泰國酒店溫泉沐浴區驚傳藏閉路電視!經理荒謬回應更加惹人懷疑!

泰國酒店溫泉沐浴區驚傳藏閉路電視!經理荒謬回應更加惹人懷疑!

生活熱話
By Stephanie on 18 Apr 2022
Digital Content Writer

泰國最近正式宣佈全面開放通關,4月起旅客們都可以申請免隔離入境,瞬間吸引唔少世界各地嘅旅客到訪!日前,有當地嘅女生於FB發文表示到訪泰國著名酒店溫泉時,發現沐浴區居然有閉路電視,令佢驚慌搵酒店經理詢問,但卻換來超荒謬嘅答案!

現時大家都非常渴望去旅行,浸溫泉亦係唔少人鍾意嘅舒壓活動~Photo from 日劇《東京獨身男仔》

酒店私隱問題受關注!

相信大家出國旅遊時都會擔憂酒店安全問題,會細心觀察房間內是否有安裝鏡頭等,以確保自己嘅個人私隱。

旅遊時大家都會非常注重酒店嘅安全及隱私問題!Photo from 《今晚瞓酒店》

泰國酒店被發現於溫泉沐浴區裝閉路電視!

日前,有泰國女網民大呻於潑水節期間,入住位於春武里府著名酒店所遭遇嘅經歷:表示浸溫泉時跟足規矩脫下衣物,只係帶住1條毛巾抵達溫泉區域。然而喺佢浸完溫泉時,就發現沐浴區居然安裝咗一個能夠360度旋轉嘅閉路電視,而且事前亦冇人提醒佢哋裡面有鏡頭!

女事主當時跟隨酒店規矩,只係帶同一條毛巾進入溫泉區域Photo from 日劇《搖曳露營》

泰國女網民表示於酒店浸溫泉時,發現閉路電視!Photo from FB

經理荒謬回應惹人懷疑!

該名女網民立刻搵酒店經理詢問閉路電視嘅作用,而經理竟然回應閉路電視只係擺設,並冇開啟電源!然而,對方卻未有提供證據顯示鏡頭真係關閉,只係為佢送上免費嘅下午茶以作安撫。

但經理回應樓主表示閉路電視只係裝飾?!Photo from 《假面飯店》

提醒大家要入住酒店時必定要檢查清楚!

女網民最終決定於FB上載經歷,希望大家可以引以為鑑,提醒旅客入住酒店時必須留意房間以及公共設施是否有安裝閉路電視等。

樓主希望藉此機會提醒大眾注意居住酒店時要注意閉路電視位置!Photo from 韓劇《三流之路》

網民覺得酒店經理好有可能講大話?!

大部分網民見到呢個post後都十分驚訝,認為「閉路電視係裝飾」嘅講法非常不合理,質疑鏡頭實際上正在運作中;而且安裝嘅位置非常可疑,一定會令浸溫泉嘅旅客們被不知情地拍攝!另外,網民都呼籲女網民盡快將酒店名稱公開,認為於沐浴區裝閉路電視應該要被禁止!

大部分網民都認為酒店經理嘅解釋並唔可信!Photo from 韓劇《The Producer》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

男友為防疫堅拒去酒店慶情人節 港女超不滿大呻:睇嚟防疫重要過我!

廣告
廣告

11 Feb , 2022

情人節雖然就快到,但現時疫情嚴重,不少情侶對於出外慶祝與否都有不同意見。近日,一名港女到討論區發文,表示自己好想趁情人節加拍拖周年去Staycation慶祝,但佢男友好重視防疫,所以堅決拒絕。女事主就好無奈,認為雙方已打疫苗,所以唔明有乜好驚,更感歎「睇黎防疫重要過我」。

近日一名港女到香港討論區大呻男友因防疫,而堅決去Staycation慶祝情人節。Photo from TVB

港女想情人節去Staycation

最近,一名港女(下稱樓主)到香港討論區發文,指與男友交往兩年,由於佢哋在二月開始拍拖,所以慶祝情人節同時會慶祝埋拍拖周年。樓主稱,男友好著重防疫,佢出街會戴兩個口罩,亦會經常洗手多留家,「如果唔係同我拍拖去街,佢真係會好乖乖居家抗疫嘅人」。

樓主表示,佢男友係一個非常著重防疫嘅人。Photo from TVB

男友認為防疫要緊 拒絕提議

樓主考慮到現時夜晚六點後無堂食,就向男友提議一起去Staycation,「都係一日兩日,同埋係特別日子,以為男朋友都會肯應承。」豈料男友堅決拒絕,直指因為呢家疫情爆到周圍都係,所以唔應該去Staycation,並叫樓主唔好為咗慶祝而慶祝。男友認為將錢留畀將來,等疫情緩和再日日去Staycation都得。

樓主男友應為疫情嚴重下,不應再花錢去Staycation。Photo from TVB

港女心痛男友更重視防疫

樓主表示,討論一輪後男友開始不耐煩發脾氣,反問樓主:「你點知隔籬間房嘅人會唔會中咗?」、「你仲成日周圍去,做咗密切接觸者,你就可以去到『Staycation』!」男友亦表明,如果到情人節都仲係咁多單疫症就唔打算出外應節。樓主對此感到氣餒,又言:「有冇咁驚青?我哋都打咗針啦,睇嚟防疫重要過我。」

樓主認為二人都已接種疫苗,所以唔明去Staycation有咩咁驚。Photo from TVB

網民:非常時期可以忍一忍

對此,不少網民都認為樓主太心急,罔顧安全,有人指:「情人節年年都有,命就得一條」,又言萬一感染,有可能會傳染埋身邊人,係自私行為;亦有網民認為去Staycation都只係為了食大餐及與伴侶有親密活動,喺屋企都做得,或者用Facetime在家見面亦可。

有網民認為下年都可以慶祝Staycation,生命就得一次機會。Photo from 香港討論區

有網民提議在家用Facetime同摯愛見面。Photo from 香港討論區

你認為情人節一定要到酒店慶祝嗎?Photo from TVB

有網民同意樓主男友所講,現在非常時期,等疫情過後先會玩得開心。有網民則表示,樓主男友都係為身邊人著想,唔想中招將病毒傳染家人朋友,如果佢有事即係樓主都好可能有事,而感染咗亦有機會影響上班,所以該網民向樓主男友表達支持。

有網民認為疫情嚴重下應該忍一忍。Photo from 香港討論區

疫情嚴重期,大家會點同摯愛見面?Photo from TVB

有網民表示支持樓主男朋友想法。Photo from 香港討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel