download HolidaySmart 假期日常 app
內地網紅「俄羅斯娜娜」被踢爆用AI扮外國人,頓時痛失200萬粉絲!細數3位塑造假形象網紅!農村題材最受歡迎?

內地網紅「俄羅斯娜娜」被踢爆用AI扮外國人,頓時痛失200萬粉絲!細數3位塑造假形象網紅!農村題材最受歡迎?

生活熱話
By Stephanie on 08 Apr 2022
Digital Content Writer

內地網紅數目越來越多,當中唔少人都會用非常強大嘅濾鏡,導致經常都會出現「照騙」嘅情況,不過現時嘅「換面」技術似乎又更上一層樓!日前,抖音網紅「俄羅斯娜娜」以混血兒樣貌及表達對中國文化嘅喜愛,成功吸引200萬內地粉絲追蹤;但卻被發現原來係由一位大叔用AI技術假扮嘅角色?!

「俄羅斯娜娜」以熱愛中國文化,成功贏取近200萬內地網民嘅歡心!Photo from 抖音

# 內地抖音網紅「俄羅斯娜娜」火速爆紅!

網紅「俄羅斯娜娜」憑住外國人深邃嘅外表,以及獨特嘅口音贏得大眾嘅目光;佢經常都會於抖音分享「俄羅斯常識」,並表達對中國文化嘅熱愛而火速爆紅,短時間內就吸引近200萬粉絲!人氣飆升嘅佢仲獲得廣告商青睞,有份直播帶貨嘅食品銷量都唔錯~

「俄羅斯娜娜」成功以外國人形象爆紅!Photo from 抖音

「俄羅斯娜娜」每次影片開頭都會講「「中國的兄弟姐妹們你們好」!Photo from 抖音

# 被網民質疑係假扮外國人?!

不過,有網民質疑「娜娜」直播時畫面有啲奇怪,有時候會「起格仔」,懷疑佢係使用濾鏡假扮嘅外國人,並且想靠近期俄羅斯嘅熱度上位!加上,現時嘅濾鏡非常厲害,只要專登選擇用「外國人特效」就能夠以假亂真。

有網民認為「娜娜」直播嘅畫質有啲差,而且五官模糊不清!Photo from 抖音

質疑佢可能只係用濾鏡假扮成為外國人!Photo from 抖音

# 被官方封鎖帳號!

日前,抖音官方就指「俄羅斯娜娜」被發現有假冒虛假人設嘅行為出現,立刻將其帳號無限期封鎖,但就未有公開表示佢嘅真實身份。有網民認為「娜娜」好有可能係一位男生,因為佢平時嘅聲線比較沙啞,仲被網民成功截圖發現冇濾鏡修飾嘅真面目!但亦有網民覺得佢應該係一位較為年長嘅女士,真實身份被受熱議!

有網民發現「俄羅斯娜娜」喺髮廊洗頭時,疑似冇咗濾鏡,認為就咁睇真身應該係男人!Photo from 《國民大會》

但亦有網民成功截圖,覺得佢應該係大媽?!Photo from 微博

唔少網紅為咗突圍而出都會塑造獨特嘅形象,過往亦有網紅被發現利用「假人設」吸引粉絲!

1. 19歲農村少女「涼山孟陽」

19歲嘅農村少女「涼山孟陽」生活於山上,於影片中自稱家境貧困,14歲就輟學打工,養育4位兄弟姐妹,並且開始直播帶貨分擔家計!佢大部分嘅影片背景都係簡陋嘅農村,衣著亦比較樸素。但佢正面樂觀嘅態度成功吸引近400萬粉絲,唔少網民都深表同情!

農村少女「涼山孟陽」自稱家境貧困,仲需要養育4位兄弟姐妹!Photo from 抖音

唔少網民都對於佢嘅處境感到同情,粉絲人數逾400萬!Photo from 抖音

# 被網民踢爆真面目!

然而,有網民就揭發「涼山孟陽」嘅真面目,指佢於影片中所講嘅全部都係假嘅,只係為博取大眾同情而自編自導自演嘅故事!據悉,現實中嘅佢係「涼山小云云」,已經結婚並且成為人母。有網民指佢成為網紅後,一年嘅收入至少過百萬;而佢拍攝影片時仲有幕後團隊,自己嘅小朋友喺拍片時會被團隊照顧住先!

有指「涼山孟陽」2018年嘅時候就已經結婚!Photo from 微博

而且仲成為咗媽媽!Photo from 微博

# 現實中過富貴生活?!

「涼山孟陽」平時嘅打扮同普通少女差唔多,而且經濟狀況似乎唔錯,被撞破出入高級餐廳,而翻出嘅舊照仲配戴昂貴名錶、價值5千港幣嘅民族服等,同「農村少女」形象差天共地!

現實中「涼山孟陽」打扮光鮮亮麗,並非如影片中所講!Photo from 微博

有網民翻出佢嘅舊照,手上嘅手錶價值港幣約5萬!Photo from 微博

拍攝影片時嘅民族服 Photo from 微博

被網民發現服裝價值不菲!Photo from 微博

2. 農村夫婦「牛愛芳的小春花」

自稱來自湖南農村嘅夫婦「牛愛芳的小春花」經常分享簡單樸素嘅生活以及農村料理,佢哋居住嘅環境並非特別華麗,屋內養咗唔少動物,包括:10頭牛、豬、雞等,向大眾宣揚知足常樂嘅道理。唔少網民都覺得農村生活有新鮮感,認為同網上千遍一律嘅內容唔同,佢哋因此而人氣急升,短短一年就有1,900萬粉絲!

「牛愛芳的小春花」自稱於農村生活,家中仲養咗唔同嘅動物!Photo from 「牛愛芳的小春花」抖音

經常大晒樸素農村生活,深受網民喜愛~Photo from 「牛愛芳的小春花」抖音

# 直播帶貨賺超多!

隨住追蹤人數增加,「牛愛芳的小春花」亦開始直播帶貨,有傳佢哋一場直播嘅收益接近2,600萬人民幣,而佢哋能夠從中獲得200萬人民幣,收入可觀!

兩夫婦人氣飆升成功吸引1,200萬粉絲追蹤~Photo from 「牛愛芳的小春花」抖音

一場直播帶貨就賺200萬?!Photo from 「牛愛芳的小春花」抖音

# 被踢爆做網紅前已經成立公司!

不過,網民好快就搵到兩夫婦過往嘅影片帳號「堅強哥和章脆」,二人根本就唔係農民!而丈夫「小春花」實際上係叫「章脆」於2017年成立咗一間小公司,夫婦二人被爆於長沙擁有幾個房屋,而佢哋嘅結婚照仲配戴金碧輝煌嘅金器,打扮大相逕庭!

有網民踢爆佢哋早於2017年就成立咗自己嘅公司!Photo from 微博

兩夫婦被踢爆根本就唔係農村人!Photo from 微博

# 全部出演者都係演員?!

最誇張嘅就係有傳片中出現過嘅鄰居、動物等全部都係花錢購買嘅演員,而主要背景紅磚屋仲係佢哋專登興建嘅,平時根本冇人居住,令網民對於成個「戲劇」感到震驚!「牛愛芳的小春花」被踢爆後形象插水,只係發聲明向大眾道歉,並未有對爆料作出解釋,似乎係默認傳聞。

有指,曾出現於影片中嘅幾乎全部都係演員!Photo from 微博

有關「牛愛芳的小春花」嘅傳聞爆出後,佢哋向大眾道歉!Photo from 微博

3. 身材苗條網紅「西紅柿ovo」

於抖音擁有逾87萬粉絲嘅「西紅柿ovo」係唔少網民心目中嘅女神,擁有個人特色嘅「厭世樣貌」以及苗條嘅身型,令佢一直人氣高企!

「西紅柿ovo」憑厭世樣貌成功火速走紅!Photo from 「西紅柿ovo」抖音

吸引逾87萬粉絲追蹤!Photo from 「西紅柿ovo」抖音

# 身型樣貌全靠P圖?!

不過,「西紅柿ovo」就被過往嘅閨蜜大爆身型原來全靠P圖得來,仲公開佢P圖前後嘅對比照,令大批網民感到震驚!隨後,佢就作出回應「我看大家都在崇拜我的修圖風格,給大家放幾張板模,P完了直接艾特(tag)我來批作業」,似乎認證咗事實~

「西紅柿ovo」被前閨蜜爆料所有照片都係經過P圖!Photo from 微博

「西紅柿ovo」本身並非咁苗條,全部都都係靠P圖?!Photo from 微博

其後「西紅柿ovo」亦間接承認P圖事實!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅誓做真人Barbie,13歲起整容過百次!網民:原本個樣好地地

8 Mar , 2022

追求完美係好多人嘅本性,唔少女生會選擇整容。喺內地有一位18歲網紅喺5年間已整容超過100次,改頭換面佢仍唔滿意,誓要成為「真人Barbie」,但網友就指佢本身仲好睇過依家,唔明點解要整容。

內地有一位18歲網紅喺5年間已整容超過100次,改頭換面佢仍唔滿意,誓要成為「真人Barbie」Photo from 小z娜娜nana 微博

18歲內地網紅5年整容過百次

現今科技發達,即使對自己嘅外型唔滿意亦可以透過醫學美容等方法改變。內地網紅「小z娜娜nana(周楚娜)」就係其中之一,佢想變得更美,於是開始整容。

內地網紅「小z娜娜nana(周楚娜)」Photo from 小z娜娜nana 微博

一心想成為「真人芭比娃娃(Barbie)」嘅佢13歲起就整容,5年間由臉到身整容過百次,每次都花費幾千至幾十萬元,估計已豪花逾500萬。

一心想成為「真人芭比娃娃(Barbie)」嘅佢13歲起就整容Photo from 小z娜娜nana 微博

,5年間由臉到身整容過百次,每次都花費幾千至幾十萬元,估計已豪花逾500萬。Photo from 小z娜娜nana 微博

網友稱「唔識欣賞」,小z娜娜仍未滿意

經歷100次整容後,佢依家雙眼大如銅鈴,仲有超深雙眼皮、鼻子極高挺、微笑唇,面型亦十分突出,下巴勁尖,佢指自己基本上每日都係恢復期。唔少網民都表示唔識欣賞呢種美。

經歷100次整容後,佢依家雙眼大如銅鈴,仲有超深雙眼皮、鼻子極高挺、微笑唇,面型亦十分突出,下巴勁尖Photo from 小z娜娜nana 微博

唔少網民都表示唔識欣賞呢種美。Photo from 小z娜娜nana 微博

由於成個人改頭換面,同原樣已經完全唔同,小z娜娜曾經換過4次身份證。佢又表示對自己依家嘅外型仍唔滿意,覺得仲有可以改進嘅地方。

由於成個人改頭換面,同原樣已經完全唔同,小z娜娜曾經換過4次身份證Photo from 小z娜娜nana 微博

小z娜娜表示對自己依家嘅外型仍唔滿意,覺得仲有可以改進嘅地方。Photo from 小z娜娜nana 微博

愛上整容,更參加選秀節目《創造營2021》

佢又認為唔需要理會其他人嘅言論,自己中意點整就點整開心就好:「整容改變命運走上人生巔峰。」成為網紅後佢更以「周楚娜」呢個名報名參加選秀節目《創造營2021》。

小z娜娜認為唔需要理會其他人嘅言論,自己中意點整就點整開心就好Photo from 小z娜娜nana 微博

成為網紅後佢更以「周楚娜」呢個名參加選秀節目《創造營2021》。Photo from 小z娜娜nana 微博

小z娜娜指唔會理人點諗佢Photo from 小z娜娜nana 微博

佢2021年喺微博公開新年願望:「新年願望是整容越整越漂亮!越來越美越來越瘦眼睛越來越大鼻子越來越好高臉越來越小越來越白」

小z娜娜:「新年願望是整容越整越漂亮!越來越美越來越瘦眼睛越來越大鼻子越來越好高臉越來越小越來越白」Photo from 小z娜娜nana 微博

小z娜娜整容前素顏曝光

不過小z娜娜家境殷實,有指佢第一次整容就係求父母帶佢去整雙眼皮,一直以嚟佢花費巨額微調父母都好支持,不過佢公開自己原本樣子卻被唔少網友指比依家個樣更好睇。

小z娜娜家境殷實,有指佢第一次整容就係求父母帶佢去整雙眼皮Photo from 小z娜娜nana 微博

小z娜娜公開自己原本樣子卻被唔少網友指比依家個樣更好睇。Photo from 小z娜娜nana 微博

網民:「看現在的臉得起雞皮疙瘩。」、「以前美多了!」,但小z娜娜坦言佢好唔滿意自己以前嘅樣,認為十分平庸,而且皮膚唔夠白。

小z娜娜坦言佢好唔滿意自己以前嘅樣,認為十分平庸,而且皮膚唔夠白。Photo from 小z娜娜nana 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel