網紅拍片列出30項Staycation必備日用品，推行「沉浸式住酒店」！超大陣仗嚇親網民：留返喺屋企仲好！

相信大家呢2年都試過去Staycation，好好渡過短暫嘅假期～最近，一位內地網紅「阿莫」就分享「沈浸式住酒店」，教導大家如何過得有儀式感，仲列出咗去Staycation時要帶備嘅30項物品！影片好快就引起熱議，唔少網民都認為佢嘅行為太誇張！

Photo from 阿莫FB

網紅教導大家入住酒店注意事項！

酒店房間內分分鐘隱藏危機，然而唔少人都可能會忽視咗呢個問題。日前，內地網紅「阿莫」就同大家講述入住酒店房間後嘅注意事項，並且強調要確保房間夠乾淨及安全先能夠好好享受假期！

Photo from 阿莫FB

Photo from 阿莫FB

浴室鏡子必須檢查清楚！

一進入酒店房間後，就一定要先將門以及安全鎖鎖上，並且將防盜眼遮蔽。之後就要視察一下浴室嘅私隱安全，檢查一下鏡子：將手指指住塊鏡（若果能夠見到手指同鏡子間有縫隙，就代表該鏡子係單面鏡子），確保自身安全。

Photo from 阿莫FB

Photo from 阿莫FB

列出約30項必帶日用品

此外，「阿莫」分享 「沈浸式住酒店」嘅方法，令大家就算留喺酒店都可以過得有儀式感！佢先由周邊環境開始著手，未知係咪受到疫情影響，佢非常重視房間衛生，已經自備咗拖鞋、除蟎噴霧、藍光消毒槍、床鋪、折疊式蒸汽燙斗、即棄浴巾、牙刷牙膏、馬桶坐墊、浴室香薰器、衣物香薰片等，單單係將以上物品攞出嚟，都已經夠晒忙！

Photo from 阿莫FB

Photo from 阿莫FB

Photo from 阿莫FB

而「阿莫」仲會帶埋便携式加濕器、加熱水壺、「擦擦筆」、水杯、旅行收納盒、卸妝濕紙巾等，以上都算係基本日常用品，亦尚算合理。

Photo from 阿莫FB

Photo from 阿莫FB

Photo from 阿莫FB

竟然帶埋洗衣機去酒店？！

隨後，佢突然攞可折疊洗衣機洗衫，仲表示自己一定要用「留香珠」及「洗衣凝珠」先得；而洗衣機亦具備將衣物甩乾嘅功能，所以佢之後會用迷你嘅收納盒擺內衣同襪，似乎對收納東西都有一定嘅要求！

Photo from 阿莫FB

Photo from 阿莫FB

Photo from 阿莫FB

對浸浴都有好高要求

整理好隨行物品後，「阿莫」終於開始享受佢嘅me time～喺浸浴前，佢就先鋪上自備嘅「一次性浸浴袋」以確保衛生，並使用購買嘅沐浴球。浸浴期間，佢仲一邊飲紅酒，點上香薰蠟燭，並且用搓澡木棒刷身，非常寫意～

Photo from 阿莫FB

Photo from 阿莫FB

Photo from 阿莫FB

睡前保養絕不能少！

而「阿莫」對皮膚保養都好有要求㗎！梳洗後，使用自備嘅吹風機，保護髮質；仲會各式各樣嘅美容儀器蒸面、敷面等，瞓覺前仲要戴上頸部按摩器同蒸氣眼膜，「一日渡假」就大功告成喇！

Photo from 阿莫FB

Photo from 阿莫FB

Photo from 阿莫FB

網民認為物品太多超麻煩！

不過，大部分網民都覺得佢太離地，Staycation要帶咁多物品好麻煩「那留在家中更好」、「所有東西都是自己帶，不如多帶一個帳篷，在路邊住一宿。」等。有網民就反而覺得咁樣出去住更加累，同清潔姐姐冇乜分別；而且洗衫其實可以留待第二日返屋企先做，認為佢帶埋洗衣機係多此一舉！

Photo from 阿莫FB

相關文章：港女Staycation上癮個個星期都去 男友崩潰向網友求助！

相關文章：港男愛Staycation晒13張酒店房卡惹公憤！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港女生日想去Staycation慘遭男友拒絕！網友：因為佢要交人唔可以同你過夜

13 Jul , 2021

近年興起「Staycation熱潮」，唔少港人生日時會約另一半或家人好友去酒店過返一兩日慶祝。有網友喺討論區指想約男友去Staycation但就被對方拒絕，令佢相當郁悶，直言：「個心銀住銀住」。

Photo from TVB

喺疫情之下香港人已有近兩年未能去外地旅行，唯有去下酒店staycation過下癮。香港討論區有網友開post「男友唔肯去staycation.... 好怪」，指男友唔想陪佢去staycation。

Photo from ViuTV

樓主指同男友拍咗拖一段時間，感情穩定，最近就嚟生日，打算同男友去酒店staycation慶祝下，不過對方就唔願意：「佢竟然話嘥錢」，樓主男友直接話：「唔好, 你想去酒店食自助餐算啦, 唔過夜啦」

Photo from TVB

Photo from TVB

樓主表示「見佢面色一沉, 咁認真... 我都唔敢再問...」，但眼見身邊好友成日同男朋友去staycation咁開心，佢男友就一次staycation都唔肯去，樓主直言：「真係好奇怪」

Photo from ViuTV

Photo from ViuTV

樓主嘗試分析男友唔肯去staycation嘅原因：「講話怕covid19, 佢咪又係同friend出去飲酒」，如果怕貴, 男友同朋友睇波飲酒玩一晚都貴過一晚staycation：「到底仲有咩原因.... 係唔想同我去staycation」

Photo from 男人唔可以窮

樓主覺得同中意嘅人一齊去staycation係好幸福嘅事，而且佢同男友一齊咁耐，去staycation都係想創造更多開心回憶。

Photo from TVB

Photo from TVB

對於男友嘅抗拒，樓主失落指：「呢個算唔算係過唔到我地之間既考驗...我個心銀住銀住」

Photo from TVB

有網友就指男友可能另有對象：「因為佢要交人唔可以同你過夜」，有唔少人都同意有呢個可能性，但樓主指之前試過被人呃，所以佢好小心，亦肯定男友唔會係要交人。

Photo from 香港討論區

另一啲網民就認為staycation本來就好無聊：「鍾意staycation先怪。大家都有屋企，無喇喇去住酒店房做咩？」、「（staycation）根本係多餘」，樓主回應指staycation房價基本係免費, 食自助餐/dining credit都已經回本。

Photo from 香港討論區

Photo from 香港討論區

Photo from 香港討論區

有網友就話唔睇好佢哋呢段戀情，樓主都認同：「其實我都feel到, 係我自己變得冷淡 無期望。唔知係咪太熟定點, 好似真係淡左」

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）