑背景唔簡單。Photo from Frederik IG

泰國人擔心影響當地形象

原來Frederik唔係第一次遇上呢種事情,早前銀包亦不翼而飛。佢嘅泰國朋友有主動幫手,喺Facebook呼籲大眾提供消息,助Frederik搵返佢嘅祖傳信物,佢又稱有關事件會影響外國人對泰國嘅印象。

Frederik嘅泰國朋友有主動幫手,喺Facebook呼籲大眾提供消息,助Frederik搵返佢嘅祖傳信物,佢又稱有關事件會影響外國人對泰國嘅印象。Photo from AMARINTV : อมรินทร์ทีวี

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

劉嘉玲56歲生日會,老公梁朝偉被美女攬頸獻吻!尷尬表情成亮點

9 Dec 2021

梁朝偉、劉嘉玲相愛多年,日前劉嘉玲56歲生日上海舉辦大型生日宴會,老公梁朝偉當然都有出席,席上佢同唔少賓客合照,其中一位女士更熱情到攬頸獻吻!偉仔尷尬表情成為當晚亮點。

劉嘉玲56歲生日喺上海舉辦大型生日宴會Photo from 梁朝偉 IG

梁朝偉出席老婆劉嘉玲56歲生日宴會

影帝梁朝偉2008年同拍拖20幾年嘅劉嘉玲結婚,婚後兩人各有各忙,但劉嘉玲表示佢好體諒老公,又指梁朝偉係一個偉大嘅演員,為咗令老公無後顧之憂,會處理好屋企所有嘢。

影帝梁朝偉2008年同拍拖20幾年嘅劉嘉玲結婚Photo from 梁朝偉 IG

日前劉嘉玲56歲生日,佢喺上海舉辦生日宴會,老公梁朝偉忙完Marvel電影《尚氣與十環幫傳奇》嘅宣傳活動後多咗時間陪老婆,佢更喺IG公開夫婦合照,為老婆慶祝生日。

梁朝偉忙完Marvel電影《尚氣與十環幫傳奇》嘅宣傳活動後多咗時間陪老婆Photo from 梁朝偉 IG

梁朝偉喺IG公開夫婦合照,為老婆劉嘉玲慶祝生日。Photo from 梁朝偉 IG

梁朝偉成宴會賓客「集郵」對象

劉嘉玲家人都有出席生日宴,梁朝偉企中間同太太家人合照,場面溫馨。劉嘉玲為人外向豪爽,結交唔少好友,佢嘅生日宴亦招待咗好多賓客,而作為主人家,佢同梁朝偉同賓客合影留念。

劉嘉玲家人都有出席生日宴,梁朝偉企中間同太太家人合照,場面溫馨。Photo from IG @laura_chau0111

梁朝偉更係一眾賓客嘅「集郵」對象,喺IG、微博都有人post出同影帝嘅合照,梁朝偉同女士合照明顯比較拘謹,雙手更安份放喺身前。

梁朝偉同女士合照明顯比較拘謹,雙手更安份放喺身前。Photo from 微博

梁朝偉被美女熱情攬頸獻吻

其中有一位熱情嘅女賓客見到偉仔忍唔住激動出手,親密咁攬住梁朝偉頸獻吻!女賓客表情陶醉,但梁朝偉就似乎被佢嘅熱情嚇親,面上3分錯愕、3分驚訝、3分尷尬、仲有1分無助。

有一位熱情嘅女賓客見到偉仔忍唔住激動出手,親密咁攬住梁朝偉頸獻吻Photo from 追夢人梁朝偉影迷會 微博

呢位女賓客又公開其他同梁朝偉嘅合照,佢一手搭住梁朝偉膊頭,梁朝偉抿嘴表情無奈;另一張相片梁朝偉露出「尷尬又不失禮貌微笑」,肢體亦非常僵硬。

女賓客一手搭住梁朝偉膊頭,梁朝偉抿嘴表情無奈Photo from 微博

梁朝偉露出「尷尬又不禮貌微笑」Photo from 微博

網民大讚梁朝偉係好老公

梁朝偉入行近40年,過往曾有3段深刻情史,但喺2008年同劉嘉玲結婚後佢基本就無再傳出過緋聞,而佢同劉嘉玲都曾提起「梁朝偉最信任嘅人係劉嘉玲」。

梁朝偉入行近40年,過往曾有3段深刻情史Photo from 梁朝偉 IG

佢喺太太生日宴會上同其他賓客合照都保持社交距離,唔少網友大讚佢以行動令老婆安心,係絕世好老公!

梁朝偉喺太太生日宴會上同其他賓客合照都保持社交距離,唔少網友大讚佢以行動令老婆安心Photo from 梁朝偉 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel