download HolidaySmart 假期日常 app
內地女買樓後驚覺窗外一片墳墓!稱經紀無事先提醒 因1個原因無法換樓?

內地女買樓後驚覺窗外一片墳墓!稱經紀無事先提醒 因1個原因無法換樓?

時事熱話 生活熱話
By Cheryl on 07 Apr 2022
Digital Editor

買樓後才發現新樓「驚喜處處」真係好頭痕。近日,內地一名孝順女為父母購入過百萬新樓,豈料事後參觀時才發現窗外對正一片公墓!事主一家非常介意並想換單位,但開發商竟因為呢個原因,而表示無法做到?

內地一名劉姓孝女買過百萬新樓後,卻發現窗口對正墳墓。Photo from 微博

新樓對正墳墓點算好?!

據內媒報導,來自湖北省武漢一名劉姓女子置入了價值過百萬嘅新物業送畀父母。當一家到新樓參觀時,才驚覺環境相當唔吉利!當中客廳及2個睡房嘅窗戶都對正一片有幾十年歷史嘅公墓。

窗口景色Photo from 微博

竟對著一片墳墓!Photo from 微博

事主聲稱睇樓時未被告知「有伏」

劉女嘅年長父母深感介意,都明言不想入住該單位。而劉女則表示,買樓時未被銷售顧問告知單位對正墳景,又指如果顧問有提醒一聲,自己就會選購其他樓層或樓棟。佢續稱收樓時並無注意到「有伏」,並向開發商要求調換同區另一單位。

劉女話如果一早知會對著墳墓,就會選購其他單位。Photo from 微博

單位售罄無得換?!

不過,開發商表示難以滿足劉女要求,又指當初在銷售現場已表明西南方向係一處公墓,而且因為全部單位都已在2018至2019年賣完,亦已交樓,所以想換都換不了。佢哋故此好難調換新樓,並只能請劉女向相關客戶部門聯繫。

窗外一片墓園Photo from 微博

對此,有律師認為開發商有權選擇是否告知項目周邊嘅環境因素,而賣家落訂前亦有責任自行考察物業周邊環境。但佢同時建議劉女可嘗試跟開發商進行協商,以爭取適當補償,或減免物業管理費之類嘅方式來彌補損失。

律師認為買家有需要先自行考察物業嘅周邊環境。Photo from 微博

唔知換著係大家又會點做?相信唔少人都不想居所面向公墓,不過,早前YouTuber大J移居日本後,拍片分享在當地物色屋租經歷,而其中一間屋就對正一個墳場,然而佢同太太都表示唔介意!所以,真係每個人都有不同嘅接受程度~

大J同太太都表示唔介意屋外對著墳場。Photo from 大J YouTube頻道

大J早前在日本拍片分享睇樓經歷,其中一間屋就對正墳場。Photo from 大J YouTube頻道

屋子面對墳場,你會唔會介意呢?Photo from 大J YouTube頻道

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel