女藝人白雲「拾獲柴犬事件」最新進展，已經與原主人見面！好姐妹成狗狗新主人惹熱議，出post尋找主人僅2日就放棄？
有「咪神」之稱嘅女藝人白雲（白雲鳯）早前自爆與前港男江俊霖（Kelvin）離婚，傳女方因為衣著過份性感令男家感到不滿。然而，白雲最近又陷入「執流浪狗」嘅風波當中，佢早前透露於街上拾獲一隻疑似係流浪狗嘅柴犬，希望幫狗狗尋找主人。不久之後，佢就突然表示已經將狗狗交俾好友楊埕，網民都認為佢嘅做法似乎唔太恰當，引起熱議！
Photo from 白雲IG
白雲於街頭拾獲柴犬
早前，白雲於社交平台表示於街頭拾獲一隻黑色柴犬，懷疑狗狗係流浪狗，所以就先帶咗佢返屋企，希望能夠幫手搵返主人！
Photo from 白雲IG
Photo from 白雲FB
出post短短2日就放棄尋找原主人？
然而出post不足2日，白雲就突然改變主意，放棄搵返狗狗嘅原主人，仲話已經搵到新嘅主人「2歲柴柴有晶片，漁農處也找不到主人，主人亦未報失。有人前兩天已看到牠流浪，指甲長到證明沒人幫牠剪過更不帶出街。既然如此，大家不要再找了。謝我幫你找到這位可愛姐姐照顧你吧，這樣我也可以經常看到你。」
Photo from 走失協尋香港 LOST AND FOUND (HONG KONG) @FB
Photo from 白雲IG
網民質疑有私心想將狗狗據為己有？！
唔少網民都覺得白雲嘅處理方法唔恰當，只係將尋找主人嘅post上載咗短短2日，就突然話要為狗狗搵新主人，未免有啲倉猝；部分網民仲覺得佢係有私心，所以先放棄尋找原主人！
Photo from 連登討論區
Photo from 白雲IG
新主人楊埕列出7點反駁網民！
事實上，柴犬嘅新主人就係白雲嘅好友2014年落選港姐楊埕！眼見事件演變得越來越勁，楊埕發文用7點反駁網民嘅留言，表示自己嘅目的只係為咗「唔想將佢（柴犬）變成漁農處嘅流浪狗。」
Photo from 楊埕IG
Photo from 楊埕IG
「柴犬事件」最新狀況！
直到昨日（18日），事情終於出現最新進展！根據二人IG post所寫，佢哋已經同柴犬嘅原主人見面，仲機緣巧合下變成朋友。而楊埕就正式成為柴犬嘅新主人，並已經將寵物嘅晶片名字更改咗「我們跟前主人成為朋友，Simba亦變成我的新狗狗?所有決定權都一直聽從前主人安排。」
Photo from 楊埕IG
Photo from 楊埕IG
Photo from 楊埕IG
網民反應兩極
有網民就認為原主人居然會願意將愛犬讓俾新主人，十分奇怪，而呢個狀況的確比較罕見；但白雲亦有為對方解釋「舊主人唔係唔想養，希望大家唔好誤會佢，件事好複雜。」但亦有唔少網民表示恭喜柴犬搵到嘅歸宿，祝福狗狗之後能夠過幸福嘅生活～
Photo from 白雲IG
Photo from 楊埕IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
幫寵物改錯名，睇獸醫勁尷尬？！護士嗌名變鬧人：「豬扒到你啦」
18 Jan , 2022
養寵物都會為佢哋改返個名，好多人會改食物名如燒賣、朱古力。早前喺討論區就有網民分享自己幫貓貓改名後應到好後悔，帶佢去睇獸醫時一聽到護士叫貓貓個名即刻覺得超尷尬！引起唔少網民共鳴，齊齊分享聽過嘅奇怪寵物名。
Photo from TVB
港女為貓貓改錯名感後悔
正所謂「唔怕生壞命，最怕改壞名」，幫寵物改名都係一樣，有網友喺連登討論區發文大呻幫貓貓改錯名，問「仲有冇得返轉頭」，有關帖文已有超過3,000個正評，掀起網民熱議。
Photo from TVB
樓主表示佢為貓貓改名做「臭雞」，次次帶佢睇獸醫，姑娘一出嚟叫名就會引起診所其他人嘅關注，有時寵物醫院打畀佢，一開口就話：「Hello～係咪臭雞主人呀？」令佢大感尷尬！
Photo from lihkg
Photo from lihkg
Photo from TVB
網友對於樓主改呢個咁新奇嘅名直呼佢十分有勇氣，而樓主就解釋指佢改名嗰陣咁啱《巨輪2》角色「高天鷲」大熱，佢於是就用佢嘅金句嚟改名，估唔到會搞到咁老尷。
Photo from TVB
獸醫護士嗌名變鬧人勁尷尬
有唔少網友都分享佢為寵物改類似嘅名，都有同樣嘅煩惱，有網友稱佢幫寵物改名做「豬扒」，另一位則指佢改名做「八婆」，獸醫診所護士叫：「豬扒到你啦！」一樣令主人十分無奈。
Photo from lihkg
Photo from lihkg
Photo from TVB
幫寵物改做鬧人嘅名字的確會令人哭笑不得，有主人就幫寵物改名做「粉腸」，亦有網友稱佢為家中貓貓取名為「污糟貓」，結果帶去睇醫生時診所護士指：「唔可以改啲咁嘅名」。
Photo from TVB
Photo from lihkg
用人名、人物改名
用人物改名好似都算正常，例如叫「哥哥」、「弟弟」、「姐姐」、「妹妹」，但除咗兄弟姊妹之外都會好奇怪，有網友話佢嘅寵物叫「媽媽」，護士一叫「媽媽入嚟啦！」場面都十分怪異，又有人指聽過有寵物叫「前男友」、「前女友」。
Photo from TVB
有人直程用明星名！好似梅姐梅艷芳咁佢曾表示屋企養嗰3隻愛犬分別叫做「Eric」（曾志偉）、「阿叻」（陳百祥）、「阿倫」（譚詠麟）。
Photo from TVB
以身體部位取名夠騎呢
亦有網友表示佢用身體部位改名，其實亦一樣咁尷尬，「膝頭哥」已經算正常，其他例如叫「胳肋底」、「腳板底」都好奇怪。樓主另外又分享稱佢養咗3隻貓，其中一隻特登改名做「旺財」，都幾過癮！
Photo from lihkg
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
