download HolidaySmart 假期日常 app
美國機密文件洩露歷年UFO目擊案例!1947年羅斯威爾飛碟事件內幕曝光!記載5宗外星人與人類親密接觸?

美國機密文件洩露歷年UFO目擊案例!1947年羅斯威爾飛碟事件內幕曝光!記載5宗外星人與人類親密接觸?

時事熱話 生活熱話
By Stephanie on 14 Apr 2022
Digital Content Writer

大家都應該聽過唔少關於外星人嘅傳說,唔知你哋又相唔相信呢啲傳聞呢?!根據美國國防部嘅機密文件,當中紀錄咗唔少關於不明飛行物體(UFO)嘅事件,而報告中竟然仲話外星人曾經同人類發生過親密關係;而且亦提醒大眾千祈唔好近距離接觸UFO,有可能會令身體出現嚴重後遺症?!

廣告
廣告

《太陽報》引述,美國國防部機密文件中有關UFO嘅案件!Photo from Pinterest

# 機密文件中記載有關UFO事宜

根據外國媒體報導,美國國國防情報局(DIA)擁有一份1,500頁嘅機密文件,當中內容涉及關於不明飛行物體(UFO)嘅事件。除咗市民目擊UFO嘅案例之外,仲有古怪嘅現象,包括:心電感應、瞬間移動等。

外界對於外星人嘅睇法都非常不一樣,唔少電影都會用呢個題材做賣點,包括:著名嘅Star War系列!Photo from 《Star War》

# 紀錄5宗關於外星人與人類發生關係事件!

然而,報告中居然紀錄咗5宗外星人與人類發生親密關係嘅事件,其中一名女子因此而懷孕!另外,內容亦提及UFO嘅出現有可能影響到國家利益,提醒大家若發現不明物體應該立刻遠離;因為UFO所散發嘅電磁輻射會使人受傷,嚴重嘅甚至會影響腦部神經。

機密文件中紀錄咗外星人同人類發生親密關係嘅案件?!Photo from 《ET》

廣告
廣告

而文件中亦提醒大眾若果見到UFO,必定要遠離,否則可能會影響身體!Photo from Pinterest

# 不解之謎大多被歸類為AN3!

而機密文件中亦有提及好多著名嘅神秘事件,例如:麥田圈、目擊精靈、神話等,以上種種都被歸類為AN3。若果曾經同與佢哋實體接觸,事件將會被歸類成AN4,而UFO目擊者就用「近距離接觸級別」分辨。以上資料都只係機密文件嘅一小部分,有關外星人嘅傳聞依然係超大嘅謎團!

過往世界各地經常都有唔少關於外星人嘅傳聞,如果曾同佢哋近距離接觸,案件將會被歸類為AN4!Photo from 《晚吹 就係唔科學》

有台灣節目報導有關麥田圈嘅新聞,仲成功解碼發現佢哋俾人類嘅訊息!Photo from 「關鍵時刻」@ YouTube

# 1947年「羅斯威爾飛碟事件」

過往,美國聯邦調查局(FBI)曾調查1947年7月4日所發生嘅「羅斯威爾飛碟事件」:事源當晚正落狂風暴雨,位於羅斯威爾西北方120公里嘅農場主人Mac' Brazel聽到超大嘅巨響,直到第二日佢發現農地有唔少金屬碎片,並向當局報告。7月8日,一位居住於梭克羅(Socorro)嘅工程師表示疑似發現碟型物體嘅金屬碎片,仲發現幾位已經離世嘅外星人,軍方得知後立刻封鎖現場!

1947年「羅斯威爾飛碟事件」非常轟動,當時有疑似飛碟嘅碎片出席!Photo from Twitter

廣告
廣告

農場主人發現疑似係飛碟零件嘅金屬歲嘅金屬碎片!Photo from Twitter

# 當局改口稱只係氣球?!

當年,美國各大媒體一收到消息都立刻爭相前往報導,事件傳出後亦引起國際嘅熱烈關注。不過事發6小時後,軍方發聲明改口解釋「事件與飛碟無關」,話只係一個有雷達反應快氣象氣球,但大眾都唔太接受呢個講法!

當年負責調查事件嘅Jesse Marcel 事後公開「氣球」照片,希望向大眾解釋。Photo from Getty

# 媒體發現事故機密文件,證實有外星人存在?

3後來,《太陽報》發現特工霍特爾於1950年所寫下嘅機密文件,內容提及「新墨西哥發現3個金屬UFO」、「飛碟形狀為橢圓形」等;而且仲表示疑似見到3個與人類十分相似嘅物體,大約3英尺高,全部都身穿金屬緊身衣,令大家都懷疑好大機會係外星人!

