download HolidaySmart 假期日常 app
30歲男上司4大招式主動追求!港女婉拒好意不果:唔想冇咗份工!

30歲男上司4大招式主動追求!港女婉拒好意不果:唔想冇咗份工!

生活熱話
By Stephanie on 22 Apr 2022
Digital Content Writer

茫茫人海中能夠遇到情投意合嘅人十分難得,但如果被一位唔合適嘅對象落力追求就可能會變成煩惱。最近,一位港女討論區大呻被大約30歲出頭嘅男上司力追,而且仲多次公然喺同事面前對佢暗示有好感,令佢非常尷尬!然而,港女卻對上司冇興趣,詢問網民解決嘅方法。

男上司超主動追求,4大招數嚇親港女!Photo from 《前輩那支口紅不要塗》劇照

港女被男上司公然力追,感到尷尬!

唔知道大家有冇試過俾其他人追求嘅經驗呢?日前,有位單身港女於討論區表示剛剛入職大約一個月,但就感覺到男上司似乎對佢有好感,仲好似超有自信能夠成功「追女」。而佢感受到男方嘅「好意」後,已經試過暗示對上司冇興趣,不過對方就似乎並冇接收到,仲三番四次主動向佢示好,令佢感到擔心!

港女被男上司公然力追,令佢非常煩惱!Photo from 香港討論區

男上司多次主動示好,但港女就表示對佢並冇興趣!Photo from 日劇《大叔的愛》

1. 用私人電話致電港女

港女表示曾經收到一個不明來歷嘅電話號碼,但佢一向都唔會接聽呢類型電話,所以當時無視來電。然而,男上司後來同佢講「做咩唔聽我電話」,令佢立刻嚇咗一跳,因為同事之間一向都用公司電話聯絡!

港女表示男上司曾用私人電話號碼打俾佢,被迫知道咗對方電話!Photo from 香港討論區

後來男上司仲詢問佢「點解唔聽我電話」Photo from 《原本以為只是手機掉了》劇照

2. 成日經過港女工作位置

男上司會經常於港女工作嘅座位附近出現,而且會主動同撩佢傾計;而港女亦只能同佢交談,但就擔心會令對方會錯意!其中一位同男方相熟嘅同事仲專登詢問事主有冇男朋友,令佢更加不知所措。

男上司經常都出現於港女工作範圍附近!Photo from 香港討論區

經常喺辦公時間喺港女身邊現身Photo from 《前輩那支口紅不要塗 》劇照

3. 公然於同事面前撩港女?!

隨住時日變遷,男上司嘅行為亦似乎變得越來越高調,曾經喺一班同事面前突然向港女大聲講「我要請你食飯」,而港女亦驚同事誤會二人真係有曖昧!

男上司表現得太主動,就連身邊嘅同事都察覺到?!Photo from 香港討論區

男上司太明顯嘅表現,反而搞到港女仲尷尬!Photo from 《社內相親》劇照

4. 扮霸氣總裁?!

港女話男方經常都會主動關心佢,害怕佢會因為工作量多而未能適應,每次事主都會以「冇事啊!」、「唔會有事」等回應;但對方就好霸氣咁話「你都唔聽我講」等,並且好似有少少嬲咁,令港女有少少卻步!

上司仲會特別關照佢,超霸氣咁叫佢唔好攞重嘢!Photo from 香港討論區

男上司似乎想展現自己man爆嘅一面吸引港女?!Photo from 《大力女子都奉順》劇照

詢問網民應對方法!

港女坦承唔希望因為呢件事而導致失去工作,加上現時嘅工作都算係幾順利。另一方面,佢擔心將來要面臨到當面拒絕上司嘅地步,導致二人間嘅關係好尷尬,希望集思廣益詢問網民建議~

港女剛剛入職,認為嘅工作環境開心,唔希望因此導致要轉工。Photo from 《未生》劇照

網民建議扮有男友最有效?!

大部分嘅網民都認為港女要盡可能地對男方冷淡啲,減少同佢有公事以外嘅接觸;而部份網民都覺得最有效嘅方法一定係假扮有男友,「如果佢(上司)再問就話有男友」、「搵個異性朋友接你收工」等!

大部分網民都叫港女假扮已經有男友,並且盡量對上司冷淡啲!Photo from 香港討論區

網民認為直接搵異性朋友喺男上司面前扮男友Photo from 《大力女子都奉順》劇照

經驗者分享自身經驗!

有位遭遇相似經歷嘅網民就勸喻港女盡快尋找新工作,表示呢類型嘅個案最終都會連累工作!部份上司可能會因為追求唔到下屬而惱羞成怒,令工作變得困難重重。

有過來人分享經驗,勸喻港女盡快搵新工?!Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

00後女新人入職,中年上司為扮young學講潮語:係咪好MM7呀?!

19 Apr , 2022

「代溝」喺社會上絕對唔罕見,近日討論區有網民指公司有00後女同事入職,佢嘅直屬上司係一個40幾50歲嘅叔叔,而呢位中年上司為咗同下屬拉近距離,不惜大講「潮語」,情況十分尷尬!

公司有00後女同事入職,佢嘅直屬上司係一個40幾50歲嘅叔叔Photo from 《柔美的細胞小將》

00後女同事入職

曾經係「年輕一代」象徵嘅90後開始步入30歲,而00後都就嚟大學畢業。工作上遇到00後嘅可能性增加,「代溝」亦漸漸出現。

曾經係「年輕一代」象徵嘅90後開始步入30歲,而00後都就嚟大學畢業Photo from 《大叔的愛》

有網民於香港討論區發文,佢指公司今個月嚟咗一個00後嘅女新人,新同事嘅直屬上司係一位40幾、50歲嘅大叔,平時為人都幾nice,同其他下屬都好friend。

新同事嘅直屬上司係一位40幾、50歲嘅大叔,平時為人都幾nice,同其他下屬都好friend。Photo from 《大叔的愛》

中年上司欲與下屬打成一片

樓主估計中年上司為咗同00後女下屬打成一片,盡量以年輕人嘅口吻同對方交流,樓主:「特登打造到自己仲好後生,好明白依家後生諗咩嘢」,不過似乎適得其反。

樓主估計中年上司為咗同00後女下屬打成一片,盡量以年輕人嘅口吻同對方交流Photo from 《大叔的愛》

狂講「潮語」勁尷尬

樓主指自從00後女同事加入,成日聽到中年上司講埋晒啲「潮語」:「get唔get呀?」、「我覺得咁樣太大癲啦!」令樓主覺得十分尷尬。

樓主指自從00後女同事加入,成日聽到中年上司講埋晒啲「潮語」Photo from 《我要準時下班》

中年上司更試過講:「係咪好MM7呀!我覺得係MM8添呀!比MM7更MM7!」本身「MM7」係「正」嘅速成碼,多數都會係留言時用,甚少見人會講「MM7」,而中年上司更自創「MM8」,令樓主十分無言。

中年上司更試過講:「係咪好MM7呀!我覺得係MM8添呀!比MM7更MM7!」Photo from 《大叔的愛》

掀網民熱議

樓主認為其實大家都係返工,正正常常咁講嘢咪算,指00後唔會聽唔明,直言中年上司:「為咗要take care妹豬同事,可以去到幾盡?」

樓主認為其實大家都係返工,正正常常咁講嘢咪算,指00後唔會聽唔明Photo from 《無法成為野獸的我們》

唔少網友都表示呢種情況真係好尷尬,又指00後女同事聽到40幾歲嘅上司咁同佢講嘢都會唔知點應好;亦有網民認為上司同下屬有年齡差好正常,大讚中年上司有心同下屬打成一片,係一種關懷嘅行為。

唔少網友都表示呢種情況真係好尷尬Photo from 香港討論區

網友指00後女同事聽到40幾歲嘅上司咁同佢講嘢都會唔知點應好Photo from 《金秘書為何那樣》

有網民認為上司同下屬有年齡差好正常Photo from 香港討論區

網民大讚中年上司有心同下屬打成一片,係一種關懷嘅行為。Photo from 《大叔的愛》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel