上海封城|眾星豪華居家抗疫生活曝光 富人屋苑齊集彭于晏劉嘉玲 樓價3千萬起

上海封城|眾星豪華居家抗疫生活曝光 富人屋苑齊集彭于晏劉嘉玲 樓價3千萬起

生活熱話 娛樂新聞
By Cheryl on 15 Apr 2022
Digital Editor

內地最近疫情嚴重,上海更要封城,所以唔少住居住當地嘅明星都被困在家裡,例如李彩華劉嘉玲等,但佢哋都不忘分享在家防疫嘅日常。更有人野生捕獲到樓下做核酸測試嘅彭于晏,令佢同一班藝人同住嘅社區曝光,外界估計該區樓價要從3000萬港元起跳。

#彭于晏

上海最近進行大規模檢測,有人前往檢測地點時,碰到了到屋苑樓下做核酸測試嘅彭于晏,佢亦有跟醫護人員合照,相當親民。

彭于晏大方跟醫護合照。Photo from 微博

有指佢居住在上海長寧區,嗰度屬貴價地段,環境幽靜愜意,所以吸引了唔少明星居住,據悉佢鄰居包括應采兒、劉嘉玲等人,該地帶嘅屋苑在今年初掛牌均價達1.7萬港元一呎,並有「富人區」嘅稱號。

彭于晏落街做檢測被網民野生捕獲,據悉佢居住嘅地區有不少明星聚居。Photo from 微博

#李彩華

近年轉戰內地市場嘅李彩華係圈中小富婆,佢手持12個物業,遍佈香港、澳洲、英國等地,有傳身家已達兩億。佢現時定居上海,住在月租10萬嘅千呎豪宅單位。

有指李彩華居住在月租10萬嘅上海豪宅內。Photo from 李彩華 微博

李彩華家中有開揚露台。Photo from 李彩華 微博

李彩華最近在社交網公開家居運動短片,從中可見佢屋企有好大空間,做瑜伽係基本,甚至踩埋滑板都綽綽有餘。佢亦分享政府派發嘅蔬菜包照片,發文感激國家幫助。

在家做瑜伽Photo from 李彩華 微博

踩滑板都無問題Photo from 李彩華 微博

#鄭希怡

鄭希怡(Yumiko)2014年與化妝師男友Andy結婚,二人育有一女梁子柔「梁浸浸」,一家現時定居上海。封城期間,Yumiko無得帶囡囡外出玩耍,於是決定在家舉行野餐派對,相中可見,房間地上除了放有零食外,仲放了很多得意毛公仔陪母女一齊野餐,相信梁浸浸都玩得好開心。

鄭希怡和囡囡合照Photo from 鄭希怡 微博

鄭希怡與女兒一起在家玩野餐派對~Photo from 鄭希怡 微博

鄭希怡與女兒一起場抗疫歌曲。Photo from 鄭希怡 微博

日前有網民透露,佢最近在Yumiko微博留言,表示自己家中糧食就快耗盡,Yumiko見到便立即問網民住在哪,下一日更安排團隊送一些蔬菜和肉到網民家,非常熱心。除此,Yumiko近日亦上載準備為女兒慶生嘅花絮,片中可見其家中大廳外有露台,環境闊落。

屋企空間相當闊落~Photo from 鄭希怡 微博

#劉嘉玲

劉嘉玲不時分享落樓下跑步嘅運動照,近日佢則上載了到屋企附近做核酸測試嘅照片,相中可見佢穿著一身潮牌打扮,讓醫院人員替佢進行檢測。佢亦上載了在家中陽台看手機嘅照片,當中可見佢身處寬闊陽台上非常愜意,理想位置亦可盡覽上海景色。

廣告
廣告

劉嘉玲不時愛分享在上海地區跑步照片。Photo from 劉嘉玲 微博

劉嘉玲近日到樓下做檢測。Photo from 劉嘉玲 微博

屋企露台可飽覽上海景觀。Photo from 劉嘉玲 微博

#陳浩民

兩年前舉家移居到上海嘅陳浩民,最近都拍片分享疫情下嘅居家生活,佢同老婆蔣麗莎都一起拍抖音跳舞片,記錄佢哋「宅一起」嘅日子,片中可見佢哋嘅大宅以棕色為主,空間感極高,而另一房間亦可見放有很多大型figure等玩物。

陳浩民同老婆蔣麗莎經常拍片與粉絲互動。Photo from 陳浩民 抖音

夫婦一起跳舞。Photo from 陳浩民 抖音

好多玩具Photo from 陳浩民 抖音

蔣麗莎更在直播中大呻封城期間菜價大升,平時唔過$50人民幣嘅菜,現時卻要$2000,大呼:「感覺好像被人坑了」,同時佢亦曬出賬單,顯示3個西紅柿、2根胡蘿蔔、15個雞蛋、和不到1斤嘅白菜要花費$1500購買,仲要另加$500跑腿費。不過,老公陳浩民就認為現在係特殊時期,佢哋應該對外送員抱有感激嘅心,而非埋怨。

陳浩民老婆蔣麗莎大呻疫情下菜價超貴。Photo from 陳浩民 抖音

#吳尊

吳尊早前表示,因為想子女學好中文,所以決定搬到中國住,其一家四口於上月30日正式搬到上海定居,不過搬家後便立刻遇上封城。雖然係咁,吳尊都無表達不滿,更發文感謝政府派發蔬菜包。同時,佢分享一家初到上海嘅點滴,仲公開多張新家照,當中可見單位面積不小,有大露台畀吳尊健身,仲專設運動房間,一家大細都可以齊做運動,打球、做瑜伽、跳障礙都無問題,亦有房間可以畀佢哋一齊睇戲,真係豪華~

吳尊剛搬到上海便遇上封城。Photo from 吳尊 微博

吳尊在新家露台做運動。Photo from 吳尊 微博

運動房Photo from 吳尊 微博

睡房佈置中Photo from 吳尊 微博

新家仲有小型電影院Photo from 吳尊 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel