download HolidaySmart 假期日常 app
東張西望|美孚新邨單位藏過百老鼠經喉管入侵鄰居 管理處被斥無視問題

東張西望|美孚新邨單位藏過百老鼠經喉管入侵鄰居 管理處被斥無視問題

生活熱話 電視電影
By Cheryl on 13 Apr 2022
Digital Editor

住宅出現「不速之客」真係好煩惱!近日,《東張西望》講述美孚新邨一單位竟藏有過百隻老鼠,連附近十多個單位都受到影響,多名業主持續向管業處求助,但處方只安排一些治標不治本嘅方案,令業主們擔憂未來仍要受鼠患困擾。

《東張西望》新一集講述美孚新邨有多個住戶收到鼠患困擾。Photo from 《東張西望》

美孚一住宅大廈現鼠患問題

美孚新邨住戶蔡先生受訪,表示已被鼠患煩擾了3個多月,有老鼠沿著窗外喉管爬入屋,佢唯有在家裡放置多塊老鼠膠和籠捉鼠,3個月內已在活捉了8隻。佢憶述自己多次被嚇,例如曾經歷在廁所開燈一刻便有老鼠跳出,家中食物也曾被老鼠咬爛偷食。

受訪住戶蔡先生Photo from 《東張西望》

佢指老鼠沿喉管爬入屋Photo from 《東張西望》

要自行放老鼠膠等減少老鼠數目。Photo from 《東張西望》

而住戶謝小姐則指,自己本認為老鼠主要在夜晚才活動,但佢曾在日頭目睹窗台有多達6-7隻老鼠活動,連窗台嘅數盆植物都被老鼠吃光,畫面非常恐怖。幸好佢即時關上窗門,令老鼠無法入侵家園。

住戶謝小姐及時關上窗門,才防止到老鼠入屋。Photo from 《東張西望》

窗台植物被老鼠吃掉。Photo from 《東張西望》

涉事業主常執垃圾回家?

有人懷疑鼠患來源來自蔡先生樓下嘅單位,呢個單位本來有一家人住,但當中嘅爸爸和兒子其後遷出,剩餘一名女士在內獨居。多名住戶均報稱見過該女有執垃圾回家嘅習慣,偶遇對方時更聞到疑似係垃圾嘅怪味。

有住戶表示,出屋倒垃圾時曾見過疑似涉事業主。Photo from 《東張西望》

涉事單位曾發生火警

經節目了解,涉事單位業主姓陳,約70多歲,數年前曾選業主立案法團,自稱退休公務員。上年年中,其單位更發生過火警。有住戶懷疑,有人在火警後將全屋窗戶打開,以驅散煙熏臭味,因此令屋內老鼠有路可走。當時消防已在單位內發現老鼠遺體,所以有住戶質疑,管理處早在去年中已知悉有大廈存在鼠患問題,卻一直無作解決。

涉事單位業主自稱退休公務員Photo from 《東張西望》

涉事單位曾發生火警Photo from 《東張西望》

住戶不滿管業處不正視問題

而陳女士在火警後已搬離單位,更無法聯絡,但屋內老鼠仍一直繁殖。多名受波及住戶都批評管業處,知道有鼠患後亦無即時提醒其他住戶關窗。住戶黃小姐表示,自己曾直接到管理處辦公室要求給予交代,但經理答覆都好Hea,只說正一直跟進事件,毫無計劃可言。

住戶黃小姐不滿管業處對問題嘅處理態度。Photo from 《東張西望》

涉事單位衛生情況惡劣

節目組到涉事單位外觀察,發現門口掛了十多把雨傘、手拖車仔等雜物,更有一塊寫滿英文嘅白板,內容指物品係私人財產,嚴禁拿走。同時,門外現時被透明膠封著,更貼有食環處告示,指已接獲投訴,指單位嘅衛生問題已對他人造成嚴重滋擾。

涉事單位門口Photo from 《東張西望》

好多雜物Photo from 《東張西望》

仲有白板叫人唔好隨便取走雜物Photo from 《東張西望》

除此,節目組亦發現單位外放有一架裝滿雜物嘅BB車,物件包括空樽、報紙、用過嘅紙巾,仲有多層垃圾膠袋夾著紙張、塑膠器皿等,雜物更疑似重到壓爛了BB車碌。

單位外擺有一架放咗好多雜物嘅BB車Photo from 《東張西望》

涉事單位約千呎,屋內佈滿雜物之餘,仲有老鼠排洩物和臭味,有窗邊被錫紙封上,但因為窗門沒關,所以老鼠仍可自出自入,一到晚上,更有鼠群聚集在窗外,又在窗邊遊走,令單位秒變老鼠樂園。

屋內情況Photo from 《東張西望》

窗邊被錫紙封上Photo from 《東張西望》

老鼠在屋內四圍走,仲爬上窗。Photo from 《東張西望》

防治工作被指「治標不治本」

受住戶壓力下,管業處終於安排了防治工作,並在涉事單位外起棚架,用膠紙封著抽氣扇周邊、在喉管放置老鼠膠等,又安排人員用帆布遮掩單位嘅通風位。但其他住戶認為方法治標不治本,老鼠有機會咬爛膠紙帆布,走出屋外。

在單位外起棚架進行防治工作Photo from 《東張西望》

工人用帆布封窗嘅通風位Photo from 《東張西望》

外不見為淨?Photo from 《東張西望》

有住戶指,管業處已向涉事業主發出律師信,要求對方在14日內作出回應,但當被問如果限期後仍無答覆會點做時,管業處則未有對策。該住戶認為處方只企圖令大廈外牆再無老鼠出現,睇唔到鼠患就當解決了問題。

涉事單位現時被透明膠封了入口。Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel