網民野生捕獲王祖賢於加拿大打邊爐，近況曝光！網民慨嘆：歲月不饒人！

現年55歲嘅王祖賢過往憑電影《倩女幽魂》「聶小倩」一角而為人熟悉，仲因此被大眾封為「亞洲第一美女」～然而，佢已經息影多年，並移居加拿大生活。近日，有網民於火鍋店幸運地撞見佢同朋友聚會，令佢嘅近況曝光！

Photo from 王祖賢IG

王祖賢憑「聶小倩」一角於亞洲爆紅

台灣籍女星王祖賢喺1985年開始來港發展，曾出演唔少經典電影，包括：著名嘅《倩女幽魂》系列、《賭城大亨》等，聲名大噪，成為90年代影壇花旦！直到2004年，佢拍攝完《美麗上海》後就宣佈息影，並移居加拿大。

Photo from 《倩女幽魂》劇照

Photo from 《賭城大亨》

2004年宣佈息影後，移居加拿大

雖然王祖賢已經淡出幕前多年，但佢偶爾都會上載照片到社交平台分享自己嘅生活。誠心學佛嘅佢曾被網民撞見出現於溫哥華嘅靈岩山寺，而且打扮極似出家人，令網民一度懷疑佢已經「出家」？！

Photo from 王祖賢IG

Photo from 微博

網民於火鍋店偶遇王祖賢

最近，有網民再於溫哥華餐廳偶遇王祖賢同朋友一齊打邊爐。從照片中所見，王祖賢當日身穿深灰色長袖衫，打扮休閒又低調，但氣質依然出眾！

Photo from 微博

王祖賢最新近況曝光！

不過，仔細睇就會發現王祖賢嘅面型似乎比以前圓潤，面部同雙眼都有少少浮腫，的確同過往精緻嘅五官有少少差別，令網民不禁慨嘆「歲月不饒人」！

Photo from 微博

Photo from 微博

網民大讚真性情！

另一方面，部分網民認為王祖賢係「真女神」，隨住年紀增長外形難免會有啲變化，但佢都唔會靠P圖修飾自己，淡然接受現狀，十分值得大家學習；而且網民都大讚佢嘅優雅氣質依然存在！

Photo from 王祖賢IG

Photo from 王祖賢IG

相關文章：台灣瘋傳「屏東王祖賢」劏魚照　孝順女賣魚分擔家計

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

54歲王祖賢素顏近照曝光！網民大讚韻味十足！經歷愛情風雨終決定不婚

5 Jan , 2022

一代女神王祖賢雖然已淡出影壇並移居加拿大，但近日有人「野生捕獲」祖賢，將佢嘅素顏照上載社交網，而祖賢都好照顧fans，自己都在IG上載近照，網民都大讚佢依然美麗，狀態大好！

Photo from 王祖賢 FB

王祖賢近照曝光

54歲王祖賢早年憑《倩女幽魂》中聶小倩一角成為經典女神。雖然佢現已息影多年，移民到加拿大生活，但近日在當地仍被粉絲認出，並將當場捕獲嘅畫面上載網絡，寫道：「今天在Richmond靈岩山寺看到王祖賢了，本人又美又高，皮膚超好，真是神仙姐姐。」

Photo from 微博

有網民懷疑王祖賢已出家

照片中可見，王祖賢梳起馬尾，戴著口罩素顏上陣，不少網民都稱讚佢風韻猶存，「還是那麼美」、「眉眼真的是人間超凡」。亦有人認為佢打扮像出家人服裝，疑惑王祖賢是否已出家，但有網民表示佢穿嘅服裝代表在家修行學佛嘅居士，並未出家。

Photo from 微博

Photo from 微博

新相狀態依然大好

早前，王祖賢亦在聖誕及新年時上載近照到個人社交網，其中一張係佢與小狗嘅合照，即使近距離拍攝都無減其氣質。而另一張照片，可見佢穿著杏色外套及粉紅色長裙靠在湖邊，配搭青春，佢外表睇落亦充滿少女感，網民都大讚：「還是這麼漂亮，狀態保持得真好！」

Photo from 王祖賢 IG

Photo from 王祖賢 IG

感情路充滿波折，曾被指介入林建岳婚姻，與齊秦離離合合近20年

15歲出道嘅王祖賢紅極一時，但感情路上充滿波折，佢於1987年拍電影《芳草碧連天》時，與歌手齊秦相戀。即使王祖賢家人反對，亦無阻二人交往。王祖賢曾在黃霑節目《今夜不設防》中表示對婚姻有期盼，想有美滿家庭生活。但其後因工作關係難維持戀情，最終分手。

Photo from 《今夜不設防》

王祖賢之後被富商林建岳極力追求，王祖賢被指介入林建岳婚姻，形象受挫，演藝作品大減。2004年參演電影《美麗上海》後，宣布息影，再移居加拿大低調生活。

Photo from 王祖賢 IG

飽受風波困擾嘅王祖賢獲前男友齊秦聲援，二人其後復合。但當佢哋準備結婚時，齊秦前女友方美芳卻突然帶著齊秦嘅私生子出現，感覺被背叛嘅王祖賢徹底心碎，再次上黃霑節目《三個光頭佬》時更直言決定餘生不婚：「喺我字典入面，永遠無結婚呢兩個字。」

Photo from 《三個光頭佬》

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）