陳法拉翻拍影后張曼玉經典作品登康城影展!進軍荷李活密密接job

陳法拉翻拍影后張曼玉經典作品登康城影展!進軍荷李活密密接job

電視電影 娛樂新聞
By Jennifer on 20 Apr 2022
Digital Editor

陳法拉喺美國進修戲劇後於荷李活發展,參演咗Marvel電影《尚氣與十環幫傳奇》。陳法拉亦接拍HBO嘅迷你劇《Irma Vep》,翻拍自張曼玉經典作品《女飛賊再現江湖/迷離劫》,法拉或將登上法國康城影展﹗

陳法拉喺美國進修戲劇後喺荷李活發展,更參演Marvel電影《尚氣與十環幫傳奇》Photo from 陳法拉 IG

陳法拉離巢後飛美國進修

陳法拉自2013年離巢後就飛往美國進修,佢喺著名學府茱莉亞學院攻讀4年制戲劇碩士課程(Master of Fine Arts in Acting),成為該系首位華人畢業生,之後仲進軍荷李活!

陳法拉自2013年離巢後就飛往美國進修,佢喺著名學府茱莉亞學院攻讀4年制戲劇碩士課程Photo from 陳法拉 IG

法拉畢業後參演HBO嘅迷你劇《The Undoing》,同英國男星曉格蘭特(Hugh Grant)、影后妮歌潔曼(Nicole Kidman)合作,劇中佢大晒流利英文對白。

法拉之後參演HBO嘅迷你劇《The Undoing》,同英國男星曉格蘭特(Hugh Grant)、影后妮歌潔曼(Nicole Kidman)合作Photo from 《The Undoing》

進軍荷李活拍《尚氣與十環幫傳奇》,再接HBO新劇

除咗迷你劇,陳法拉仲出演Marvel電影《尚氣與十環幫傳奇》,飾演主角母親「Jiang Li」,與影帝梁朝偉有大量對手戲,電影上映後帶挈佢人氣急升~

陳法拉出演Marvel電影《尚氣與十環幫傳奇》,飾演主角母親「Jiang Li」,與影帝梁朝偉有大量對手戲Photo from 陳法拉 IG

法拉喺荷李活發展得唔錯,更再度接拍HBO嘅新劇。該劇改編自影后張曼玉主演嘅經典法國片《女飛賊再現江湖/迷離劫》(Irma Vep),仲係由同一位導演Olivier Assayas執導。Olivier Assayas係張曼玉前夫,兩人曾合作拍《女飛賊再現江湖/迷離劫》(Irma Vep)、《錯過又如何》(Clean),其中《錯過又如何》仲令張曼玉一舉成為康城影后。

法拉喺荷李活發展得唔錯,更再度接拍HBO嘅新劇。該劇改編自張曼玉主演嘅法國片Photo from 陳法拉 IG

影后張曼玉主演嘅經典法國片《女飛賊再現江湖/迷離劫》(Irma Vep)Photo from 《Irma Vep》

張曼玉戲中造型十分經典Photo from 《Irma Vep》

新劇翻拍影后張曼玉經典作品,有望登法國康城影展

今次翻拍《女飛賊再現江湖/迷離劫》(Irma Vep),女主角將由Adria Arjona擔任,據悉法拉會出演反派角色,而呢套迷你劇將會於法國康城影展播映,法拉有望登上康城影展紅地氈。

今次翻拍《女飛賊再現江湖/迷離劫》(Irma Vep),據悉法拉會出演反派角色Photo from 陳法拉 IG

呢套迷你劇將會於法國康城影展播映,法拉有望登上康城影展紅地氈。Photo from 陳法拉 IG

陳法拉近照晒纖腰長腿

事業如意嘅法拉家庭亦十分美滿,佢同法籍老公育有一女「小米妮」,法拉近日喺IG公開近照,大晒纖腰長腿,現年40歲嘅佢狀態大勇,小腹平坦完全唔似做咗人媽媽,身型fit爆!

事業如意嘅法拉家庭亦十分美滿,佢同法籍老公育有一女「小米妮」Photo from 陳法拉 IG

法拉近日喺IG公開近照,大晒纖腰長腿Photo from 陳法拉 IG

現年40歲嘅陳法拉狀態大勇,小腹平坦完全唔似做咗人媽媽,身型fit爆!Photo from 陳法拉 IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳法拉零片酬出演短片電影《雁南飛》!勇奪7個國際大獎

28 Aug 2020

陳法拉零片酬接拍獨立學生短片電影《雁南飛》(Heading South),更自資出機票飛內蒙古拍攝!短片勇奪7個國際獎項,包括康城電影節青年導演獎、最佳學生美國電影、法國獲勝者等。

陳法拉當年離巢後,去美國Juilliard School攻讀戲劇碩士,亦演出過幾部作品,其中包括HBO電視劇。

陳法拉離巢後,去美國Juilliard School攻讀戲劇碩士Photo from 陳法拉IG

佢接拍獨立短片電影《雁南飛》(Heading South),得知劇組經費有限,主動提出唔收片酬,更自費買機票飛去內蒙古拍攝。

陳法拉接拍獨立短片電影《雁南飛》(Heading South),得知劇組經費有限,主動提出唔收片酬Photo from 《雁南飛》

短片成功入圍13個影展,更一舉奪得7個國際獎項,包括康城電影節青年導演獎、最佳學生美國電影、法國獲勝者等。

《雁南飛》成功入圍13個影展,更一舉奪得7個國際獎項Photo from 《雁南飛》

導演元圓亦感謝法拉,指劇組資金有限,吃住條件唔係幾好,法拉一個行李箱就飛過去,而且好體諒製作條件唔好。

導演元圓感謝法拉,指劇組資金有限,吃住條件唔係幾好,法拉一個行李箱就飛過去,而且好體諒製作條件唔好。Photo from 《雁南飛》

元圓大讚法拉毫無架子,拍攝期間從無一句怨言,同台所有演員、工作人員都相處得好好。

元圓大讚法拉毫無架子,拍攝期間從無一句怨言,同台所有演員、工作人員都相處得好好。Photo from 《雁南飛》

導演大學時睇過《衝上雲霄2》,對法拉留下深刻印象,表示當初搵演員時,法拉睇到一位紐約製片人轉發嘅訊息,於是兩人見面,互相交流好多對表演、導演訓練嘅經驗。

導演大學時睇過《衝上雲霄2》,對法拉留下深刻印象

元圓話感受到法拉對表演嘅熱愛,又指對方願意對唔一樣嘅角色進行嘗試。法拉亦稱讚整個團隊都係熱愛電影、中意演戲。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel