鄧健泓自爆當年背住李施嬅約石詠莉！入行以來緋聞超多，一度陷入三角戀風波？

By Stephanie on 11 Apr 2022

Digital Content Writer

現年47歲嘅鄧健泓入行以來緋聞多，異性緣非常好；直到2017年佢同石詠莉結婚後，變成住家好男人。最近，佢就成為陳敏之YouTube節目《Chi Chat》嘅來賓，坦承鍾意欣賞靚女並分享「溝女」秘訣，仲提及曾背住當時嘅女友李施嬅（Selena）同石詠莉聯絡？！

Photo from 鄧健泓IG

# 鄧健泓入行後緋聞多！

鄧健泓1997年參加「新秀歌唱大賽」而入行，曾先後與原子鏸、蓋世寶、李施嬅、龔嘉欣、張嘉兒等傳出緋聞，仲因此而被冠上「多情男」嘅稱號！而佢曾表示同蓋世寶以及李施嬅兩位前度女友依然保持友好關係，分手後亦是朋友。

Photo from 鄧健泓IG

# 受訪分享受異性歡迎原因！

日前，鄧健泓出演陳敏之主持嘅YouTube節目《Chi Chat》，坦承「好鍾意睇靚嘅嘢，無論係畫作、雕塑定女仔」，強調只係用欣賞嘅角度觀賞！佢亦表示知道自己外貌唔算俊俏，但就認為女生認識佢之後會發覺到佢嘅優點，覺得保持紳士風度以及禮貌係最基本嘅。

Photo from 陳敏之 Sharon Chan @ YouTube

# 2007年首次與石詠莉見面！

鄧健泓仲大談同老婆石詠莉嘅相識經過，第一次見對方大約係2007年嘅時候，當時佢主持《勁歌金曲》而女方就以「Freeze」組合表演。第一次見嘅時候就覺得對方樣貌靚以及唱功了得。做完節目後，佢就網上「撩」對方「傳訊息同佢調情」，並得知女方當時居住於西貢。

Photo from 陳敏之 Sharon Chan @ YouTube

# 當時背住女友與石詠莉調情！

然而，鄧健泓就話「我唔可以追佢㗎，我當時有女朋友」，當時只係石詠莉調情！其後，佢曾相約對方於西貢M記食宵夜，估唔到女方居然一口答應，但呢個承諾最終並冇實現，直到宜家「2022年我哋都未一齊去食呢餐宵夜！」覺得對當時嘅女友心裡有愧，而同石詠莉就變朋友。

Photo from 陳敏之 Sharon Chan @ YouTube

# 直到2012年再次聯絡返！

直到2012年，鄧健泓因為經歷情傷失眠，突然搵到石詠莉嘅號碼並傳出訊息「你好！好耐冇見，我係Patrick啊！」；但女方卻回應「邊個Patrick啊？」，而鄧健泓就即刻尋找自己嘅自拍照，並傳送俾對方。二人因此開始聯絡返，互相了解後就成為情侶！

Photo from 陳敏之 Sharon Chan @ YouTube

# 大讚老婆乖巧！

鄧健泓仲話認識後先知道石詠莉嘅性格同想象中好大出入，大讚老婆乖巧孝順；佢亦非常欣賞女方努力嘅精神，曾成功推薦對方俾舞台劇導演！

Photo from 石詠莉IG

Photo from 陳敏之 Sharon Chan @ YouTube

# 曾與李施嬅交往5年！

上文提及鄧健泓「撩」石詠莉時仲有女朋友，而當時嘅女友就正正係交往咗5年嘅李施嬅（Selena）！2005年二人因為拍攝電視劇《老婆大人》戲假情真，據悉當時佢係用教導對方中文拉近距離，可惜感情於2010年吿終！李施嬅曾於訪問提及與鄧健泓分手原因，直言一早就知道二人性格唔夾，但一直放棄唔到多年感情，等到佢決定去加拿大讀書先正式分手。

Photo from 《老婆大人》

# 2012年與龔嘉欣、張嘉兒陷入三角戀風波！

鄧健泓與李施嬅分手後，同年就被爆出與細16年嘅龔嘉欣拍拖，但2012年女方突然宣布分手，當時一度盛傳女方係因為移情別戀許家傑而分手！然而，鄧健泓好快就被媒體拍到送張嘉兒返屋企，並且進出對方住宅，傳聞鬧得沸沸揚揚！最終，龔嘉欣同鄧健泓一齊出聲明表示分手全因性格不合，與第三者無關。相信上述佢所講嘅感情傷痛就係當時陷入三角戀風波嘅時期喇！

Photo from 東張西望

Photo from 張嘉兒IG

相關文章：李施嬅神秘型男未婚夫曝光？身價豐厚疑似係Brian cha細佬？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

李施嬅自爆曾想拒演《金宵2》愛情事業得意卻患病更被陳山聰誤會整容？

6 Apr , 2022

藝人李施嬅（Selena）主演劇集《金宵大廈2》於近日首播，戲路甚廣嘅佢除了拍過多套本地電視劇外，又參演多套外地影視作品，在2017年憑美國微電影《Once More》獲封雙料影后。不過佢最近發現患上免疫系統疾病，影響工作之餘，更令拍檔陳山聰誤會佢整容？！

Photo from 李施嬅 FB

李施嬅揚威海外再回巢拍《金宵2》

41歲李施嬅（Selena）兒時曾隨家到加拿大生活，並於2003年回港參加《香港小姐競選》，雖不入五甲但奪得「最上鏡小姐」獎，賽後正式加入無綫。佢拍過多套TVB劇集並多次獲得獎項提名，同時把握機會外闖拍劇，到2013年已赴新加坡參演喜劇《Spouse for House》，2017年更憑微電影《Once More》勇奪兩個外國電影節嘅影后殊榮。

Photo from Illusion Film Productions YouTube

榮升雙料影后嘅Selena機會接踵而來，到2019年佢宣佈離巢大台，並簽約美國經理人公司，同門師姐更包括《Marvel隊長》（Captain Marvel）女主角Brie Larson，之後佢參演於去年播映嘅加拿大電視劇《血與水》（Blood and Water）第二季，當中飾演型格女殺手。

Photo from 《Blood and Water》劇照

坦言曾考慮拒演《金宵2》

唔少觀眾都高興揚威海外嘅Selena回巢拍攝《金宵大廈2》，原來佢本人透露過曾打算婉拒參與續集，原因係覺得《金宵1》受到很多喜愛，所以擔心拍續集會達不到觀眾期望，但最終佢有感自己太愛劇集角色，而且與幕後班底合作愉快，故決定接拍續集。而《金宵》監製葉鎮輝都曾表示過Selena工作繁多，不排除佢無法參演，幸好最後夾到時間成功開拍。

Photo from 埋堆堆微博

李施嬅未婚夫係星級健身教練

愛情方面，Selena早年曾與同劇拍檔鄧健泓交往，最終於2010年頭宣布分手。到了去年，佢宣布將同拍拖3年嘅星級健身教練車崇健（Anson Cha）結婚，Anson嘅客戶群真係星光熠熠，包括周潤發、郭富城、楊千嬅、吳鎮宇、關智斌等。兩人經朋友介紹相識，因為同樣愛行山做運動而相當合拍。據悉，Anson財力雄厚，除了擁逾千萬物業，亦在觀塘開設健身室，每小時收費要2千元起跳。

Photo from 車崇健 Anson Cha IG

陳山聰曾以為患病施嬅整容？！

事業愛情兩得意嘅Selena生活幸福，但健康卻不幸出現問題，佢表示去年眼睛感到不適，更出現「大細眼」，接受過手術惟幫助不大。到最近佢透露患上免疫系統疾病，與韋史密夫（Will Smith）太太珍達（Jada Pinkett）嘅病類似，佢自去年末已需停工留家休養。

Photo from 李施嬅 FB

受病魔困擾嘅Selena更要全數缺席《金宵大廈2》嘅宣傳活動，只能以視像形式現身，同劇拍檔陳山聰在活動表示Selena正接受治療，並大讚佢勇敢公開病情。除此，佢話去年已在飯局上發現Selena「大細眼」，當時唔知情嘅佢仲以為對方整容！唔少粉絲聽到情況都為Selena感擔憂，並希望佢早日康復回復精神。