download HolidaySmart 假期日常 app
內地女公開擇偶條件:貌似楊洋、身高1.8米、月薪5萬!網民:難怪單身

內地女公開擇偶條件:貌似楊洋、身高1.8米、月薪5萬!網民:難怪單身

時事熱話
By Jennifer on 13 Jan 2023
Digital Editor

依家好多年輕人奉行「單身主義」,不過有啲人單身可能只係搵唔到適合嘅對象。早前內地一段直播街訪於網上瘋傳,原因係片中女生公開其擇偶條件:身高需180cm、月薪達5萬元人民幣等,女生苛刻嘅要求同直白嘅言論掀起網民熱議!

依家好多年輕人奉行「單身主義」,不過有啲人單身可能只係搵唔到適合嘅對象。Photo from 《今天的戀愛》劇照

湖南女生直播公開擇偶要求

呢個瘋傳影片係嚟自一段於街頭邀請素人直播食辣嘢,食得越多就可以得到現金獎勵,期間更會訪問挑戰人士,有一位嚟自湖南嘅女生參與挑戰,並於直播中公開佢個人嘅擇偶要求。

早前內地一段直播街訪瘋傳,原因係片中女生公開其擇偶條件Photo from 《單身男女》劇照

自稱單身4年因無遇到靚仔

女士自信表示自己好食得辣,被問到有無男朋友,佢指自己單身好耐,有三、四年,但直播主持卻指唔算耐有人單身18年,食辣女生隨即指可能同個樣有關。佢自稱單身嘅原因係無遇到好看嘅男生,主持追問佢嘅擇偶標準。

女士自信表示自己好食得辣Photo from 抖音

被問到有無男朋友,佢指自己單身好耐,有三、四年,但直播主持卻指唔算耐有人單身18年,食辣女生隨即指可能同個樣有關。Photo from 抖音

食辣女生指起碼要有1.8米高、顏值亦唔可以太低,主持即問佢點為止「顏值不低」,女生即舉例:「易烊千璽知道嗎?楊洋知道嗎?鹿晗知道嗎?」主持秒懂佢嘅標準。

食辣女生指起碼要有1.8米高、顏值亦唔可以太低Photo from 抖音

主持即問佢點為止「顏值不低」,女生即舉例:「易烊千璽知道嗎?」Photo from 易烊千璽楊洋微博

內地男演員楊洋都係「顏值高」Photo from 楊洋微博

呢位女生仲提到鹿晗Photo from 鹿晗微博

理想男友月薪5萬、結婚需支付30萬彩禮

之後佢又提到理想對象應該要月入5萬人民幣,主持就表示呢個條件好多人都達唔到,女生稱佢覺得男生一個月賺唔到5萬應該係有缺憾。

食辣女生提到理想對象應該要月入5萬人民幣Photo from 抖音

女生稱佢覺得男生一個月賺唔到5萬應該係有缺憾。Photo from 抖音

主持又問佢如果結婚會收男家幾多彩禮,食辣女生狀似隨意:「彩禮30萬不過分吧!」仲話自己可以貼價值10萬嘅車,認為回10萬元嘅車已經「很了不起了」,男方要娶佢畀20萬出嚟好合理:「我怎麼知道他愛不愛我呢?他這點錢都不願意給我。」

主持又問佢如果結婚會收男家幾多彩禮,食辣女生狀似隨意:「彩禮30萬不過分吧!」Photo from 《逃恥》劇照

女生認為回10萬元嘅車已經「很了不起了」,男方要娶佢畀20萬出嚟好合理Photo from 《男人不可以窮》劇照

網民:單身有原因

直播後來被剪成短片於網上廣傳,唔少網民睇完後表示:「單身是有原因的」、「她這種條件還輪不上提那麼多要求」,又稱賺到5萬一個月嘅男士都唔會揀佢。

唔少網民睇完後表示:「單身是有原因的」Photo from 抖音

有關片段後來被剪成短片於網上廣傳Photo from 抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「壞男人外型特徵」掀網民熱議!眼睛特別浮腫/額頭高/鼻子較長!有研究支持?!

28 Oct 2021

女生談戀愛有時都會不幸遇到壞男人,但壞男人都「有樣睇」?!近日有網友喺討論區開post討論壞男人嘅面部特徵,引起熱議。大多數人都指「睇眼」最易睇出係唔係壞男人!

女生談戀愛有時都會不幸遇到壞男人,但壞男人都「有樣睇」?!Photo from TVB

1. 壞男人眼睛特別浮腫

樓主「拋磚引玉」指有朋友經常遇到壞男人,發現其中一個共通點就係對眼非常浮腫,似捱夜捱咗好多日咁!有網民認為可能係代表佢係「時間管理大師」,除咗女朋友之外仲晚晚同其他女生傾計!

網友指有朋友經常遇到壞男人,發現其中一個共通點就係對眼非常浮腫,似捱夜捱咗好多日咁

2. 擁有超重黑眼圈

黑眼圈同眼睛浮腫都差唔多,令人懷疑係咪花大量時間喺應付唔同女性嗰方面,有人就認為黑眼圈、眼袋等可能都表示沉迷女色。

有人就認為黑眼圈、眼袋等可能都表示沉迷女色。Photo from TVB

3. 大鼻代表需求大?

唔少人提出「鼻大」等於需求大,所以即使主動出擊追求女性,其本意都未必係真心同女士交往。

唔少人提出「鼻大」等於需求大Photo from TVB

4. 壞男人多數係靚仔?

有網民指出靚仔「多女埋身」,容易移情別戀。但唔少人反駁同個樣無關,就算唔靚仔都同樣會偷食!

唔少人反駁同個樣無關,就算唔靚仔都同樣會偷食!Photo from TVB

雖然唔少網友分享咗佢哋見過嘅壞男人特徵,但都有好多網民表示壞男人根本「無樣睇」,普通男生樣都可能係衰人,先會令女生受傷之後後悔遇上「錯的人」。

雖然唔少網友分享咗佢哋見過嘅壞男人特徵,但都有好多網民表示壞男人根本「無樣睇」Photo from TVB

澳洲研究總結出外遇男4大長相特徵

但有研究就發現壞男人面部可以總結出一啲五官特徵!澳洲Macquarie University喺《進化與人類行為(Evolution and Human Behaviour)》期刊中發表咗其研究成果(按此)。

有研究就發現壞男人面部可以總結出一啲五官特徵Photo from TVB

呢項研究探討喺有咗伴侶後,仲會同其他異性發生關係嘅人,喺長相中有無一啲特徵。結果發現中意發生「一夜感情」嘅男士多數有4個特徵臉型較長、額頭高、鼻子較長、眼睛大。

研究發現中意發生「一夜感情」嘅男士多數有4個特徵臉型較長、額頭高、鼻子較長、眼睛大。Photo from TVB

愛偷食嘅女性同樣有4大特徵?

除咗男性之外,女性嘅特徵都有4個,就係體型較嬌小、面型較瘦、眼睛細同嘴唇偏薄,而研究團隊就指男性嘅準確度明顯高過女性。

研究團隊就指男性嘅準確度明顯高過女性。Photo from TVB

但當然唔可以一概而論,所謂「知人口面不知心」,有以上特徵嘅人唔一定係壞男人,相反無呢啲特徵嘅亦唔代表就唔係衰人。

所謂「知人口面不知心」,有以上特徵嘅人唔一定係壞男人,相反無呢啲特徵嘅亦唔代表就唔係衰人。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel