download HolidaySmart 假期日常 app
伍詠薇《金宵2》飾演單親媽媽獲大讚!坦承難忘亡夫!與丈夫練海棠結婚23年,回應對方偷食事件

伍詠薇《金宵2》飾演單親媽媽獲大讚!坦承難忘亡夫!與丈夫練海棠結婚23年,回應對方偷食事件

娛樂新聞
By Stephanie on 08 Apr 2022
Digital Content Writer

現年53歲嘅伍詠薇(伍姑娘)有份出演劇集《金宵大廈2》飾演神經質嘅單親母親,演技獲網民大讚~近日,佢獲邀上網絡節目《月傾會》受訪,大談多年來嘅拍戲經歷以及婚姻生活!

伍詠薇今次飾演單親母親,演技大爆發,獲網民讚賞!Photo from 伍詠薇IG

# 為《金宵2》特地減磅!

伍詠薇透露今次為咗角色而特地減肥,「本身都唔係肥底嘅人,特登減磅到47kg」,仲自爆拍攝期間唔會飲水「唔飲水唔食嘢再dehydrate,乾住唔上妝!」形容自己又凹又乾!

伍詠薇今次飾演神經質嘅單親媽媽!Photo from 《金宵大廈2》

拍攝期間,仲會專登唔飲水同食嘢,令效果更加顯著!Photo from 《金宵大廈2》

# 曾覺得萬綺雯做作?

今年已經係伍詠薇入行第33年,佢1989年參選亞洲小姐競選,卻大熱倒灶只係獲得「最上鏡小姐」;而當年嘅三甲分別係翁虹、萬綺雯以及趙靜儀。當主持人問到對邊個最不滿時,佢就坦承同翁虹不合只係當年炒作,但就認為萬綺雯做作「撥吓啲頭髮、『耶』一聲咁,作狀咪呢啲囉!」

伍詠薇1989年參選亞洲小姐競選而入行!Photo from 亞洲小姐競選

當年被傳與冠軍翁虹不和,但佢就坦承只係炒作!Photo from 亞洲小姐競選

但就曾覺得萬綺雯做作!Photo from 萬綺雯微博

# 大爆2位男演員「難頂」!

其後,伍詠薇有份參與唔少電視劇拍攝,而主持人就詢問佢「遇過最難頂嘅對手?」直率嘅佢就自爆有2位男演員,演員A就失蹤唔見人、演員B就飲醉酒!而佢仲話演員B會攞住汽水罐開工,但實際上裡面係酒「同佢有好多戲,成身酒味」;雖然佢並冇開名,但就暗示「芳華絕代」以及名字係2個字嘅!

伍詠薇大爆不滿過往合作過嘅2位男演員!Photo from 伍詠薇IG

演員B甚至被其他長輩勸告開工唔可以飲酒!Photo from 盒子 BOX channel @YouTube

# 分享年少輕狂往事

過往年少輕狂嘅伍詠薇自爆中學時期係最曳,曾與一班不良同學撩是鬥非;感情方面就「溝人哋老公囉!」,起碼都5個以內!

伍詠薇自爆專登結識有婦之夫?!Photo from 伍詠薇IG

# 第一人丈夫婚後13日突然離世!

伍詠薇亦有提及感情生活,佢曾有過2段婚姻。1990年,當時21歲嘅佢與相差31年嘅翁江培結婚,可惜婚後13日對方喺陪同佢到深圳登台時突然心臟病發離世!事後外界一直盛傳佢獲得巨額遺產,但佢澄清「根本冇呢件事,真係有苦自己知!」

1990年伍詠薇與翁江培結婚,可惜男方婚後13日心臟病離世!Photo from 盒子 BOX channel @YouTube

外界一致認為佢有獲得亡夫遺產,佢多次澄清絕無此事!Photo from 伍詠薇IG

# 坦承第一任丈夫係真愛!

回顧同亡夫嘅點滴,伍詠薇感恩對方當年嘅指點「如果無支明燈點醒我,我應該會行歪路多!我覺得我會下海。」佢感慨表示第一段婚姻令佢學識好多嘢,表示現時都會掛念對方「係我嘅真愛!」

伍詠薇表示第一段婚姻無悔,感恩對方嘅出現!Photo from 盒子 BOX channel @YouTube

# 談及現時婚姻生活!

伍詠薇於1999年與現任丈夫練海棠結婚,而主持人就大膽詢問二人嘅閨房事;而佢就直指「少咗好多!對咗同一個樣二十幾年,就算靚到李嘉欣咁呀,你都要搵伍詠薇啦!」,仲話「呢啲嘢唔定㗎喎!但8年點都有1次嘅!」

伍詠薇與現任丈夫練海棠結婚已經23年!Photo from 盒子 BOX channel @YouTube

而佢坦承夫妻房事大大減少!Photo from 盒子 BOX channel @YouTube

# 回應丈夫偷食事件!

雖然伍詠薇同練海棠感情看似恩愛,但二人都經歷咗唔風波。2016年,練海棠被傳媒拍到與妙齡少女約會,仲被指二度偷食,不過伍姑娘最終選擇原諒丈夫,並成功挽救婚姻「當下其實冇嬲,反而第一係諗下自己。呢件事發生一定有原因,自己有咩問題,傾得埋咪繼續一齊」,而丈夫亦因此更了解佢嘅性格!

2016年練海棠被拍到與女仔約會!Photo from 伍詠薇IG

二人最終都決定繼續走落去,成功修補關係~Photo from 伍詠薇IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李施嬅自爆曾想拒演《金宵2》愛情事業得意卻患病 更被陳山聰誤會整容?

6 Apr , 2022

藝人李施嬅(Selena)主演劇集《金宵大廈2》於近日首播,戲路甚廣嘅佢除了拍過多套本地電視劇外,又參演多套外地影視作品,在2017年憑美國微電影《Once More》獲封雙料影后。不過佢最近發現患上免疫系統疾病,影響工作之餘,更令拍檔陳山聰誤會佢整容?!

在本地和海外都有不少影視作品嘅李施嬅事業愛情兩得意,不過最近健康卻出現問題!Photo from 李施嬅 FB

李施嬅揚威海外再回巢拍《金宵2》

41歲李施嬅(Selena)兒時曾隨家到加拿大生活,並於2003年回港參加《香港小姐競選》,雖不入五甲但奪得「最上鏡小姐」獎,賽後正式加入無綫。佢拍過多套TVB劇集並多次獲得獎項提名,同時把握機會外闖拍劇,到2013年已赴新加坡參演喜劇《Spouse for House》,2017年更憑微電影《Once More》勇奪兩個外國電影節嘅影后殊榮。

李施嬅多次參演海外戲劇。Photo from Illusion Film Productions YouTube

李施嬅出演微電影《Once More》後榮升雙料影后。Photo from Illusion Film Productions YouTube

榮升雙料影后嘅Selena機會接踵而來,到2019年佢宣佈離巢大台,並簽約美國經理人公司,同門師姐更包括《Marvel隊長》(Captain Marvel)女主角Brie Larson,之後佢參演於去年播映嘅加拿大電視劇《血與水》(Blood and Water)第二季,當中飾演型格女殺手。

李施嬅近年在加拿大電視劇《血與水》(Blood and Water)中飾演有型殺手。Photo from 《Blood and Water》劇照

坦言曾考慮拒演《金宵2》

唔少觀眾都高興揚威海外嘅Selena回巢拍攝《金宵大廈2》,原來佢本人透露過曾打算婉拒參與續集,原因係覺得《金宵1》受到很多喜愛,所以擔心拍續集會達不到觀眾期望,但最終佢有感自己太愛劇集角色,而且與幕後班底合作愉快,故決定接拍續集。而《金宵》監製葉鎮輝都曾表示過Selena工作繁多,不排除佢無法參演,幸好最後夾到時間成功開拍。

原來Selena曾考慮唔拍《金宵大廈2》!Photo from 埋堆堆 微博

李施嬅未婚夫係星級健身教練

愛情方面,Selena早年曾與同劇拍檔鄧健泓交往,最終於2010年頭宣布分手。到了去年,佢宣布將同拍拖3年嘅星級健身教練車崇健(Anson Cha)結婚,Anson嘅客戶群真係星光熠熠,包括周潤發、郭富城、楊千嬅、吳鎮宇、關智斌等。兩人經朋友介紹相識,因為同樣愛行山做運動而相當合拍。據悉,Anson財力雄厚,除了擁逾千萬物業,亦在觀塘開設健身室,每小時收費要2千元起跳。

未婚夫Anson係人氣健身教練!Photo from 車崇健 Anson Cha IG

Anson與周潤發(發哥)合照Photo from 車崇健 Anson Cha IG

陳山聰曾以為患病施嬅整容?!

事業愛情兩得意嘅Selena生活幸福,但健康卻不幸出現問題,佢表示去年眼睛感到不適,更出現「大細眼」,接受過手術惟幫助不大。到最近佢透露患上免疫系統疾病,與韋史密夫(Will Smith)太太珍達(Jada Pinkett)嘅病類似,佢自去年末已需停工留家休養。

李施嬅最近表示自己免疫系統出現問題,更一度變成大細眼。Photo from 李施嬅 FB

受病魔困擾嘅Selena更要全數缺席《金宵大廈2》嘅宣傳活動,只能以視像形式現身,同劇拍檔陳山聰在活動表示Selena正接受治療,並大讚佢勇敢公開病情。除此,佢話去年已在飯局上發現Selena「大細眼」,當時唔知情嘅佢仲以為對方整容!唔少粉絲聽到情況都為Selena感擔憂,並希望佢早日康復回復精神。

同劇拍檔陳山聰仲一度以為Selena嘅「大細眼」係整形所致。Photo from 李施嬅 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel