諸朋好友|林盛斌曾歷家道中落 決心賺錢養家「金牌媒人」10年撮合4對明星夫婦!

諸朋好友|林盛斌曾歷家道中落 決心賺錢養家「金牌媒人」10年撮合4對明星夫婦!

電視電影 娛樂新聞
By Cheryl on 12 Apr 2022
Digital Editor

TVB訪談節目《諸朋好友》由崔建邦麥美恩主持,最新一集有林盛斌(Bob)、陳定幫、范振鋒做嘉賓,當中Bob大談家道中落經歷,又曬出童年家庭照,原來佢有一名胞弟,成年後更似有頭髮版嘅Bob?

林盛斌Bob在節目《諸朋好友》大談家庭經歷,和做媒人嘅秘訣?!Photo from 《諸朋好友》TVB

Bob訴說家道中落經歷

節目中,Bob被問是否曾有一段時間捱苦,佢表示兒時屋企曾有三至四年頗為富有,爸爸開始脫離打工一族,轉為做加工廠生意,有時從內地回家,更會將一疊錢送給媽媽。但後來工廠倒閉,Bob爸由工廠老闆變成的士司機,媽媽則成為便利店店員。

Bob見到父母「轉行」都心知不妙。Photo from 《諸朋好友》TVB

與胞弟決心努力賺錢養家

當時正值Bob和胞弟剛讀大學時期,二人隨即申請信用卡,一心諗住可以買下心頭好,但父母卻要求把信用卡用來透支家中開支,情況維持了數年,Bob當時覺得生活很差、相當沮喪,於是同胞弟講:「我哋要努力畀心機,我哋唔想屋企人咁辛苦。」二人都承諾必定要努力工作,搵到錢照顧家人。

Bob回憶當時,有感生活很差很不開心。Photo from 《諸朋好友》TVB

工作了六至七年後,當時Bob已有小孩,有一次獲得電台月薪8萬多元,同時佢發現爸爸在家境不好時將一隻佩戴多年名錶典當了,於是Bob決定用人工報答父母,並為爸媽每人各買了一隻名錶。

Bob賺到錢後,為父母個人買名錶。Photo from 《諸朋好友》TVB

Bob曬家庭舊照

Bob訴說當年嘅時候亦曬出多張兒時舊照,相中可見佢小時候頭髮濃密嘅模樣,唔知大家又認為兩兄弟似爸爸,定媽媽多啲呢?

Bob一家舊照Photo from 《諸朋好友》TVB

Bob細個好多頭髮Photo from 《諸朋好友》TVB

Bob中學時期舊照Photo from 《諸朋好友》TVB

Bob同胞弟亦好像越大越似樣,弟弟同樣戴眼鏡,但頭髮濃密。

最右嘅就係Bob胞弟Photo from 林盛斌 IG

范振鋒、陳定幫都靠Bob搵老婆?

節目另外兩位嘉賓,陳定幫和范振鋒同Bob都好有淵源,兩人各自都有美滿婚姻,原來都係靠「金牌媒人」Bob一手撮合。范振鋒與太太李思欣2011年結婚,佢哋可說是第一對被Bob成功牽紅線嘅情侶。事緣一次倒數活動上,范振鋒看到桌上放有參與藝人照片,佢隨即向擔任活動監製嘅Bob問道:「李思欣,咪係TVB嗰個?佢係咪單身?」為了結識思欣,范振鋒更放棄另一薪酬較高活動,讓Bob將佢加入現場即將進行嘅活動。由於范主動爭取機會,所以Bob表示自己只係「半撮合」二人而已。

節目公開范振鋒和李思欣初相識時期照片。Photo from 《諸朋好友》TVB

廣告
廣告

至於陳定幫,佢在2014年與油畫導師兼模特兒楊錳霏結婚,育有兩名女兒。回憶當年,一次佢同Bob一起做節目,知道對方單身嘅Bob主動展示了楊錳霏照片,表示女方唔錯,都係單身,之後便介紹二人認識,到佢哋開始約會時,Bob都經常問佢哋進度如何,真係「服務周到」。

陳定幫和太太合照Photo from 《諸朋好友》TVB

Bob手機好多相親照?

Bob講述期間,主持麥美恩突然表示,自己見過Bob手機收藏了很多人像照片,而Bob都笑言:「我會將照片Favourite(設定為喜好項目),等有需要時就拿出來用。」

麥美恩指Bob手機好多相,多到可以隨時show畀人睇作介紹之用。Photo from 《諸朋好友》TVB

節目一路show陳定幫與太太恩愛照,Bob就一路講自己向別人「曬相」嘅習慣。Photo from 《諸朋好友》TVB

揭做金牌媒人秘訣

Bob能獲封「金牌媒人」,唔單只因為佢能介紹合眼緣人士互相認識,更因為佢之後嘅「follow up」做得好,佢會分別問各方情況,對對方有咩睇法等等。佢直言:「嗰一刻介紹... 二人能夠認識係緣分,但我覺得自己喺呢方面長處係,之後嘅跟進真係做得唔錯。」在場人士聽罷,都笑言Bob猶如「客戶服務部」專員。

大家都笑Bob彷如做客戶服務。Photo from 《諸朋好友》TVB

媒人Bob幫張秀文、朱慧敏搵到好歸宿

除了上述兩對夫婦,其他經Bob搵到人生伴侶嘅人仲包括張秀文,和朱慧敏。張秀文去年宣布與「皮草太子爺」堂弟王大權結婚,當時更有報導指佢有意請阿Bob全家去旅行以表謝意,而日前亦有傳佢懷孕兩個月,不過佢話只係誤會一場。

張秀文去年宣佈和金融才俊王大權結婚。Photo from 《諸朋好友》TVB

前港姐亞軍朱慧敏同樣於去年結婚,老公為醫生男友陳良貴,媒人Bob更在二人婚禮上變身「外父」,帶新娘子進場,相當溫馨。

朱慧敏上年嫁名醫陳良貴Photo from 《諸朋好友》TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel