蔡嘉欣與陳詩欣自封「拜金組合」!大晒Hermès Birkin 25手袋收藏,炒價高達逾20萬!

蔡嘉欣與陳詩欣自封「拜金組合」!大晒Hermès Birkin 25手袋收藏,炒價高達逾20萬!

娛樂新聞
By Stephanie on 22 Apr 2022
Digital Content Writer

藝人兼YouTuber蔡嘉欣(Kayan)一向都鍾意購買名牌手袋,經常都會拍片大晒珍藏嘅手袋,曾被唔少網民批評「炫富」!日前,佢同《姐妹淘》嘅好姐妹陳詩欣(Eunice)拍片分享第一個入手嘅Hermès Birkin 25手袋,二人仲自稱係「拜金組合」。

蔡嘉欣過往因為經常大晒名牌手袋等,導致經常被網民批評炫富!Photo from kayan c @ YouTube

蔡嘉欣曾被網民狠批「炫富」

現年27歲嘅蔡嘉欣於2019年參加選美比賽入行,但其實佢參賽前就已經係一位KOL,仲有經營自己嘅YouTube頻道,已經擁有一班followers!身兼多職嘅佢生活似乎變得越來越富貴,曾豪晒$40萬現金、大晒名牌手袋收納櫃等,而惹怒網民。

佢曾經喺IG story大晒40萬現金!Photo from 蔡嘉欣IG

蔡嘉欣過往都拍攝過配貨嘅影片~Photo from kayan c @ YouTube

自稱「拜金KOL」

飽受負評嘅蔡嘉欣宜家已經放棄反擊網民,日前佢邀請埋好姐妹陳詩欣一齊拍片分享購買Hermès Birkin 25系列嘅經過,仲講笑咁話「我哋已經變成拜金嘅No.1指標喇」!

蔡嘉欣邀請好姐妹陳詩欣分享Hermès Birkin 25手袋收藏!Photo from kayan c @ YouTube

仲自嘲係拜金嘅指標Photo from kayan c @ YouTube

分享Hermès Birkin 25手袋收藏!

蔡嘉欣於2019年購買人生中第一個錫器灰色嘅Hermès Birkin 25手袋,坦承係花咗好多心機先成功入手。當時嘅佢仲拒絕咗SA提供嘅超搶手金棕色銀扣款,「可能因為我嗰時年紀尚輕,我先得25歲,覺得有啲稍為老氣。」而佢就花費7萬5千元買入,令在旁嘅Eunice驚呼「咁平」!

蔡嘉欣率先分享自己嘅第一個Hermès Birkin 25!Photo from kayan c @ YouTube

當時佢嘅SA先俾另一隻色佢睇,但佢拒絕咗,令陳詩欣超嫉妒「好串啊」Photo from kayan c @ YouTube

而Kayan當時就以7萬5千蚊購入!Photo from kayan c @ YouTube

好姐妹陳詩欣購入時貴1萬?!

Eunice分享自己嘅 Birkin 25手袋係今年2月購買嘅,由於係新款加上受加價影響,佢係以8萬5千元購入!而佢表示為咗大象灰色嘅Birkin 25,足足等咗5個月咁耐,令佢內心非常焦急。而佢哋二人都覺得呢款手袋超好用,希望再購入其他顏色~

陳詩欣嘅Birkin 25係今年2月時購買!Photo from kayan c @ YouTube

不過當時手袋已經加價,最終以約8萬5千蚊入手!Photo from kayan c @ YouTube

手袋現時已經炒到逾20萬!

影片後段,二人都表示購買名牌手袋其實係一種另類嘅投資,有指Birkin 25手袋已經被炒到至少$20萬起,價值足足升咗2倍咁多!佢哋都極力推薦有興趣購買呢款手袋嘅女士盡快入手,大讚手袋實用又保值。

二人嘅手袋現時已經炒到價值20萬至30萬!Photo from kayan c @ YouTube

解釋購買名牌袋其實都係投資嘅其中一個方法Photo from kayan c @ YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

落選港姐蔡嘉欣炫富惹眾怒!豪晒$40萬現金+兩大櫃名牌手袋 主持《姊妹淘》搶鏡搶對白?

18 Mar , 2021

廣告
廣告

落選港姐蔡嘉欣主持《姊妹淘》與其他成員傳出不和,有指佢愛炫富惹眾怒,佢曾公開大晒$40萬現金、兩大櫃名牌手袋,有傳佢中意「晒命」,引起不滿。

落選港姐蔡嘉欣Photo from 蔡嘉欣IG

蔡嘉欣本身係KOL,佢參選香港小姐入圍最後五強後簽約TVB,但至今未有任何代表作,只有做《姊妹淘》呢個節目。

蔡嘉欣係《姊妹淘》主持Photo from 蔡嘉欣IG

不過佢副業搞得有聲有色,代理美容產品嘅佢日前喺IG Story豪晒$40萬現金!

蔡嘉欣IGPhoto from 蔡嘉欣IG

蔡嘉欣日前喺IG Story豪晒$40萬現金!Photo from 蔡嘉欣IG

蔡嘉欣表示要去做海外匯款,帶住一筆巨款每次都心驚膽顫,不過就惹嚟批評指佢炫富,佢回應指本身想話畀外界知佢入咗貨,以達宣傳效果,表示會反省自己。

佢早前買咗新車,即刻急不及待喺IG公開:「介紹返我老公,我希望遇上任何自己喜歡的東西時,我可以不需要依靠任何人、不需要求別人,也不用看別人的眼色。只要是自己喜歡並且在自己能力範圍內,就足夠匹配擁有,這是我一直努力工作的目標。這車...完全不後悔!!」

蔡嘉欣早前買咗新車,即刻急不及待喺IG公開Photo from 蔡嘉欣IG

睇返蔡嘉欣「老公」係TESLA MODEL 3,最平要$30萬,佢車牌更加係自己個名!佢喺YouTube表示今次決心買dream car係因為佢發覺個價係自己能力範圍內,賣咗原本架Benz再月供其實只係比每月油費貴$2,000。

睇返蔡嘉欣「老公」係TESLA MODEL 3,最平要$30萬Photo from 蔡嘉欣YouTube

其實佢唔係第一次被指炫富。佢曾經喺樓盤節目時大呻樓價太貴,無錢畀首期、買唔起樓,寧願儲多幾年錢,但佢公開家中有兩大個櫃擺滿名牌手袋,網民指呢啲袋價值已夠佢畀首期,質疑佢「有錢買袋,扮窮畀唔起首期。」,批佢「其實想晒命」。

蔡嘉欣曾經喺樓盤節目時大呻無錢畀首期Photo from 蔡嘉欣YouTube

蔡嘉欣公開家中有兩大個櫃擺滿名牌手袋Photo from 蔡嘉欣YouTube

蔡嘉欣YouTubePhoto from 蔡嘉欣YouTube

蔡嘉欣YouTubePhoto from 蔡嘉欣YouTube

大櫃放滿名牌手袋Photo from 蔡嘉欣YouTube

而蔡嘉欣愛晒命似乎亦令同事都有不滿!佢與同為《姊妹淘》主持嘅莊思敏、傅嘉莉、陳詩欣、曾淑雅傳出不和,有指蔡嘉欣愛炫耀有米男友好錫佢,成日晒名牌手袋,又中意愛搶鏡、搶對白搏上位,惹起節目其他成員嘅反感!

蔡嘉欣I與同為《姊妹淘》主持嘅莊思敏、傅嘉莉、陳詩欣、曾淑雅傳出不和Photo from 蔡嘉欣IG

有指蔡嘉欣愛炫耀有米男友好錫佢,成日晒名牌手袋Photo from 蔡嘉欣IG

蔡嘉欣平時喺IG post嘅日常照都有唔同品牌嘅名牌手袋,包括Dior、LV、Chanel等。

蔡嘉欣平時喺IG post嘅日常照都有唔同品牌嘅名牌手袋Photo from 蔡嘉欣IG

蔡嘉欣IGPhoto from 蔡嘉欣IG

蔡嘉欣IGPhoto from 蔡嘉欣IG

蔡嘉欣IGPhoto from 蔡嘉欣IG

蔡嘉欣IGPhoto from 蔡嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel