download HolidaySmart 假期日常 app
藤子不二雄A與《多啦A夢》淵源公開!與原作者係好友,兩人畫風超似?

藤子不二雄A與《多啦A夢》淵源公開!與原作者係好友,兩人畫風超似?

時事熱話
By Jennifer on 07 Apr 2022
Digital Editor

日本漫畫家藤子不二雄A於家中逝世,終年88歲。佢嘅作品《忍者小靈精》為人熟悉,原來佢更曾與《多啦A夢》作者共用筆名,兩人識於微時,曾一同創作漫畫,兩人嘅畫風都有相似嘅地方。

日本漫畫家藤子不二雄A於家中逝世,終年88歲Photo from NHK

「藤子不二雄」係兩位漫畫家共用之筆名

「藤子不二雄」可能有好多人聽過,其實佢係代表咗兩位漫畫家,分別係藤子·F·不二雄(藤本弘)以及藤子不二雄A(安孫子素雄)。其中藤子·F·不二雄更係家傳戶曉嘅作品《多啦A夢》嘅原作者。

藤子·F·不二雄(藤本弘)係《多啦A夢》嘅原作者Photo from 多啦A夢中文網

藤子不二雄A(安孫子素雄)Photo from Twitter

題材取向不同,兩人終分道揚鑣

兩人年輕時一齊去東京發展,更合作咗《Q太郎》系列漫畫。不過兩人之後因題材、畫風上開始出現差異,最終決定分道揚鑣,將「藤子不二雄」呢個筆名分拆成「藤子·F·不二雄」同「藤子不二雄A」。

「藤子不二雄」呢個筆名分拆成「藤子·F·不二雄」同「藤子不二雄A」。Photo from Twitter

兩人年輕時一齊去東京發展,更合作咗《Q太郎》系列漫畫Photo from 《Q太郎》

藤子·F·不二雄創作家傳戶曉作品《多啦A夢》

《多啦A夢》自1969年12月開始連載,而「藤子·F·不二雄」同「藤子不二雄A」係喺1987年拆夥,雖然喺時間線上反映創作《多啦A夢》時兩人仍然係合作夥伴,但當時佢哋其實都已經分開創作個人作品,加上《多啦A夢》嘅署名及版權都全屬「藤子·F·不二雄」,所以《多啦A夢》應該係藤子·F·不二雄獨立創作嘅作品。

《多啦A夢》自1969年12月開始連載Photo from 《多啦A夢》

《多啦A夢》嘅署名及版權都全屬「藤子·F·不二雄」,所以《多啦A夢》應該係藤子·F·不二雄獨立創作嘅作品。Photo from 《多啦A夢》

兩人雖然唔再合作畫漫畫,但關係卻一直都好好,喺藤子·F·不二雄1996年離世後,曾有人問過藤子不二雄A會唔會接手繼續創作《多啦A夢》,佢表示《多啦A夢》係佢無法畫出嘅作品。

喺藤子·F·不二雄1996年離世後,曾有人問過藤子不二雄A會唔會接手繼續創作《多啦A夢》,佢表示《多啦A夢》係佢無法畫出嘅作品。Photo from Twitter

藤子·F·不二雄與藤子不二雄A畫風相似?

不過有指藤子不二雄A曾經幫手畫過《多啦A夢》嘅一啲商品,佢同藤子·F·不二雄嘅畫風其實都有啲相似。初期嘅多啦A夢係頭細身大,多年嚟畫風都有所變化,而藤子不二雄A筆下嘅人物都同《多啦A夢》角色或多或少有類似嘅地方。

有指藤子不二雄A曾經幫手畫過《多啦A夢》嘅一啲商品Photo from 《多啦A夢》

初期嘅多啦A夢係頭細身大Photo from 《多啦A夢》

藤子不二雄A創作嘅《忍者小靈精》同藤子·F·不二雄嘅畫風其實都有啲相似Photo from 《忍者小靈精》

藤子不二雄A筆下嘅人物都同《多啦A夢》角色或多或少有類似嘅地方Photo from Twitter

《多啦A夢》曾出現兩人「自畫像」?

《多啦A夢》曾多次出現藤子·F·不二雄同藤子不二雄A兩人,其中藤子·F·不二雄係高瘦戴住畫家帽;藤子不二雄A相對較矮,而且係戴眼鏡嘟嘴嘅形象。

《多啦A夢》曾多次出現藤子·F·不二雄同藤子不二雄A兩人Photo from 《多啦A夢》

藤子·F·不二雄係高瘦戴住畫家帽;藤子不二雄A相對較矮,而且係戴眼鏡嘟嘴嘅形象Photo from 《多啦A夢》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

比卡超唔係老鼠/姆明係精靈!10大卡通角色真身公開!滑嘟嘟係身體器官?!

17 Sep 2021

好多卡通人氣角色大受歡迎,但就算係fans都未必知道佢哋嘅真正身份,為大家揭開10大角色真身:其實比卡超唔係老鼠、姆明唔係河馬、Ryan都唔係熊!仲有麥當勞角色「滑嘟嘟」到底係咩?!

好多卡通人氣角色大受歡迎,例如迪士尼一班角色Photo from Disney

1. Hello Kitty:小女孩

有貓耳、貓鬚、圓鼻,唯獨無口嘅Sanrio人氣角色Hello Kitty喺全球有無數粉絲,佢嘅真身係一位小女孩,亦都因為咁,無嘴嘅小女孩身份令佢嘅外型十分詭異。

Hello Kitty:小女孩Photo from Sanrio

無嘴嘅小女孩身份令佢嘅外型十分詭異。Photo from Sanrio

2. 姆明:精靈

嚟自芬留蘭嘅姆明全身白雪雪又圓碌碌,成日都被誤會係白色河馬,雖然個樣好似,但其實佢包含作者希望世界和平嘅願望,係一隻精靈!

嚟自芬留蘭嘅姆明全身白雪雪又圓碌碌,成日都被誤會係白色河馬

其實姆明包含作者希望世界和平嘅願望,係一隻精靈

3. 《Kakao Friends》Ryan:獅子

Kakao Friends超高人氣嘅Ryan外型極似熊,但實際上佢係一隻無鬃毛嘅獅子,啡色身體同圓豆眼令佢「霸氣盡失」,走可愛路線又難怪會被人誤會。

Kakao Friends超高人氣嘅Ryan外型極似熊Photo from Kakao Friends

實際上Ryan係一隻無鬃毛嘅獅子Photo from Kakao Friends

4. 《寵物小精靈》比卡超:大福+松鼠

不論細個睇卡通片定係大個睇電影《神探Pikachu》,比卡超形象根本就係一隻「電老鼠」(或者係兔仔),但根據比卡超嘅設計師西田敦子所講,一開始比卡超身體其實係一粒大福,後尾加咗松鼠嘅特徵。

比卡超形象根本就係一隻「電老鼠」Photo from 《寵物小精靈》

根據比卡超嘅設計師西田敦子所講,一開始比卡超身體其實係一粒大福Photo from 《神探Pikachu》

5. 耀西(Yoshi):烏龜

有玩任天堂遊戲嘅朋友一定識耀西,係Mario嘅坐騎。佢後頸有背棘,所以成日被以為係恐龍,但睇真啲,佢背脊仲有個龜殼,設計稱手塚卓志指佢係「烏龜族」,所以耀西真身係烏龜!

有玩任天堂遊戲嘅朋友一定識耀西,係Mario嘅坐騎Photo from Nintendo

設計稱手塚卓志指佢係「烏龜族」,所以耀西真身係烏龜!Photo from Nintendo

6. 《海賊王》喬巴:馴鹿

喬巴同樣都係好受歡迎嘅漫畫角色,雖然被誤會係狸貓,但事實上佢係藍鼻子嘅馴鹿醫生。

喬巴係好受歡迎嘅漫畫角色,有時被誤會係狸貓Photo from 《海賊王》

《海賊王》嘅喬巴係藍鼻子嘅馴鹿醫生。Photo from 《海賊王》

7. 「POINKO兄」、「POINKO弟」:鸚鵡

經常出現喺meme,其實係日本電信公司docomo嘅吉祥物,個名叫得「POINKO兄」、「POINKO弟」,佢哋當然係兄弟,不過實際上一共有8兄弟,佢哋兩隻就最常出現喺meme,總係有人疑惑佢哋究竟係雞定係鴨,事實上佢哋係鸚鵡(雞尾鸚鵡/玄鳳鸚鵡)!

經常出現喺meme,其實係日本電信公司docomo嘅吉祥物Photo from docomo

總係有人疑惑佢哋究竟係雞定係鴨Photo from Facebook

「POINKO兄」、「POINKO弟」真身係鸚鵡(雞尾鸚鵡/玄鳳鸚鵡)!Photo from docomo

8. 多啦A夢:貓型機械人

喺卡通片中多啦A夢成日都會好憤怒咁講:「我唔係狸貓呀!!!!」,真身係貓型機械人嘅多啦A夢之所以經常被誤會都係因為佢圓碌碌嘅大頭。佢本來有一對貓耳但因為瞓覺嗰時被老鼠咬咗,於是就大喊咗一場,令原本係黃色嘅佢掉漆變成藍色,成為今時今日嘅多啦A夢。

喺卡通片中多啦A夢成日都會好憤怒咁講:「我唔係狸貓呀!!!!」Photo from 《多啦A夢》

本來有一對貓耳但因為瞓覺嗰時被老鼠咬咗Photo from 《多啦A夢》

大喊咗一場令原本係黃色嘅佢掉漆變成藍色,成為今時今日嘅多啦A夢。Photo from 《多啦A夢》

9. 史迪仔:藍色樹熊

史迪仔係迪士尼人氣角色之一,嚟自外太空嘅626外星生物,原來原型係藍色樹熊!雖然佢活潑好動,完全唔似懶洋洋嘅樹熊,但其實睇返佢個鼻就會發現真係有樹熊嘅特徵!

史迪仔係迪士尼人氣角色之一,原來原型係藍色樹熊Photo from Disney

睇返佢個鼻就會發現史迪仔真係有樹熊嘅特徵!Photo from Disney

10. 滑嘟嘟:人體器官?!

麥當勞「吉祥物」除咗有麥當勞叔叔、漢堡神偷之外,仲有滑嘟嘟,滑嘟嘟唔似小飛飛咁一睇就知係雀,全身紫色嘅滑嘟嘟真身十分神秘。麥當勞2012年喺Twitter發文指「滑嘟嘟」其實係奶昔化身,所以佢最愛係飲奶昔。但近日加拿大一間麥當勞嘅分店經理Brian Bates就表示滑嘟嘟係「一個巨型味蕾」(an enormous tastebud),代表咗食物味道嘅抽象概念」。

全身紫色嘅滑嘟嘟真身十分神秘。麥當勞2012年喺Twitter發文指「滑嘟嘟」其實係奶昔化身Photo from McDonald's

加拿大一間麥當勞嘅分店經理Brian Bates就表示滑嘟嘟係「一個巨型味蕾」(an enormous tastebud)Photo from McDonald's

同場加映:史諾比(Snoopy)真係狗!

之前Hello Kitty唔係貓嘅消息傳出後太令人震驚,花生漫畫(Peanuts)喺官方Twitter發文:「我哋可以確認,史諾比係狗。」,向粉絲大派「定心丸」,史諾比(Snoopy)真身係黑白花色嘅小獵犬(Beagle)。

花生漫畫(Peanuts)喺官方Twitter發文:「我哋可以確認,史諾比係狗。」Photo from Peanuts Twitter

史諾比(Snoopy)真身係黑白花色嘅小獵犬(Beagle)。Photo from Peanuts

Snoopy總係懶洋洋咁「躺平」Photo from Peanuts

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel