Jessica 鄭秀妍參加《乘風破浪姐姐3》被列為「朝鮮族」惹怒韓國網民！傳與男友舊愛阿嬌同組，成為節目亮點！

內地真人騷《乘風破浪的姐姐》第3季嘅參加名單被公開，有傳胡杏兒、薛凱琪、鍾欣潼（阿嬌）等人都會出演。而韓國女團少女時代前成員Jessica（鄭秀妍）亦將會參加，但節目組就將美國國籍嘅Jessica列入為「朝鮮族」，令唔少韓國網民感到不滿！而佢同現任男友權寧一嘅舊愛阿嬌即將同台亦成為節目嘅焦點之一。

Photo from Jessica IG

# 《乘風破浪的姐姐3》出演名單曝光！

內地女團競演真人秀《乘風破浪的姐姐》一向都會邀請大批女藝人參加訓練以及比賽，最終脫穎而出嘅參賽者將以女團成員身份出道。近日第3季嘅出演名單亦被曝光，當中包括唔少來自香港及台灣嘅藝人：Twins、胡杏兒、台灣歌手A-Lin、王心凌等卡司強勁，令唔少內地網民非常期待！

Photo from 微博

Photo from 胡杏兒IG

# Jessica國籍備受爭議？！

其中韓國女團始祖少女時代前成員Jessica（鄭秀妍）都係會出演節目，有傳佢已經抵達長沙預備拍攝。然而早前曝光嘅藝人名單中，Jessica卻被列為「朝鮮族」即係代表中國少數民族，令韓國網民深感不滿批評佢「見錢開眼」，引起熱議！

Photo from Jessica IG

Photo from 微博

# 節目組澄清名單可能經網民改動！

隨後，Jessica所屬嘅經紀公司承認出演內地綜藝一事，但火速澄清並冇填寫過有關國籍嘅資料，並查詢節目組；而對方回應「從未將Jessica標為朝鮮族」，認為流出嘅名單可能被網民改動過。

Photo from Jessica IG

# Jessica與男友舊愛阿嬌即將同台出演！

除此之外，網民認為今季嘅另一個看點就係Jessica將會同現任男友嘅舊愛阿嬌共同出演！有傳二人已經被節目組編到同一個組別當中，令唔少網民都質疑節目組想乘機炒作，相信佢哋都會於鏡頭前有唔少嘅互動喇～

Photo from 阿嬌微博

Photo from 微博

# K先生同阿嬌曾交往10個月！

Jessica現任男友權寧一（Tyler Kwon）係娛樂公司「Coridel」主席兼行政總裁，2012年被爆出與阿嬌熱戀，當時傳媒大多以「K先生」稱呼佢 ，二人相戀10個月後因為聚少離多而分開，但當時外界盛傳係因為男方花心性格導致分手！其後權寧一多次與Jessica傳出緋聞，直到2016年女方承認戀情，宜家二人已經交往接近9年！

Photo from 阿嬌微博

Photo from 吳雨微博

Photo from Tyler Kwon IG

# 權寧一人脈超廣！

權寧一因工作關係經常與唔同娛樂公司有合作，人脈非常廣，過往同勝利、男團2PM等關係唔錯。上年，Jessica個人品牌BLANC&ECLARE被指爆出財務危機，作為合夥人嘅權寧一已受到牽連，追討約682萬美元（約5313萬港幣）欠款！而佢當時發聲明力撐女友，為影響女友聲譽道歉，並承諾解決事件。

Photo from Tyler Kwon IG

相關文章：因為是朋友呀｜Twins容祖兒嫌棄螢幕初吻對象？阿嬌疑爆婚姻失敗原因

相關文章：阿嬌鍾欣潼新戲造型被讚靚爆鏡 網民激讚狀態回勇 仲靚過張曼玉版本？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

阿嬌鍾欣潼自爆太心急致離婚收場？霸氣稱「男人不可靠」公開4大擇偶條件

4 Apr , 2022

鍾欣潼（阿嬌）最近在內地有不少搞作，除了有網絡電影上架外，亦作客綜藝騷《辣媽學院》，並在當中大談愛情觀、擇偶條件等，又指自己現時已不再對婚姻感到著急。

Photo from 鍾欣潼 微博

拍《因為是朋友呀》令阿嬌更開朗

鍾欣潼（阿嬌）與蔡卓妍（阿Sa）及容祖兒（Joey）一起主持嘅綜藝騷《因為是朋友呀》在早前播映完畢，不少內地觀眾都希望節目開拍第二季。阿嬌近日亮相《辣媽學院》時，都話錄製上述節目令佢改變良多，例如在拍攝初期還頗為壓抑，但隨後還是把自己真實模樣釋放了出來，令佢有感錄製完成後變得更加開朗。

Photo from 蔡卓妍 微博

阿嬌直言「男人不可靠」

除此，經歷過離婚嘅阿嬌亦表達對婚姻看法：「你要敢愛，也要敢離開，最可靠的是你自己，男人不可靠的。」前夫賴弘國今年2月再婚兼將升格人父，而阿嬌則未有新戀情，佢笑言遇到不少年輕男子，但不會急於拍拖：「我遇到的都是小男生，不知道為什麼，但是不是愛的層面上了，已經是實際上真的不太匹配，所以我不着急。」

Photo from 《辣媽學院》截圖

Photo from 《辣媽學院》截圖

阿嬌太急進致離婚？

阿嬌被主持問是否曾有為婚姻著急過，佢坦言：「着急過啊，但離了啊。就過了那段時間，沒事了。」身為公眾人物嘅阿嬌又認為拍拖應該大方公開戀情，「他身邊的朋友該知道我的存在，因為我都不介意，你介意什麼？」

Photo from 微博

Photo from 《辣媽學院》截圖

阿嬌公開4大擇偶條件

對於擇偶條件，阿嬌在節目上也公開了心中嘅標準：「有擔當的、不小器的，雞毛蒜皮的那些我接受不了。」另外，佢亦要求對方必須來自一個完整家庭，「因為我是單親家庭出身的，所以我很了解沒有爸爸的感覺，我肯定要他是父母很完整的家庭成長的，我希望我的孩子可以有更多的愛。」

Photo from 《辣媽學院》截圖

情侶相處方面，阿嬌表示自己不會檢查對方手機或其他物品，但無法接受對方「失蹤」，「找他的時候必須找到人，就算你忙，你回我一個也可以，反正我知道你在哪裏，你在工作我就不煩你，不用馬上的，就是有回應就好了。」所以做阿嬌伴侶都必須好有交帶~

Photo from 鍾欣潼 微博

享受單身狀態

阿嬌稱現時十分享受做單身貴族，直言拍拖時要擔心對方情緒都幾麻煩，「你為什麼要找個人來煩自己？來氣自己？多了個絆腳石。我覺得好舒服啊一個人，一個人也可以很精彩啊。」

Photo from 《辣媽學院》截圖

Photo from 《辣媽學院》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）