《太陽報》發現特工紀錄嘅文件中,表示見到疑似外星人嘅物體!Photo from Twitter

# 調查人員臨終前公開真相?!

廣告
廣告

多年後,曾負責調查案件嘅Jesse Marcel臨終前向兒子講述實情,仲吩咐兒子代佢將「羅斯威爾飛碟事件」公開。而兒子就以父親之名於2007年出版書本《The Roswell Leagcy》,提及當年的確目擊到飛碟碎片等,令大眾對於事件更好奇,亦對於當局隱瞞事實感到不解!

負責調查事件嘅Jesse Marcel曾向兒子透露實情,而後來兒子就出書透露當年真相!Photo from Amazon

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

馬航MH370失蹤客機發現新進展!事隔8年尋獲失事海域?曾盛傳有2大陰謀

廣告
廣告

25 Mar , 2022

世界上有唔少不可思議嘅事件,當中有部分仲有可能成為不解之謎。馬來西亞航空MH370號班機於2014年離奇失蹤,機上239名機組人員以及乘客都未能尋獲,搜救期間甚至搵唔到任何飛機零件,非常奇怪!

馬來西亞航班MH370於2014年3月8日突然失聯,機上239人從此消失!Photo from MH370 global searching and rescue @FB

# 馬航MH370 於2014年離奇消失?!

2014年3月8日,馬來西亞航空MH370班機由吉隆坡飛往北京,而飛行途中卻突然與航空管制塔失去聯繫,有指飛機曾突然於超高空飛行、轉體300度可疑飛行動作等。據悉,當時嘅機師及副機師都擁有豐富嘅駕駛經驗,起飛前飛機亦通過所有安全測試。

MH370飛行大概1小時就突然失去聯絡!Photo from National Geographic TW @ YouTube

馬航MH370失聯後改變航行方向,行蹤可疑!Photo from Forbidden Files @ YouTube

# 當年多次搜尋都不見蹤影!

廣告
廣告

根據新聞資料顯示,每個飛機都有應答器,當輔助雷達發送訊息時會主動作出回應;但當時該航班上嘅應答器卻停止運作,令大家都認為係機組人員關閉咗機上嘅通訊設備!事件發生後,馬來西亞曾多次於失聯海域大幅搜尋,但都未有任何發現,最終當局認定全機人已經不幸罹難!

當時當局立刻派人大幅搜尋,但都未有問到任何有關航班嘅東西!Photo from National Geographic TW @ YouTube

2015年曾尋獲機身碎片,但因為太小而未能確認。Photo from National Geographic TW @ YouTube

# 事故發生後曾發現不明飛機?

然而,唔少人都認為事件似乎疑點重重,需要時間釐清實情。國際上規定若果有航機失蹤就必須立刻通報,然而當局卻喺失聯嘅6小時後先對外宣佈,有可能錯失救援良機;而事發4日後,馬來西亞上空曾偵測到不明飛機於馬來半島掠過,但又消失咗!

當時有關紀綠片,就指馬航MH370失聯後有可能航行咗7小時直到燃料耗盡!Photo from National Geographic TW @ YouTube

# 衛星系統顯示8次通訊紀錄

雖然MH370失聯時通訊設備已關上,不過機上嘅衛星通訊紀錄依然有保存。經翻查後發現,失聯當下衛星系統曾一度消失,不過3分鐘後再次連上,並搵到航班一共向衛星發出8次通訊,有2次係呼叫紀錄,但機組人員們都冇任何回覆!

廣告
廣告

翻查衛星紀錄,MH370曾發出8次訊號,但聯繫機組人員卻冇回覆!Photo from TVB

# 最新發展公開,推測到航班失事位置!

直到上年,英國工程師戈佛雷(Richard Godfrey)嘗試利用新晉科技追查MH370當日去向,認為航班大機會於南印度洋失事,呼籲各方加派人手徹底搜尋該海域!希望能夠儘快俾家屬們一個交代,還佢哋一個心願!

上年,英國工程師戈佛雷推測MH370客機殘骸可能流落於南印度洋!Photo from Sunrise news

認為只要徹底搜查將會好快搵到機身殘骸!Photo from National Geographic TW @ YouTube

# 馬航MH370陰謀論,引外界揣測!

MH370航班一直都傳出幕後有「陰謀論」,曾經有人提出最可疑嘅係機長Zaharie Ahmad Shah,但當局曾調查機長財政及通話紀錄都完全冇可疑,認為佢唔會因此而劫機!而失聯後嘅航線亦同佢過往訓練嘅有重疊,但機師本來就會模擬多條航行路線以應對突如其來嘅轉變。

 馬航MH370曾調查當日嘅機師,但並冇發現任何可疑地方。Photo from CNN news

# 有2位乘客用假身份登機?!

另外,當局後來發現機上有2位乘客係手持假護照登機,部分網民不禁猜測係咪同二人有重大關聯?!但經仔細調查後,發現佢哋都只係為咗尋求庇護先利用假身份,未有查到可疑。

其中有2位乘客用假護照登機,引起網民熱議!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel