小S節目網紅爆與韓星夜店約會，對方要求去廁所親熱！男星身份疑曝光
Photo from 《小姐不熙娣》
《小姐不熙娣》網紅筱筱爆曾與韓星拍拖
《小姐不熙娣》嘅固定成員筱筱喺節目中大爆自己同過韓星拍拖，佢表示對方去台灣演出時兩人透過朋友相識，之後佢哋一直有聯絡，筱筱指：「我也不知道，他突然看上我，我也不知道為甚麼？」
Photo from 《小姐不熙娣》
男方暗示一齊入廁所「進一步發展」
筱筱後來曾飛去韓國與男友約會，佢透露佢哋一齊去夜店，男友情緒高漲，仲不避嫌同佢落舞池跳舞。情到濃時男友帶筱筱行埋一角，仲壁咚佢同佢接吻。
Photo from 《小姐不熙娣》
Photo from 《小姐不熙娣》
Photo from 《小姐不熙娣》
Photo from 《小姐不熙娣》
之後男友仲示意佢哋一齊入廁所「進一步發展」，但筱筱覺得太誇張就拒絕男友要求。筱筱未有提及同男友分手嘅原因，但曾同韓國男團成員親熱嘅經歷就令小S十分激動。
Photo from 《小姐不熙娣》
Photo from 《小姐不熙娣》
Photo from 《小姐不熙娣》
小S得知男方身份超驚訝：「是天團耶！」
其實喺筱筱公開佢同男友夜店嘅經歷前就已經透露咗對方嘅身份，當時全場都忍唔住大嗌：「嘩！」、「那麼紅」，小S更直接拎出電話search男團嘅相片，然後畀筱筱指認係邊一位成員，小S睇完後尖叫：「不是小團耶，我跟你講這可以說是天團耶！」
Photo from 《小姐不熙娣》
Photo from 《小姐不熙娣》
Photo from 《小姐不熙娣》
Photo from 《小姐不熙娣》
筱筱又爆料男友身材好好，小S即忍唔住話：「請受我一拜！」節目播出後引起網民熱烈討論，有人認為小S識嘅韓星唔多，佢覺得「超紅」，加上「身材好」等線索，網民指應該係幾年前走紅嘅男團，如BIGBANG、SUPER JUNIOR、2PM等。
Photo from 《小姐不熙娣》
Photo from 《小姐不熙娣》
韓國網友憑「廁所」聯想到朴有天
有關片段更傳到去韓國，仲上埋新聞，掀起韓國網友熱議。有韓國網友喺論壇開post討論，結果大部分人都聯想起一位男星，仲直言「提起廁所就諗起佢」。
Photo from Dispatch
Photo from 朴有天微博
呢位男星正係朴有天，佢曾經係男團「東方神起」成員，之後與經理人公司解約後以「JYJ」成員繼續發展演藝事業。佢早年陷入桃色風波，被多名女子爆佢中意喺廁所發生關係。
Photo from 朴有天微博
朴有天對「廁所」情有獨鍾？
朴有天的確對「廁所」有特殊感情，佢過往親手畫嘅畫就有兩個馬桶；被問到對「美」有咩聯想，佢諗起嘅單詞亦有「馬桶」，而自佢陷入桃色風波後，網民就將佢同廁所連繫起嚟。
Photo from 微博
網民揭筱筱韓星男友疑為男團2PM成員
不過朴有天雖然符合「天團成員」等線索，但佢似乎係被誤會，因為有網友透過小S不慎背對鏡頭而曝光嘅手機畫面，搵到疑似係小S佢哋放大嚟睇嘅「筱筱男友」相片。
Photo from 微博
相中人疑為韓國男團2PM成員「Jun.K」，相片嘅背景以及衣著、髮型都非常相似，而2PM早年的確好受歡迎，成員亦以好身材著稱，2PM曾到台北舉辦亞洲巡迴演唱會，不過當事人並未承認有關傳聞。
Photo from Jun. K IG
Photo from 2PM IG
Photo from Jun. K IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
大S爆結婚受盡委屈，汪小菲唔畀食飯？對話疑曝光，兒子唔想見爸爸
6 Apr 2022
大S與汪小菲結束10年婚姻
大S 2010年同內地商人汪小菲結婚，兩人婚後育有一子一女，不過佢哋因疫情分隔兩地，聚少離多，最終於2021年11月宣佈離婚。而大S更喺離婚後4個月即再嫁前男友具俊曄，引起中港台三地熱議！
Photo from 具俊曄 IG
汪小菲突發火鬧小S，堅拒子女叫具俊曄做「爸爸」
汪小菲亦被指另結新歡張穎穎，更為對方爭風呷醋。雖然大S同汪小菲都曾公開表示祝福彼此，但離婚至今兩人不斷傳出各種消息。汪小菲仲突然於微博公開大鬧小S，又強硬表示不允許自己嘅仔女叫一個佢唔識嘅人做爸爸。
不過小S喺節目《小姐不熙娣》繼續提及姐夫具俊曄，稱去兩日一夜旅行，如果住所有多一間房可以叫埋姐姐、姐夫一齊去，更指會乘機攬具俊曄，似乎未有將汪小菲所講嘅嘢放喺心上。
唔少網民都認為汪小菲「管太多」，指佢都另有新歡，仲對前妻嘅家庭生活指指點點。當初大S同汪小菲離婚時就有傳係因為兩人聚少離多，亦有傳汪小菲未離婚就戀上張穎穎，同大S離婚係遲早嘅事。
大S朋友圈對話紀錄疑曝光，大爆結婚10年受盡委屈？
大S一直未曾回應與汪小菲離婚原因，對於汪小菲同張穎穎嘅緋聞大S亦無表態，但有傳媒爆出疑似大S朋友圈對話紀錄，大S原來曾向朋友透露10年婚姻嘅苦況？！
喺2021年3月佢就向朋友大吐苦水，發言前兩日正係佢同汪小菲舉行婚禮嘅紀念日，但大S似有感慨，佢表示本來以為做女明星好難，估唔到做媽媽仲難，而最難嘅係做人老婆。
報道仲指汪小菲非常「大男人」，曾嫌棄大S唔keep fit，佢哋去韓國旅行汪小菲竟唔畀大S食飯！另外汪小菲又中意飲酒，成日飲醉就將衣物亂咁掟，即使有傭人幫忙亦要大S執手尾。
大S透露兒子唔想見汪小菲，疑因偏心女兒導致？
汪小菲曾表明「想要孩子」，又話容許仔女留喺台北已經好妥協，但大S疑透露仔仔好唔中意爸爸，根據大S喺2021年2月嘅發言，佢問兒子爸爸就嚟返屋企開唔開心，點知仔仔竟大喊稱唔要爸爸返嚟，要爸爸去北京，令大S好無奈。
有指係因為汪小菲疼愛女兒、對仔仔嚴厲，令兒子好怕佢。喺大S公開再婚消息後汪小菲曾將微博簡介欄改為「希望玥兒每天都開開心心的」，可見佢對愛女嘅重視。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
