00後女新人入職，中年上司為扮young學講潮語：係咪好MM7呀？！

「代溝」喺社會上絕對唔罕見，近日討論區有網民指公司有00後女同事入職，佢嘅直屬上司係一個40幾50歲嘅叔叔，而呢位中年上司為咗同下屬拉近距離，不惜大講「潮語」，情況十分尷尬！

Photo from 《柔美的細胞小將》

00後女同事入職

曾經係「年輕一代」象徵嘅90後開始步入30歲，而00後都就嚟大學畢業。工作上遇到00後嘅可能性增加，「代溝」亦漸漸出現。

Photo from 《大叔的愛》

有網民於香港討論區發文，佢指公司今個月嚟咗一個00後嘅女新人，新同事嘅直屬上司係一位40幾、50歲嘅大叔，平時為人都幾nice，同其他下屬都好friend。

Photo from 《大叔的愛》

中年上司欲與下屬打成一片

樓主估計中年上司為咗同00後女下屬打成一片，盡量以年輕人嘅口吻同對方交流，樓主：「特登打造到自己仲好後生，好明白依家後生諗咩嘢」，不過似乎適得其反。

Photo from 《大叔的愛》

狂講「潮語」勁尷尬

樓主指自從00後女同事加入，成日聽到中年上司講埋晒啲「潮語」：「get唔get呀？」、「我覺得咁樣太大癲啦！」令樓主覺得十分尷尬。

Photo from 《我要準時下班》

中年上司更試過講：「係咪好MM7呀！我覺得係MM8添呀！比MM7更MM7！」本身「MM7」係「正」嘅速成碼，多數都會係留言時用，甚少見人會講「MM7」，而中年上司更自創「MM8」，令樓主十分無言。

Photo from 《大叔的愛》

掀網民熱議

樓主認為其實大家都係返工，正正常常咁講嘢咪算，指00後唔會聽唔明，直言中年上司：「為咗要take care妹豬同事，可以去到幾盡？」

Photo from 《無法成為野獸的我們》

唔少網友都表示呢種情況真係好尷尬，又指00後女同事聽到40幾歲嘅上司咁同佢講嘢都會唔知點應好；亦有網民認為上司同下屬有年齡差好正常，大讚中年上司有心同下屬打成一片，係一種關懷嘅行為。

Photo from 香港討論區

Photo from 《金秘書為何那樣》

Photo from 香港討論區

Photo from 《大叔的愛》

相關文章：港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

相關文章：34個網絡流行語+字母縮寫合集！世一、siu4、mm7唔識就Outdated啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

A0港女對上司3大行為感到心動！揭上司關懷真相大崩潰！網友：你都幾自作多情

9 Sep 2021

職場同事幾乎每日都會見面，容易產生深厚感情。近日有女網友喺討論區發文指佢從未拍過拖，呢位網友表示近幾個月上司做咗唔少令佢心動嘅事，於是與網民分享，但有人直言：「你都幾自作多情！」

Photo from TVB

女網友喺Dcard發文，佢表示自己係A0，半年前開始返全職工作，上司比佢大5年。樓主分享指上司呢幾個月做咗好多令佢呢個A0覺得有啲心動嘅嘢。

Photo from Dcard

#上司出手護花

有一次樓主同上司喺停車場，有一架車向前駛，樓主同上司兩人立即避開，點估架車突然又後退，上司即刻伸手喺樓主面前護住佢，樓主表示可能佢係作為上司為免下屬發生咩事先咁做：「但作為A0嘅我，心入面啲小鹿已經開始亂撞。」

Photo from TVB

#心痛下屬淋雨

之後有一次落雨樓主無帶遮，返到公司成個人濕晒，上司見狀竟小心翼翼咁掂樓主條褲小腿嘅位置，又對樓主講：「下次等無咁大雨先番公司嘛」

Photo from TVB

後尾樓主聽同事講返上司有同佢哋傾偈，指見到樓主嗰日成身淋濕哂心都痛埋，令樓主再次心動！

Photo from 愛的迫降

#主動促成親密(skinship)接觸

再有一次上司患上感冒，病住返工，樓主同佢一齊食飯，餐廳量體溫時上司差少少就發燒，之後兩人返到公司，上司主動dup低頭叫樓主摸下額頭睇係咪真係發燒。

Photo from TVB

樓主表示除咗以上3件事，上司仲做咗其他令佢誤會嘅嘢，樓主有疑惑係咪因為自己係A0先會咁易為呢啲事而動情，亦有諗過上司可能早就有女朋友。

Photo from TVB

#A0港女心動後疑上司有女友

一直十分糾結嘅樓主有諗過係咪自己「諗多咗」，樓主有次見到上司同人message打咗個心，樓主說服自己可能係同屋企人講。過幾日樓主見到上司手機訊息，有人send心心emoji畀佢，令樓主開始懷疑上司。

Photo from 奶酪陷阱

樓主係咁搵蛛絲馬跡，佢指上司枱頭無同女友嘅相、手機mon亦唔係同女友嘅合照、IG無post過同女友有關嘅嘢，再加上公司同佢做咗5年嘢嘅同事都覺得樓主上司無女友，令樓主估計上司應該係單身。

Photo from TVB

#力斥上司係player

文章最後樓主稱有90%sure上司其實有女朋友，樓主大為憤怒斥上司根本係player：「有女友仲比埋啲錯覺比我呢個A0」，又指上司應承過做嘅嘢最後都無做，又忽冷忽熱「玩欲擒故縱」。

Photo from TVB

樓主指唔中意介入人哋感情，亦唔中意對方有另一半仲做啲容易令人誤會嘅嘢：「我都唔會對佢之後既行為抱咩幻想」

Photo from TVB

#網友笑A0港女「自作多情」

樓主無提到佢點發現上司係player，有網民就表示msg打心心好普遍，好多同事都會咁做：「我老細、幾個女同事、大媽級都有send過俾我，唔代表d乜」，更有網友直言：「講真樓主你都幾自作多情」

Photo from Dcard

Photo from Dcard

亦有網民稱：「player同人講自己有女朋友，咁佢點周圍開餐啫」，呼籲男生、女生談戀愛前要了解清楚對方為人先。

Photo from Dcard

Photo from Dcard

相關文章：

拍拖一月男友問港女借$8000炒股 事主拒絕後感情轉差 網民：當你水魚！

相關文章：

27歲港男疑似被40歲女上司主動追求 扮瞓挨膊頭 網民：係阿姐的愛！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）