李麗珍25歲囡囡許倚榕氣質非凡，童年時被指樣貌似爸爸！高挑身形獲多間經紀公司力邀入娛樂圈？

唔少星二代都成功遺傳到父母嘅優良基因，擁有超凡嘅氣質以及外表，引起大眾關注～當中李麗珍嘅25歲囡囡許倚榕（Annise）亦盡得媽媽真傳，獲網民大讚靚女！有傳身材高挑嘅佢獲唔少經紀公司邀請，唔知佢又會唔會想加入娛樂圈呢？！

Photo from annise_____ @ IG

# 李麗珍與前夫許願誕下囡囡！

「一代性感女星」李麗珍過往憑著電影《蜜桃成熟時》而火速爆紅，於1996年與音樂創作人許願結婚，並誕下囡囡許倚榕（Annise）。可惜二人於2000年宣佈離婚，而囡囡嘅撫養權由李麗珍所擁有，而母女間嘅感情亦非常好～

Photo from annise_____ @ IG

# 囡囡許倚榕女大十八變～

現年25歲嘅許倚榕曾遠赴加拿大修讀設計，成績優異，當時曾傳出李麗珍因與著名填詞人潘源良分手，毅然飛往加拿大陪伴囡囡。過往許倚榕曾被外界指似爸爸，但如今女大十八變，已經搖身一變成為亭亭玉立嘅少女喇～

Photo from annise_____ @ IG

Photo from 許願FB

# 與李麗珍年輕時氣質不同！

據悉，現時許倚榕已經畢業回港，而佢亦周不時會喺IG上載照片，大晒修長美腿～身材高挑嘅佢同媽媽年輕時嘅感覺截然不同，睇落比較成熟，有網民甚至認為佢嘅五官有幾分似陳法拉呢～

Photo from annise_____ @ IG

Photo from 陳法拉IG

# 曾獲多間經紀公司邀請入行？！

許倚榕憑亮麗外型成功獲得廣告商以及經紀公司嘅青睞，不過有指佢冇興趣加入娛樂圈，平時都比較低調。而且媽媽李麗珍亦唔希望佢入行！然而，佢上年曾上載過幾輯疑似係模特兒工作嘅照片，令唔少網民紛紛詢問佢係咪有意出道？！

Photo from annise_____ @ IG

Photo from annise_____ @ IG

# 與爸爸關係良好

雖然父母離異，但許倚榕同爸爸之間嘅關係都唔錯㗎～爸爸許願就曾經上載同囡囡過往合照，力證女兒嘅美貌！

Photo from 許願FB

相關文章：沈月坦承成功全靠媽媽邱淑貞協助？！曾獲邀參加巴黎名媛舞會，超強人脈認證！激罕公開素顏

相關文章：鍾麗緹大女張敏鈞奪溫哥華華裔小姐亞軍！想入行跟媽媽返內地發展！星二代多數都選美入行？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

歐瑞偉22歲女兒星味十足！遺傳馬來西亞女演員媽媽嘅靚樣！

8 Apr , 2021

《愛回家之開心速遞》飾演KC嘅歐瑞偉喺劇中雖然為人刻薄，現實中卻係廿四孝爸爸！佢與老婆育有一對仔女，其中22歲女兒好有明星相，遺傳喺馬來西亞做女演員嘅媽媽靚樣！

Photo from 歐瑞偉IG

59歲嘅歐瑞偉入行36年嚟做過唔少綠葉角色，參演過劇集《尋秦記》，飾演「陶總管」，另外喺《愛回家之開心速遞》亦令人留下深刻印象。

Photo from 歐瑞偉IG

現實中嘅歐瑞偉係廿四孝老公，佢1995年去馬來西亞拍戲，結識咗當地女演員李愛玲（Wendy），兩人拍拖5個月就決定結婚，婚後育有一仔一女。

Photo from 歐瑞偉太太IG

歐瑞偉太太為佢放棄一切去香港發展，而歐瑞偉本來都有北上賺人仔，但考慮到太太一個人喺香港人生路不熟又要照顧一對仔女，最後決定返TVB，可以時刻陪喺家人身邊。

Photo from 歐瑞偉太太IG

歐瑞偉大仔Nicholas今年25歲，愛好係攝影；細女Nicole 22歲，外貌遺傳咗父母嘅優良基因，笑容甜美，肖似媽媽。

Photo from 歐瑞偉太太IG

Photo from 歐瑞偉太太IG

唔少網友都覺得歐瑞偉女兒星味十足，可以跟爸爸入行。不過歐瑞偉就曾經表示希望仔女可以過平常人嘅生活，又指唔覺得女兒想入行。

Photo from 歐瑞偉太太IG

Photo from 歐瑞偉太太IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）