download HolidaySmart 假期日常 app
江嘉敏宣佈分手tag富貴男友暗示偷食，對方竟刪除帳號劃清界線？

江嘉敏宣佈分手tag富貴男友暗示偷食，對方竟刪除帳號劃清界線？

娛樂新聞
By Jennifer on 14 Apr 2022
Digital Editor

江嘉敏與電競高層男友Anthony拍拖近4年，但近日有報道指兩人疑已分手，江嘉敏亦喺IG似暗示男友不忠，但並未承認分手。江嘉敏終於喺IG發「分手宣言」告別4年情，更於文尾tag男友Anthony，點知對方已刪除帳號，睇嚟已決心劃清界線？！

江嘉敏與電競高層男友Anthony拍拖近4年Photo from 江嘉敏 IG

江嘉敏同男友Anthony相戀4年

江嘉敏同男友Anthony相戀以嚟都不時喺IG放閃，男友嘅IG仲有好多兩人合照，經常大曬恩愛。不過拍拖3年幾嘅佢哋卻傳出分手消息。

江嘉敏同男友Anthony相戀以嚟都會喺IG放閃，男友嘅IG仲有好多兩人合照，大曬恩愛Photo from IG @snoopthony

有人發現江嘉敏早前已unfollow男友IG帳號「@snoopthony」，不過男方仍有follow佢，喺江嘉敏IG都有唔少「蛛絲馬跡」可尋。

有人發現江嘉敏早前已unfollow男友IG帳號「@snoopthony」Photo from 江嘉敏 IG

暗示有米男友偷食？！

江嘉敏喺IG Story post咗睇劇本相片，指自己讀劇本讀到喊：「編審編劇係咪專登為我而寫㗎？」上面仲有「身心疲累」4個字。之後佢又喺IG發文：「永遠不要責怪你生命裡的任何人，好的人給你快樂，壞的人給你經歷，最差的人給你教訓，最好的人給你回憶。」

江嘉敏IG Story post咗睇劇本相片，指自己讀劇本讀到喊Photo from 江嘉敏 IG

江嘉敏IG發文：「遠不要責怪你生命裡的任何人，好的人給你快樂，壞的人給你經歷，最差的人給你教訓，最好的人給你回憶。」Photo from 江嘉敏 IG

post長髮照似有所指，男友嫌棄江嘉敏短髮look？

其實早喺2月22日佢已post過一張長髮照，並似有暗示：「兩個人在一起久了呢，會膩、會沒有新鮮感」，又hashtag「知道嗎舊人」、「嗱長頭髮丫」、「一個人愛你係唔會理你長頭髮定短頭髮」，江嘉敏幾個post疑暗指男友偷食兼唔中意佢嘅短髮look。

早喺2月22日江嘉敏已post過一張長髮照，並似有暗示：「兩個人在一起久了呢，會膩、會沒有新鮮感」Photo from 江嘉敏 IG

江嘉敏hashtag「知道嗎舊人」、「一個人愛你係唔會理你長頭髮定短頭髮」，暗示男友唔中意佢短髮look？！Photo from 江嘉敏 IG

發文宣佈分手，4年情玩完

不過兩人從未正式宣佈分手，但江嘉敏終於喺IG發表「分手宣言」：「四年了，感謝你一路以來的相伴。」、「對不起，你在身邊時，我還未是最好的自己。謝謝你，旅程結束時，讓我知道我可以更好。再見了，期待我們再見時，我們都過得理想。」江嘉敏更再度暗示「你們都會好好的」疑有弦外之音指因男友另有新歡？！

江嘉敏終於喺IG發表「分手宣言」Photo from 江嘉敏 IG

江嘉敏：「四年了，感謝你一路以來的相伴。」Photo from 江嘉敏 IG

江嘉敏：「對不起，你在身邊時，我還未是最好的自己。謝謝你，旅程結束時，讓我知道我可以更好。再見了，期待我們再見時，我們都過得理想。」Photo from 江嘉敏 IG

舊愛Anthony刪除IG帳號

雖然佢未晒合照，但就公開咗同男友擺手指心心嘅相片，並喺文末tag男友IG「@snoopthony」，不過舊愛Anthony原來已刪除咗呢個IG帳號，佢曾經喺呢個IG分享兩人嘅甜蜜合照，佢狠心刪號，似乎決心與前女友一刀兩斷。

雖然佢未晒合照，但就公開咗同男友擺手指心心嘅相片Photo from 江嘉敏 IG

舊愛Anthony原來已刪除咗呢個IG帳號Photo from IG @snoopthony

前男友狠心刪號，似乎決心與江嘉敏一刀兩斷。Photo from 江嘉敏 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

江嘉敏假髮照被指撞樣王祖藍！狂賣口乖：我都想似佢咁聰明咁多計

29 Sep 2021

江嘉敏為拍TVB新劇剪咗短頭髮，將留咗多年嘅長髮剪短佢似乎唔習慣，喺出演《代溝關注組》時戴上假髮被網友笑指似扮女人嘅王祖藍！江嘉敏更即時賣口乖留言：「我都想似佢咁聰明」

江嘉敏為拍TVB新劇剪咗短頭髮Photo from 江嘉敏IG

江嘉敏為拍新劇剪短髮

江嘉敏日前喺IG Story post出剪短髮嘅相片，雖然仍然係化女生妝容，但頭髮剪得好短之餘仲gel起咗，睇落的確有幾分中性feel！

江嘉敏日前喺IG Story post出剪短髮嘅相片，頭髮剪得好短之餘仲gel起咗，睇落的確有幾分中性feel！Photo from 江嘉敏IG

其實佢係為拍攝新劇《四十二章經》而剪髮，由之前甜美女生大變身走中性路線，江嘉敏似乎都好唔習慣，佢post出長髮舊照：「一路出event心情一路忐忑，買落嘅裙要過一排先著得嚕」

由之前甜美女生大變身走中性路線，江嘉敏似乎都好唔習慣，佢post出長髮舊照Photo from 江嘉敏IG

《代溝關注組》江嘉敏載齊陰假髮

之後出演節目《代溝關注組》時佢更載上平陰假髮，厚重瀏海令江嘉敏表示：「呢個埃及妖后髮型真係唔係人人carry到，搞到影相都要三七面又雙手托下巴先得」

出演節目《代溝關注組》時江嘉敏更載上平陰假髮Photo from 江嘉敏IG

江嘉敏假髮look被指撞樣王祖藍

佢嘅齊陰負離子假髮同影相角度極似以前中學女生嘅「MK照」，不過有網民就指佢戴假髮好似王祖藍！

江嘉敏齊陰負離子假髮同影相角度極似以前中學女生嘅「MK照」Photo from 江嘉敏IG

王祖藍之前喺TVB以「Handelababy」女裝造型拍過唔少綜藝節目，而江嘉敏嘅假髮造型竟然激似王祖藍扮女人，尤其係個鼻，十分相似！江嘉敏本人亦回覆網友：「你唔係第一個咁講」

王祖藍之前喺TVB以「Handelababy」女裝造型拍過唔少綜藝節目Photo from TVB

江嘉敏本人亦回覆網友：「你唔係第一個咁講」Photo from 江嘉敏IG

江嘉敏嘅假髮造型竟然激似王祖藍扮女人Photo from 江嘉敏IG

江嘉敏同王祖藍個鼻都好似！Photo from TVB

江嘉敏賣口乖讚王祖藍聰明又多計

王祖藍以「首席創意官」身份回歸TVB，江嘉敏同依家係管理層嘅王祖藍撞樣，雖然被人話似男人，但佢賣晒口乖：「係喎，勁多人咁講，我都想似佢咁聰明咁多計」，仲落埋心心眼添！

江嘉敏IG留言有勁多網友話似王祖藍Photo from 江嘉敏IG

雖然被人話似男人，但江嘉敏賣晒口乖：「係喎，勁多人咁講，我都想似佢咁聰明咁多計」Photo from 江嘉敏IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

短髮分手江嘉敏娛樂新聞男友