內地家庭劇超獵奇劇情引熱議！老公竟為呢樣嘢冷落剛生育老婆？

By Cheryl on 14 Apr 2022

Digital Editor

由秦昊、任素汐主演嘅內地電視劇《親愛的小孩》近日播映，當中講述一對離異父母，為挽救患白血病嘅女兒所經歷嘅糾葛和抉擇。劇情講到秦昊忘記老婆生仔，趕到醫院後竟只顧著將老婆嘅一樣嘢打包畀媽媽，令不少觀眾大呼情節獵奇！

Photo from 《親愛的小孩》海報

內地家庭劇引熱議

家庭生活劇《親愛的小孩》最近在內地播映，劇集由伊能靜老公秦昊，以及女星任素汐主演，佢哋在劇中飾演一對夫妻。然而有唔少網民話睇到好激氣，因為兩人剛迎來新生命，「老婆」任素汐非常忙碌，要一邊換尿布，一邊溫柔地哄睡。相反，「老公」秦昊就輕鬆得多，連入睡後聽到女兒哭聲，都推也推不醒，只說：「老婆辛苦了，一會有事再叫我。」有網民就笑言，劇集其實係想提醒每位女性，要嫁就要嫁給神隊友，免得令自己咁狼狽。

Photo from 秦昊工作室微博

連老公演員都要出post「滅火」

連飾演老公「肖路」嘅秦昊，都在個人微博出post「滅火」。佢發圖文表示，劇中作為新手爸爸嘅佢要把當爸嘅6條法則刻進DNA，當中包括早起給老婆做早餐、中午跟老婆女兒視訊一起吃午餐、下午三點叫老婆午睡起床、下班回家帶老婆吃最愛的麵、晚上在家湊囡、以及睡前要親老婆和給女兒晚安kiss，要注意一點係要先親老婆再親女兒。

Photo from 秦昊微博

圖片標題雖為「肖路有小孩後的To do list」，但有網民就將秦昊代入角色，想像佢為妻子伊能靜和年幼女兒「小米粒」服侍周到嘅畫面，並笑言：「這是秦昊本人的To do list」吧！

Photo from 伊能靜微博

秦昊之後又發出「觀劇溫馨提示」，叫大家同伴侶煲劇時應保持冷靜，仲呼籲男生要做好自己，又向女生提議宣洩渠道：「男同胞盡量做到不接話，不討論，做好一切服務工作並深刻反省生活中的不足。女同胞請保持心情愉悅，若生氣難忍，可在彈幕區斥責肖路。最後，希望大家防疫期間追劇愉快，家庭和睦。」

Photo from 秦昊微博

Photo from 《親愛的小孩》劇照

女主角任素汐同呢位韓星撞樣？

劇中女主演任素汐畢業於中央戲劇學院，曾參演多套內地影視作，前年憑電影《我和我的祖國》獲得第七屆「文榮獎」最佳電影女主角獎。有觀眾認為，任素汐與曾參演《回答吧1988》嘅韓國諧星李世英撞樣，表示佢五官輪廓都跟整形前嘅世英想似。更有部分人大呻《親愛的小孩》不但劇情令人無奈，連演員顏值都無咩睇頭。不過，世英外貌曾受網民批評，佢之後亦暫停了諧星生涯，仲做咗整形手術，所以呢家嘅佢同任素汐無咁似樣喇。

Photo from 《親愛的小孩》劇照

Photo from tvN

Photo from 李世英 IG

老婆生仔，老公趕到醫院卻著緊呢樣嘢？！

而劇中最惹網民熱議嘅橋段，就係秦昊演嘅老公「肖路」因為在家喝啤酒而錯過了老婆生育，醒後佢趕往醫院，卻不優先關心老婆嘅健康情況，而係趕緊替媽媽拿取其孫女嘅胎盤，目的係要將胎盤給肖路嘅年幼弟弟燉補湯。所以肖路為了給媽媽送胎盤，令剛生產完嘅老婆都沒人照顧，連護士都話老公太不像話，「老婆剛生完，這人就不見了」。