download HolidaySmart 假期日常 app
Marf@COLLAR自爆曾與同學相處不快要轉校 透露名字由來 更常被誤認菲律賓人?

Marf@COLLAR自爆曾與同學相處不快要轉校 透露名字由來 更常被誤認菲律賓人?

娛樂新聞
By Cheryl on 08 Apr 2022
Digital Editor

女團COLLAR日前作客陳志雲YouTube節目《Stephen.傾》,當中成員Marf(邱彥筒)提到自己英文名同菲律賓好有關,更常被誤認係菲律賓人,佢仲爆初中時期與同學相處不快,搞到佢好大壓力,最終更要轉校!

Marf日前在陳志雲YouTube節目《Stephen.傾》中透露不為人知嘅經歷。Photo from Marf IG

COLLAR八位成員包括:Marf邱彥筒、Gao沈貞巧、Day許軼、Soching蘇芷晴、Candy王家晴、Winka陳泳伽、Ivy So蘇雅琳、Sumling李芯駖,最近擔任訪談節目《Stephen.傾》嘉賓,期間表演合唱歌之餘,亦進行訪問環節。

女團COLLAR八位成員擔任網上訪談節目《Stephen.傾》嘉賓。Photo from 志雲頻道 stephenchannel

Marf因名字被誤認菲律賓人?

主持陳志雲提到Marf名字獨特,問對方:「邊度改返嚟?」Marf表示其實佢嘅英文名全寫係「Marife」,名字由媽媽嘅姑姐改,「呢個名好似係阿拉伯文,近呢兩年識咗我菲律賓班朋友之後,就發現原來菲律賓好多人叫Marife,所以好多菲律賓人都問我係咪當地人,而我都會答佢哋『我係Local(本地香港人)』。」

Marf透露英文名來由,更指常備菲律賓人誤認係「同鄉」。Photo from 志雲頻道 stephenchannel

Marf初中與同學相處不快

Marf中三轉校到香港兆基創意書院,當中原因同佢初中跟同學相處出現問題有關,當時佢向父母表示在學校好唔開心好大壓力,「當時受到一啲冷言冷語,會令我好唔想返學,以前冇同父母講太多,係最近傾多咗,先知道點解我會想轉校,原來當時係咁辛苦。」佢坦言當年經歷令佢留下陰影,對人際關係帶有恐懼,對人嘅防備心亦相對增強。

Marf自爆初中時與同學相處不快,令佢萌生轉校念頭。Photo from 志雲頻道 stephenchannel

重提怒斥雜誌主編事件

除此,Marf亦被問早前怒斥雜誌主編事件,佢坦言當時「撳錯掣」,不慎將言論公開,而誤會已早已解決,「嗰時純粹係態度、意見,大家少合作,一啲安排上突然轉變造成嘅衝突。」

Marf表示已從「雜誌主編爭議」事件中汲取教訓。Photo from Marf IG

Marf坦言發生爭議後有感到擔心,「主要係擔心影響成個團隊,個人嚟講我就真係撳咗(發送掣),發洩咗感受,好彩係而家發生,汲取咗經驗。」

Marf早前上載IG Story怒罵一名雜誌主編,事後已刪除動態帖文。Photo from Marf IG

被Ivy感言感動到喊

另外,隊友Ivy在訪談中分享了參加《全民造星IV》時受爸爸極力反對,到最後終於支持自己追尋夢想嘅經歷。聽到Ivy多謝家人嘅感言後,一旁嘅Marf和Winka都非常感觸,忍不住落淚。

Marf聽完Ivy與家人之間嘅經歷後感動落淚。Photo from 志雲頻道 stephenchannel

Winka都喊埋Photo from 志雲頻道 stephenchannel

Marf點評COLLAR隊友

除了頻上節目宣傳,Marf早前亦在個人IG開直播,並應觀眾要求逐一說出對COLLAR其餘七位成員嘅感覺,期間更大爆經理人阿Wing(戴穎)因為曾在節目上爆佢經常遲到,而怕Marf會生氣,但Marf認為對方只係說出事實,自己確實有不足地方,所以絕無不滿。

經理人Wing早前在ViuTV節目《爆谷一周》直指Marf有遲到習慣。Photo from ViuTV

芯駖對Marf來說係一個充滿反差嘅姐姐,對佢第一個印象就係「成個袋都係食物」;而隊長阿Gao就係一個低調又溫暖嘅存在,佢富有耐性又細心,某程度上也很Man;而Winka為人則非常真誠,同時會將所有情緒放到臉上。

Marf認為芯駖富有反差魅力。Photo from Marf IG

Gao係一個有耐性又細心嘅隊長。Photo from Gao IG

Marf在IG Live中表示Winka待人真誠。Photo from 志雲頻道 stephenchannel

至於Candy,Marf表示佢會思考很多東西,但佢需要嘅嘢就很簡單,而且係一個好痴家嘅女仔。Marf另稱Ivy係一個需要時間去理解嘅人,雖然不少隊友認為Ivy麻甩,但其實佢有一定程度嘅偶像包袱。

Marf在IG Live中說出對Ivy與Candy感覺。Photo from Ivy So IG

Marf表示同阿Day之間有「相似但又不相似」嘅感覺,佢指對方較女性化,會好喜歡影相,每逢有人讚佢都會非常開心。至於SoChing,佢在Marf心目中則係一位溫暖、單純又成熟嘅姐姐。

對Marf來說,SoChing係一名暖心姐姐。Photo from Marf IG

Marf曬媽媽合照

Marf不時在社交網分享個人生活,日前佢更上載了和媽媽嘅合照,相中可見,佢媽媽嘅外貌和打扮都非常年輕,有不少人留言表示「以為係兩姐妹」,而隊友Winka和芯駖都分別大讚Marf媽媽「超Young」、「你媽媽真係好靚呀!」

Marf日前公開與媽媽嘅合照。Photo from Marf IG

網民都大讚Marf媽媽好年輕。Photo from Marf IG

隊友Winka和芯駖都留言大讚Marf媽媽好漂亮。Photo from Marf IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel