陳凱琳成功轉型做KOL,獲頒年度「品牌最愛」!疫情下收入飆升至千萬!即將做埋節目監製?

陳凱琳成功轉型做KOL,獲頒年度「品牌最愛」!疫情下收入飆升至千萬!即將做埋節目監製?

娛樂新聞
By Stephanie on 20 Apr 2022
Digital Content Writer

2013年港姐冠軍陳凱琳(Grace)婚後甚少出演電視劇,並減少於幕前現身,轉型成為KOL。形象正面嘅佢亦成功獲得廣告商嘅青睞,疫市下收入飆升至8位數!據悉,佢即將參與幕後工作,擔任明珠台節目主持人兼監製,身兼多職,相信將會賺到唔少「奶粉錢」~

陳凱琳成功轉型成為KOL!Photo from 陳凱琳IG

陳凱琳事業愛情兩得意

陳凱琳參加選美比賽後就立刻入行,初出道嘅時候已經備受力捧,有指當時佢尚未卸任就獲安排出演重頭劇《名門暗戰》。2018年,陳凱琳與鄭嘉穎結婚,並先後誕下2名兒子,可以話係事業愛情兩得意~

陳凱琳與鄭嘉穎於2018年結婚!Photo from 陳凱琳IG

二人婚後育有2名兒子,一家四口超幸福~Photo from 陳凱琳IG

近年轉型成為KOL,獲選為「品牌最愛」!

不過,陳凱琳婚後大大減少幕前嘅工作,專心照顧家庭,並成功轉型成為KOL。日前,「2021香港社交媒體風雲榜」就公佈得獎名單,當中陳凱琳獲得「品牌最愛」殊榮。有指,佢現時IG追蹤人數逾71萬,上年獲得32個品牌贊助,品牌贊助嘅post有119個,保守估計營業額已經達千萬!獲獎嘅佢感恩地表示「多謝觀眾繼續看我的資訊和創意短片」,揚言來年會繼續努力~

陳凱琳近年已經轉型成為KOL,深受各種品牌嘅喜愛~Photo from 陳凱琳IG

擁有拍攝團隊

據悉,陳凱琳現時已經擁有自己嘅拍攝團隊,協助佢拍攝及製作短片,十分專業!而鄭嘉穎亦全力支持老婆嘅事業,二人一齊努力賺奶粉錢~而佢亦曾解釋為咗湊小朋友,短期內都唔會參與影視作品嘅拍攝。

陳凱琳經常都會於小紅書上分享自己煮食及日常生活短片!Photo from 陳凱琳小紅書

曾表示為咗湊仔,暫時唔會參與劇集拍攝!Photo from 陳凱琳IG

將會擔任節目監製+主持人

有傳,陳凱琳將會參與節目嘅幕後工作,擔任明珠台全新清談節目《Love Matter》嘅監製兼主持人!佢仲大晒友情牌,首集就邀請到久未露面嘅朱千雪(Tracy),二人將會喺節目中大談結婚之道。現時節目已經密鑼緊鼓地進行拍攝中,相信各位好快就可以收睇到節目喇~

陳凱琳將會成為節目《Love Matter》嘅監製以及主持人!Photo from 陳凱琳IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳凱琳大晒與弟弟童年照再掀熱議!媽媽親解混血樣貌之謎!鄭嘉穎童年照與仔仔超似樣?!

14 Mar , 2022

2013年港姐冠軍陳凱琳(Grace)憑深邃嘅五官,令唔少人都覺得佢外貌好似混血兒。日前,佢於IG上載童年時期嘅5張唔同階段嘅照片,再度引起網民熱議!而過往Grace媽媽曾經喺電台節目中大爆子女似混血兒可能同居住環境有關?!

陳凱琳一直都被唔少網民誤以為係混血兒!Photo from 陳凱琳IG

現年30歲嘅陳凱琳(Grace)自從2018年同鄭嘉穎結婚後,已經大大減少於幕前工作,但依然活躍於社交平台。仲會經常大晒2位仔仔嘅可愛照片,一家四口幸福滿瀉~

陳凱琳與鄭嘉穎於2018年結婚~Photo from 陳凱琳IG

經常於IG大晒溫馨家庭照~Photo from 陳凱琳IG

# 大晒歷年來齊蔭髮型~

日前,陳凱琳於IG分享剪咗齊蔭新髮型,仲大晒自己歷年來嘅齊蔭造型。Grace細細個就已經眼仔碌碌,五官輪廓當時就已經非常精緻;而且同細佬樣貌好似,果然係雙胞胎啊~

廣告
廣告

同細佬真係佢好似樣~Photo from 陳凱琳IG

陳凱琳小時後原來就已經留齊蔭!Photo from 陳凱琳IG

五官由細個嘅時候已經好深邃,非常有異國風情!Photo from 陳凱琳IG

後來,Grace就等到大約18歲嘅時候先再重新剪返齊蔭,相信當時嘅佢已經喺加拿大讀緊大學,樣貌同宜家差唔多!

直到18歲嘅時候,陳凱琳先再剪齊瀏海!Photo from 陳凱琳IG

# 因外貌與父母並不相似,多次引起熱議!

其實陳凱琳由參選港姐嘅時候,就已經被誤會係混血兒,而雙胞胎細佬Derek嘅外貌亦十分有異國風味;但就同大家姐Joyce睇落冇咁似。然而,二人嘅父母卻係擁有華人血統,而且外表亦冇咁似混血兒,令佢哋一家人經常都引起網民熱議!

陳凱琳同孖生細佬Derek外貌都被認為似混血兒!Photo from 陳凱琳IG

Grace同Derek因外貌同家人唔同,而備受網民熱議!Photo from CBNHK @Youtube

大家姐Joyce樣貌亦相對上比較似「亞洲人」Photo from CBNHK @YouTube

# Grace媽媽曾透露外貌改變原因!

過往,Grace媽媽們Connie曾於電台節目《舊日的足跡》罕有地回應過子女樣貌嘅疑團。佢透露Grace同Derek剛出生嘅時候,皮膚白淨同大家姐Joyce一樣;直到二人14、15歲嘅時候突然變到眼大大、面尖尖,Derek仲開始長出鬍根!

Grace媽媽表示Grace同Derek細個同大囡Joyce一樣,皮膚白淨!Photo from 陳凱琳IG

但直到14、15歲佢哋嘅樣貌就開始有變化!Photo from 陳凱琳IG

# 可能同居住/飲食習慣有關?!

Connie仲大爆自己嘅媽媽係馬來西亞人,所以子女亦擁有部分亞裔樣貌。加上二人成長時期都喺加拿大,「佢哋細個鍾意戶外活動,又或者去加拿大讀書時,嗰度嘅食物好多荷爾蒙!」

陳凱琳媽媽話自己擁有馬來西亞血統。Photo from 陳凱琳IG

認為有可能同兩姐弟於加拿大長大有關?!Photo from CBNHK @YouTube

# Grace仔仔都眼大大超得意~

其實Grace嘅大仔Rafael同 細仔Yannick 樣貌都非常得意,仲同Grace細個嘅可愛圓嘟嘟嘅面型有幾分相似㗎!不過有網民覺得大仔樣貌越大越似爸爸,但笑容就同Grace一樣;細仔嘅眼睛就比較似爸爸!

陳凱琳嘅2個仔仔都同佢細個有啲似樣!Photo from 陳凱琳IG

一家四口都眼大大,而且有網民就話大仔越來越似鄭嘉穎!Photo from 陳凱琳IG

而Grace細細個嘅時候眼睛已經超大!Photo from 陳凱琳IG

# 鄭嘉穎童年照曝光!

而鄭嘉穎就曾於拍攝電視劇《星空下的仁醫》海報時,罕有地喺證件中公開童年照片。雖然照片非常細,但都可以見到佢細個嘅時候都同Grace一樣眼大大,肉嘟嘟嘅面頰同仔仔們一模一樣~

鄭嘉穎就曾經喺出演嘅電視劇海報中罕有公開童年照!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel