郭富城方媛結婚5週年大晒當年行禮照片！天王嫂變身美容KOL，拍片令豪華浴室無意中曝光！

天王郭富城（城城）同細佢22年嘅內地網紅方媛（Moka）於2017年結婚，轉眼間就已經係二人結婚5週年～日前，方媛於社交平台上公開放閃，仲大晒當年結婚嘅行禮照片，令唔少網民都表示羨煞旁人！

Photo from 方媛微博

2017年天王郭富城與方媛結婚

天王郭富城與內地網紅方媛2017年於香港半島酒店結婚，婚後育有二名女兒Chantelle、Charlotte，一家四口十分溫馨～雖然城城工作忙碌，但百忙之中都會抽空陪伴妻女，特別節日就多數都會留喺屋企人身邊！

Photo from 方媛微博

Photo from 郭富城微博

二人結婚5週年紀念

日前，方媛突然於IG放閃，原來昨日（18日）係佢同郭富城結婚5週年嘅紀念日，二人仲非常有儀式感地買蛋糕以及花束慶祝，並寫上「5年前的今天，每次回看照片還是覺得好浪漫，相互陪伴的日子裏，平穩而不平淡，快樂而長久，感恩有你❤️～ 5週年快樂」

Photo from 方媛微博

疑似公開2張未曝光行禮照？！

除此之外，方媛公開咗2張疑似從未曝光過嘅婚宴行禮照片，只見二人穿著西式禮服以及白色拖尾婚紗，神情似乎有啲嚴肅。結婚係人生大事，連見慣大場面嘅郭富城都顯得有啲緊張！

Photo from 方媛微博

Photo from 方媛微博

城城甜蜜回應老婆，更多當年婚禮照公開～

而城城亦十分識做，於微博上甜蜜回應「祝我親愛的老婆每天都開心快樂、幸福!❤️」，唔少網民都表示祝福二人～

Photo from 郭富城微博

Photo from 方媛微博

Photo from 方媛微博

方媛超注重保養

呢幾年「天王嫂」都非常活躍於社交平台，仲經常分享自己嘅護膚心得，可以話係半個美容KOL～而早前佢就曾經大晒佢價值逾10萬嘅美容產品，包括有：約2萬嘅「終極神器」面罩美容儀、眼部消腫儀器等。

Photo from 方媛小紅書

Photo from 方媛小紅書

天王嫂素顏敷mask卻令豪華浴室曝光

方媛早前向網民分享使用中嘅面膜，而面膜成份含有白松露，而且價格大約係4位數；但大家就將焦點放咗喺佢嘅豪華浴室！只見浴室主要以白色簡約風為主，仲放咗部超大嘅LED電視機，而浴缸旁邊仲擺咗唔少花作為點綴，少女心爆棚～就算喺浴室拍片都絕對冇問題！

Photo from 方媛小紅書

Photo from 方媛小紅書

為囡囡整吹氣樂園

同場加映，方媛喺疫情期間為囡囡們整咗個吹氣樂園，並放置喺屋企嘅後花園！規模超大，仲有超大嘅滑梯，就算喺屋企都唔洗怕悶喇～

Photo from 方媛微博

相關文章：方媛新相疑P圖太重手驚現1.5米大長腿！官方身高1.6米！網友：條腿長度仲高過佢老公

相關文章：方媛首次公開回應「天王嫂訓練營」傳聞！ 曾寫長文解釋再刪掉「還是交給時間吧」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

方媛晒超奢華貴婦護膚品，被網友指生活無聊霸氣反擊！

11 Mar , 2022

「天王嫂」方媛經常喺「小紅書」分享日常生活，佢最近大晒高價美容儀同貴婦級護膚品，又公開唔少自拍，不過就被網民指佢睇落一啲都唔開心，好似生活好無聊咁，方媛亦霸氣回應。

Photo from 方媛小紅書

「天王嫂」方媛大晒貴婦級護膚品

方媛（Moka）老公郭富城工作繁忙，但平時都會抽時間陪伴妻女，而方媛平時除咗大晒湊女日常，仲會分享時尚穿搭、化妝品、護膚品等。

Photo from 方媛微博

近日方媛喺「小紅書」公開佢平時用嘅一啲美容儀，仲有大量護膚品，幾乎擺滿半個枱面。其中有唔少「貴婦品牌」，可見「天王嫂」對日常保養都十分注重保養。

Photo from 方媛小紅書

擁近$2萬「美容神器」

除咗護膚品之外，方媛仲有唔少家用美容儀器，功效各有不同，包括消水腫、鏟黑頭、提拉肌膚。仲有一款面罩美容儀，獲譽為「終極神器」，售價近$2萬港元！

Photo from 方媛微博

Photo from 方媛小紅書

Photo from 方媛小紅書

小紅書拍片被指「生活無聊」，方媛霸氣回覆

方媛早前喺小紅書拍咗條自拍短片，並留言：「我的黑長直，最近把黑頭髮養厚了一點點」，片中佢跟住背景音樂做口型唱歌，有唔少網友留言。

Photo from 方媛小紅書

其中一個留言指佢生活無聊：「無聊的富婆生活」，方媛本尊親自回覆：「可是我不是富婆，然後我每天很充實也沒有時間無聊」，仲有人表示覺得佢平時過得一啲都唔開心。

Photo from 方媛小紅書

Photo from 方媛微博

雖然方媛稱自己每日都過得好充實，一啲都唔無聊，但仍有人將佢同另一位「天王媛」昆凌作比較，指方媛無老公陪伴，都係昆凌「嫁對了」。

Photo from 方媛小紅書

Photo from 方媛微博

相關文章：郭富城過奢華生活 豪爽買跑車/做馬主　方媛囡囡超貼地搭經濟艙

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）