download HolidaySmart 假期日常 app
汪小菲繼父與大S老公具俊曄撞樣?!被爆為新歡起爭執受傷,右眼浮腫開直播!

汪小菲繼父與大S老公具俊曄撞樣?!被爆為新歡起爭執受傷,右眼浮腫開直播!

娛樂新聞
By Stephanie on 04 Apr 2022
Digital Content Writer

大S(徐熙媛)前夫汪小菲近日於微博公開責怪小S,引起網民關注。唔少網民都認為佢唔應該干涉及公開談論前妻家人嘅事情,而近日有網民就疑似搵到汪小菲突然暴走嘅原因,原來佢嘅繼父同大S老公具俊曄撞樣?!

廣告
廣告

汪小菲早前曾於微博怪責小S,引發熱議!Photo from 汪小菲微博

# 汪小菲對具俊曄感到不滿?

大S前夫汪小菲日前受小S於節目中嘅言論激嬲,公然於微博責怪對方,仲揚言「我想要孩子,更不允許一個我不認識的人讓他們叫爸爸」,似乎尚未接受到前妻突然再婚嘅消息!

汪小菲近日心情唔太好,仲揚言唔畀子女叫具俊曄做爸爸!Photo from 汪小菲微博

但汪小菲就被網民批評離婚後都管咁多!Photo from 大S微博

# 網民發現汪小菲繼父同具俊曄撞樣!

不過,近日有網民就疑似搵到汪小菲對大S老公具俊曄不滿嘅主因?!有網民發現汪小菲繼父同具俊曄嘅樣貌撞樣,二人都有標誌性嘅光頭,而且都帶著黑框眼鏡,就咁睇真係有幾分相似!

廣告
廣告

張蘭與田益賓(汪小菲繼父)嘅合照!Photo from 微博

具俊曄被指撞樣汪小菲繼父?!Photo from 具俊曄IG

# 傳同繼父關係欠佳

據悉,汪小菲嘅繼父田益賓係一位藝術家兼攝影師,1994年與張蘭開始相戀。多年前,三人曾經一齊出席活動,但就被內地傳媒拍攝到汪小菲同繼父零交流,有指佢尚未接受到繼父嘅存在!

汪小菲同繼父曾一起出席活動,但就被傳媒發現全程零交流!Photo from 微博

有指田益賓1994年開始與張蘭相戀!Photo from 微博

# 樣貌太似係主因?

如今,網民就認為汪小菲近來心情激動,全因大S老公具俊曄同繼父樣貌相似,所以接受唔到孩子要叫對方爸爸,「媽媽和前妻都喜歡光頭」、「求汪小菲心理陰影」等留言。

廣告
廣告

網民都不禁為呢個巧合而感到驚嘆!Photo from 微博

# 被爆為緋聞女友鬧衝突

日前,汪小菲被內地傳媒大爆上月31日為張穎穎與他人發生衝突,仲因此而受傷進院「打到牙都掉了,他媽媽知道還會不會說他兒子最帥。」有傳二人已經冷戰多日,而佢得知女方同朋友唱緊卡啦OK而突然前往,但發現同行朋友大部分都係男性而憤怒,導致發生矛盾!

內地傳媒大爆近日汪小菲為緋聞女友與他人起衝突,受傷送院!Photo from 汪小菲微博

汪小菲曾被指與內地網紅張穎穎婚內出軌?!Photo from 張穎穎小紅書

# 右眼疑似受傷

日前,神隱多日嘅汪小菲為平息傳聞而開直播,身穿黑色連帽外套嘅佢面形消瘦,但有眼利嘅網民就發現佢嘅右眼似乎有啲浮腫,眼角位置仲好似有瘀青!影片中佢並冇提及傳聞,只係貼心提醒大家要小心身體,強調自己忙於健身、巡店等。

汪小菲事隔多日開抖音直播,被網民發現右眼疑似受傷!Photo from 微博

廣告
廣告

而佢嘅神情亦似乎有啲疲倦!Photo from 汪小菲抖音

# 已將傢俱搬離大S住宅!

另外,有指大S同具俊曄完成結婚登記嘅消息一出,汪小菲就請求S Hotel員工幫手搬傢俱,從大S位於信義區嘅住宅中搬到酒店地下車庫。

汪小菲已經將傢俱搬離大S住宅!Photo from 大S微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

汪小菲突然指責小S及取消關注對方!不滿對方公開大S復合經過?媽媽張蘭出聲幫手卻越幫越忙?

30 Mar , 2022

早前,台灣藝人大S(徐熙媛)與昔日情人韓團「酷龍」成員具俊曄結婚消息,驚動唔少網民,而近日佢哋已經喺台灣完成結婚登記手續,正式成為夫妻!而大S前夫汪小菲亦有於微博送上祝福,仲澄清同網紅張穎穎並非情侶關係,不過,昨日汪小菲卻突然爆怒於微博公開罵小S,而小S亦有作出回應!

汪小菲同小S過往感情唔錯,仲會上對方嘅節目。Photo from 《姐姐好餓》微博

# 大S與具俊曄於台灣完成結婚登記!

近日,台灣藝人大S(徐熙媛)已經與「酷龍」成員具俊曄於台灣完成結婚登記手續,並透過經紀人發表聲明表示「結婚日期就是以韓國2月8日的登記日期為準」。二人曲折離奇嘅愛情故事,令唔少網民都直呼願意再一次相信愛情~

大S再婚消息一度引起大家熱議!Photo from 大S IG

廣告
廣告

具俊曄與大S於3月29日於台灣完成結婚登記手續!Photo from 具俊曄IG

# 小S於節目分享大S戀愛故事!

同大S姐妹情深嘅小S(徐熙娣)近日喺主持嘅節目《小姐不熙娣》提及姐姐嘅戀愛故事,回復單身嘅大S突然同佢講自己可能認識到新男友,仲自爆「那個人你認識」,令小S大概估到對方可能就係具俊曄!

小S分享大S與佢透露認識新男友嘅經過!Photo from 《小姐不熙娣》

大S表示對方係小S都認識嘅外國人,令小S好快就估到對方身份!Photo from 《小姐不熙娣》

# 大爆二人當年被迫分開!

小S表示知道後忍唔住興奮落淚,仲大爆當年二人「在最相愛的時候被迫分開」,二人因為未能修成正果而一直感到遺憾,但心中一直都為對方留下重要嘅位置!估唔到事隔多年真係能夠再續情緣~

小S認為二人都於心中為對方留下重要嘅位置。Photo from 《小姐不熙娣》

廣告
廣告

透露大S與具俊曄當年係最愛嘅時候被迫分開!Photo from 《小姐不熙娣》

# 言論激嬲汪小菲,取消關注小S微博!

不過,呢一番言論卻似乎激嬲咗汪小菲!佢於30日清晨時分突然於微博轉載小S節目片段,並寫上「你早猜到了?什麼時候呢?是不是今天藥又吃多了?」,似乎對小S十分不滿?!過往佢曾因為飲醉酒於網上胡亂發言,而佢今次澄清自己好清醒,列出不滿嘅2大原因「為了我的孩子,別欺人太甚!」,並取消關注小S!

汪小菲突然與微博指責小S!Photo from 汪小菲微博

過往汪小菲曾因為飲醉於微博胡亂發言,掀起熱議!Photo from 汪小菲微博

汪小菲仲向網民表示自己絕對冇飲醉酒!Photo from 汪小菲微博

# 內地網民反應兩極

部份網民表示支持汪小菲「小S一向都喜歡炒作啊」、「真的不要影響到小朋友就好」等;但亦有網民批評汪小菲「都離婚了還管這麼多!」、「自己和張穎穎十指緊扣就可以」,認為汪小菲未免太過小器。

廣告
廣告

部份網民表示今次支持汪小菲!Photo from 汪小菲微博

但有網民就批評汪小菲離婚後都依然要管前妻家人嘅事情!Photo from 汪小菲微博

# 小S冷靜回應!

根據台灣媒體報導,小S隨即透過經紀人作出回應「人之謗我也,與其能辯,不如能容;人之侮我也,與其能防,不如能化」;大致上嘅意思係當別人批評嘅時就寬恕對方,似乎並冇打算反擊前姐夫言論。

小S透過經紀人回應,並引用弘一大師金句!Photo from 小S IG

# 媽媽張蘭為仔仔喊話!

至於一向愛子心切嘅張蘭直播嘅時候就間接回應事件,指「好男不跟女鬥」。替兒子感到不值嘅佢越講越激動「家裡的事少讓婆婆參與,少讓你媽參與」、「家醜不可外揚,你好事的時候怎麼不說啊?」似乎暗串緊大S!

張蘭直播時候為兒子汪小菲發聲!Photo from 張蘭抖音

# 前幾日大晒汪小菲大S昔日幸福家庭照?!

除此之外,張蘭喺大S結婚登記當日(29日),於直播大晒汪小菲同大S昔日嘅家庭照,回味當時幸福嘅日子,仲向孫女視訊喊話「過得不好就來找奶奶」,但就被網民批評借大S炒作「就不能放過大S嗎?」隨後,張蘭又喺留言區表示孫女玥兒幫佢點讚,「這孩子不是培養出來的,一定是影響出來的,相信一個好女人會影響三代。」間接讚埋自己係好女人!

張蘭早前先突然大晒汪小菲同大S以前嘅家庭照!Photo from 張蘭抖音

仲曲線大讚自己係好女人?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel