download HolidaySmart 假期日常 app
馬賽轉型教養生做KOL,連屋企都有桑拿房!外表升級惹熱議!鼻型變化大?

馬賽轉型教養生做KOL,連屋企都有桑拿房!外表升級惹熱議!鼻型變化大?

娛樂新聞
By Stephanie on 04 Apr 2022
Digital Content Writer

2008年港姐季軍馬賽(改名馬菀迎)結婚後長居內地,成為人母嘅佢亦繼續發展事業,近來仲轉型成為網紅推廣健康生活。但有網民就將重點放喺佢嘅外貌上,認為佢嘅高挺嘅鼻子同以往十分不同!

馬菀迎(馬賽)轉型做網紅,大方分享養生秘訣!Photo from 馬菀迎微博

# 馬賽2019年結婚,長居內地!

現年34歲嘅馬賽(馬菀迎)於2019年初宣佈與圈外內地男友結婚,同年6月誕下女兒Camellia,婚後專心相夫教子。雖然佢一直未有透露丈夫真實身份,但男方被爆係家底豐厚嘅富二代。而佢亦不時上載同囡囡嘅照片,經常都會帶囡囡出遊,係一位盡責嘅媽媽~

馬菀迎於2019年宣佈於圈外內地男結婚!Photo from 馬菀迎微博

同年6月,馬菀迎就誕下囡囡!Photo from 馬菀迎微博

# 2020年開始復出拍劇

2020年,佢開始經營抖音帳號,仲復出拍攝青春科幻劇《火星孤兒》,有機會與唔少年輕演員合作。雖然佢已成人母,但佢保養得宜能夠維持到最佳狀態。其後,佢亦獲邀拍攝劇集《金牌投資人》、《海洋之城》等。

馬菀迎2020年拍攝《火星孤兒》正式復出幕前!Photo from 馬菀迎微博

其後,佢亦有持續接拍電視劇Photo from 馬菀迎微博

# 轉型做養生型網紅!

除此之外,注重保養嘅馬菀迎亦經常於網上分享養生之道,包括護膚、護髮等小技巧,變身做健康型網紅!而佢過往嘅影片中就被發現屋企放置咗桑拿屋,睇嚟對保養真係有一番研究~

馬菀迎經常都同網民分享保養心得!Photo from 馬菀迎微博

屋企仲有小型嘅桑拿房!Photo from 馬菀迎小紅書

# 獲網民大讚外貌升級!

近日,馬菀迎就上載咗兩段有關改善失眠嘅影片,只見佢淡妝以及身穿休閒服裝上鏡,詳細解釋導致失眠嘅幾個原因。然而,網民們卻似乎錯重點大讚佢樣貌凍齡!

馬菀迎最近就同網民分享舒緩失眠嘅方法!Photo from 馬菀迎小紅書

網民就大讚佢越來越靚!Photo from 馬菀迎小紅書

# 鼻子太挺唔太自然?!

未知係咪受保養所影響,佢嘅外貌亦有升級,令網民質疑係咪有微調。尤其係鼻子變得更加筆挺,而鼻孔亦似乎大小不一,有少少唔自然!

馬菀迎嘅鼻型似乎比以前筆直?!Photo from 馬菀迎小紅書

而且佢嘅鼻孔大小不一,顯得有啲唔自然Photo from 馬菀迎小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬賽婚後淡出幕前專心湊囡囡Camellia 網民:面圓圓肥嘟嘟好可愛

19 Apr , 2021

港姐馬賽自從2019年同圈外男友結婚,並且生下囡囡後就淡出咗幕前,一心一意湊囡。近日,佢就喺微博上載咗同囡囡Camellia嘅近照,唔少網民都大讚Camellia肥嘟嘟好得意!

馬賽微博Photo from 馬賽微博

馬賽喺2008年參選香港小姐獲得季軍而正式入行,仲因為樣貌同桂綸鎂有啲相似,被網民稱為「迷你桂綸鎂」。喺2013年,佢曾經同內地女密友汪子琦有過桃色糾紛,仲因此而俾TVB「雪藏」,之後工作量就大大減少。2015年,同TVB合約完咗之後,就將事業發展重心放喺內地。

TVBPhoto from TVB

馬賽IGPhoto from 馬賽IG

喺2019年,佢就宣佈同圈外男友紀先生嘅婚訊,同年就喺美國誕下囡囡Camellia。婚後,佢哋一家人就定居北京,馬賽亦專心湊囡囡,只會偶爾喺網上分享美容嘅心得同埋間中做直播嘅工作。有網民就曾經嘲笑馬賽竟然要做直播維生,但佢就反擊表示自己希望可以親手睇住囡囡長大,唔想錯過佢最寶貴嘅頭3年。

馬賽微博Photo from 馬賽微博

馬賽IGPhoto from 馬賽IG

近日,馬賽就喺微博上載咗同囡囡嘅日常生活照,轉眼間囡囡已經2歲左右。照片中,只見Camellia俾馬賽抱住坐喺兒童電動車上面,眼圓圓、面仔肥嘟嘟,仲面露搞怪嘅表情,非常可愛!而囡囡睇落同爸爸更加係好似餅印一樣~

馬賽微博Photo from 馬賽微博

馬賽微博Photo from 馬賽微博

網民見到照片後,網民都讚囡囡肥嘟嘟,十分可愛,仲有留言話:「長大得好快,已經識得行」!

馬賽IGPhoto from 馬賽IG

馬賽微博Photo from 馬賽微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel