41歲單身男網上公開徵友,自稱坐擁3個物業!列出4大擇偶條件!成功交往將會送贈iPhone13?!

41歲單身男網上公開徵友,自稱坐擁3個物業!列出4大擇偶條件!成功交往將會送贈iPhone13?!

生活熱話
By Stephanie on 11 Apr 2022
Digital Content Writer

疫情之下,單身人士都比較難認識到新對象,大多選擇網上交友。日前,來自台灣嘅單身男於FB群組中公開搵老婆,列出擇偶條件,並且大晒住宅嘅照片,希望吸引到心儀對象~而且佢仲強調結婚生子後,願意送iPhone加房屋作為禮物?!

41歲單身男子網上搵老婆,仲話結婚後願意送物業俾對方?!Photo from TVBS NEWS @ YouTube

# 41歲單身男公開尋找伴侶!

近日,居住於台灣嘅41歲伍姓男子於FB群組「爆廢公社」出post徵老婆:自稱擁有3間房屋、2塊地,居住於屏東區附近,上載咗自家住宅嘅照片。佢平時嘅興趣係去旅行,並且擁有良好生活習慣「不煙小酌不檳榔」。若果成功交往,就會送對方iPhone13!

男子非常直接於FB群組講述擇偶條件,再附上自己住宅照片!Photo from FB群組「爆廢公社」

佢就大晒現時居住緊嘅3千呎住宅~Photo from TVBS NEWS @ YouTube

# 列出3大條件!

伍先生就列出3個擇偶條件,分別係年齡35歲以下、BMI正常以及有正當工作,歡迎有意者私訊。後來,佢又再出post指結婚生子後,願意送對方位於北海道嘅房子,引起網民熱議!

後來,佢又再表示結婚生子後會將北海道嘅房子送俾另一半!Photo from FB群組「爆廢公社」

# 接受台灣媒體訪問!

有台灣媒體成功尋找到伍先生,而佢亦大方接受訪問,解釋公開徵友原因「單身2年多,因為疫情一直沒有辦法相親聯誼。」唔少網民都認為佢嘅住宅照片為虛構,佢澄清所有照片都係真實嘅;而且表示自己嘅職業就係業主,只係靠收租就能夠每個月獲得10萬台幣(約2萬7港幣)!

伍先生接受台灣電視台嘅訪問,解釋公開徵友原因!Photo from TVBS NEWS @ YouTube

伍先生表示自己主要靠收租,每個月至少都有2萬7港幣!Photo from TVBS NEWS @ YouTube

# 愛環遊世界,於北海道有物業!

根據媒體引述,伍先生身高大約1.67米,體重68公斤,曾到訪38個國家!佢已經於北海道置業,單位正在出租,主要目的係將房子留俾小朋友,當作渡假小屋,睇嚟對未來非常有計畫~

就連台灣電視台都幫佢徵友~Photo from TVBS NEWS @ YouTube

# 已經收到8位女生嘅私訊!

而伍先生感情經歷都十分豐富,曾交往過7位女友。對上一次拍拖係3年前居住於上海時認識嘅,女方係一位生意人;但疫情爆發令佢搬回台灣,最終二人因為聚少離多而分開。另外,佢喺受訪時再加多一個條件,希望伴侶學歷能夠達到大學畢業!據悉,現時已經有8位女仔聯絡佢,其中一位來自台中嘅女生已經相約好見面,希望佢能夠儘快搵到另一半啦~

其後,佢再表示希望未來伴侶有大學畢業Photo from TVBS NEWS @ YouTube

# 網民反應熱烈!

事件引起台灣網民熱議~不過唔少網民都認為伍先生嘅做法唔係太好,認為利用自己嘅財產作為「賣點」,只會吸引到比較拜金嘅女生,難以尋覓到真愛!

大部分網民都擔心伍先生可能只吸引到比較拜金嘅女仔!Photo from 韓劇《繼承者們》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

38歲女士拍片徵求未來伴侶!列出19項條件!網民:唔怪之得搵唔到啦

28 Dec , 2021

廣告
廣告

現時唔少人都會喺網上認識新對象,部份人甚至會成功搵到另一半~最近網上就瘋傳緊一段中女徵友片段,雖然佢嘅擇偶條件唔算非常嚴格,但網民細心一算都足足有19個咁多,令唔少網民都笑言「唔怪之得佢搵唔到男友啦」!

一位女士希望可以喺38歲生日前尋覓到未來老公,所以拍片公開擇偶條件!Photo from TVB

# 女士拍片網上徵友!

每個人嘅擇偶條件都唔同,如果條件太過嚴苛,分分鐘仲會搞到好難搵到適合嘅對象,令自己遲遲都未能脫離單身。日前,網上就瘋傳緊一位女子嘅徵友片段,仲隨即引起網民熱議!

一名年約38歲嘅女士拍片徵求未來伴侶!Photo from 樂壇巨星陶大宇關注組 FB 轉載

# 公開擇偶條件!

呢位即將38歲嘅女士上載片段喺自己嘅抖音帳號,希望可以藉此喺生日之前搵到自己嘅「白馬王子」~而佢就公開自己嘅擇偶條件,第一男方必須有穩定嘅工作,年收入唔需要太高,税後有30萬就可以、每個月都要俾家用伙食費、婚後只會生一胎、要對佢嘅家人好等。

女士表示自己要求唔係好高,只要對方稅後嘅年收入有30萬就可以!Photo from TVB

該女士仲好明確咁話想喺2022年5月20日之前完成結婚登記,一領證之後就即刻要小朋友,咁就可以同時舉辦結婚晚宴同小朋友嘅滿月宴!

佢希望能夠喺下年5月20日之前辦理好結婚手續!Photo from TVB

# 偏愛健康運動型靚仔!

外型方面,佢就希望男方身高至少1米8,因為自己都有1米6咁高以上;身型體態要健康,最好有腹肌;陽光型、靚仔、鍾意運動,並且一定要健康,絕對唔可以有腎或者前列腺嘅方面嘅疾病!

男方最好就有腹肌,運動型靚仔,並且要至少有1米8!Photo from TVB

# 至少要大學畢業!

學歷方面,女士就表示因為自己學歷唔高,所以希望將來嘅另一半可以係大學畢業,如果有更加高嘅學歷(例如:研究生)就當然最好啦!男方最好係廣州人或者廣東人,但唔希望係外省人。

佢希望對方至少都要大學畢業,如果有更高學歷亦不拘。Photo from TVB

# 未來另一半要識做家務,住娘家附近!

另外,對象唔可以係曾經離過婚或者已經有小朋友嘅人。再加上,呢位女士需要照顧佢嘅父母,所以就希望另一半願意同佢喺娘家附近居住,即使未來有小朋友亦可以方便接送。最後,佢希望未來嘅另一半識得做家務、煲湯、煮飯、識整電腦等,仲話想同對方喺愛琴海度蜜月!睇得出佢真係好有planning㗎~

男方最好識得做家務,煮飯以及煲湯!Photo from 《十二道鋒味》

結婚後,佢希望可以同另一半去愛琴海度蜜月!Photo from TVB

# 網民覺得要求太多?!

不過大部分網民就認為呢位女士所訂立嘅要求太多,應該好難如願喺下年5月前結婚,「真係哪來的勇氣!」、「咁多都叫少少要求」等留言;有網民就表示就算真係俾佢遇到所有條件吻合嘅對象,對方都唔一定會選擇佢!唔知大家又覺得佢嘅擇偶條件要求係咪合理呢?!

大部分網民都認為要求唔過份,但太多喇!Photo from 樂壇巨星陶大宇關注組 FB

網民表示就算遇到適合嘅對象,都未必會情投意合!Photo from 樂壇巨星陶大宇關注組 FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel