download HolidaySmart 假期日常 app
王敏奕與曾國祥傳離婚,女方拍片極速回應!5大疑點惹婚變疑雲

王敏奕與曾國祥傳離婚,女方拍片極速回應!5大疑點惹婚變疑雲

娛樂新聞
By Jennifer on 23 Apr 2022
Digital Editor

王敏奕同曾志偉兒子曾國祥結婚3年,以往經常喺IG放閃,但卻驚傳王敏奕社交網站將兩人合照刪走,又洗去婚戒紋身,疑似已離婚!消息傳出後王敏奕即時拍片力證同老公感情不變。

王敏奕同曾志偉兒子曾國祥結婚3年Photo from 王敏奕 IG

曾志偉兒子曾國祥同王敏奕於2019年結婚

曾志偉兒子曾國祥同王敏奕年齡雖然相差12年,但拍拖6年感情穩定,2019年兩人喺IG post出婚紗相,仲喺手指紋上戒指紋身,超sweet!

曾志偉兒子曾國祥同王敏奕年齡雖然相差12年,但拍拖6年感情穩定,2019年兩人喺IG post出婚紗相Photo from 娛樂新聞台

而王敏奕婚後亦加入老爺曾志偉任高層嘅公司簽約成旗下藝人。佢之前現身曾志偉主辦嘅「四大唱片公司破冰記者會」,大合照更企正中間,連「一姐」菊梓喬都要企側邊。

王敏奕婚後亦加入老爺曾志偉任高層嘅公司簽約成旗下藝人Photo from 娛樂新聞台

王敏奕之前現身曾志偉主辦嘅「四大唱片公司破冰記者會」,大合照更企正中間Photo from 王敏奕 IG

5大疑點令網民懷疑婚變

結婚3年,王敏奕拍咗唔少電視劇,事業發展越嚟越好,但近日就驚傳佢同曾國祥離婚!5大疑點令網民懷疑佢哋已分開:

結婚3年,王敏奕拍咗唔少電視劇,事業發展越嚟越好Photo from 王敏奕 IG

1. 王敏奕刪去與曾國祥合照?

曾國祥、王敏奕相愛9年,兩人嘅社交網站都有唔少合照,恩愛非常。但有網友發現王敏奕IG兩人嘅合照完部唔見晒,包括婚照,雖然曾國祥未有del相,但仍傳出二人離婚。

曾國祥、王敏奕相愛9年,兩人嘅社交網站都有唔少合照,恩愛非常Photo from 曾國祥 IG

有網友發現王敏奕IG兩人嘅合照完部唔見晒Photo from 王敏奕 IG

2. 私人帳號疑改名

有指王敏奕嘅私人帳號原名為「@mrs_tsang」,高調宣佈自己曾太嘅身份,王敏奕嘅圈中女友糖妹都有follow呢個帳號,但已改名為「@manfamonly」,疑撇甩「曾太」之名。

有指王敏奕嘅私人帳號原名為「@mrs_tsang」,但已改名為「@manfamonly」,疑撇甩「曾太」之名。Photo from 王敏奕 IG

3. 洗走婚戒紋身

曾國祥、王敏奕結婚除咗喺北海道森森舉辦婚禮,更齊齊喺手指紋上「結婚戒指」做愛的紋身,但有傳王敏奕已洗走紋身,婚變傳聞越傳越烈。

曾國祥、王敏奕結婚除咗喺北海道森森舉辦婚禮,更齊齊喺手指紋上「結婚戒指」做愛的紋身,但有傳王敏奕已洗走紋身Photo from 王敏奕 IG

4. 30歲生日老公無影?

王敏奕30歲生日呢個大日子佢只公開咗單人照,並留言稱:「29歲的課堂,當中有很特別的意外收穫,也再次學習失去和珍惜的意義,感恩這一切,令我更認識自己。」唔見老公曾國祥,對方亦未有like老婆嘅生日post。

王敏奕30歲生日呢個大日子佢只公開咗單人照Photo from 王敏奕 IG

老婆生日唔見曾國祥,對方亦未有like老婆嘅生日post。Photo from 娛樂新聞台

5. 2020年後夫婦無再合照

以往兩人約會時總會影合照,十分甜蜜,但曾國祥夫婦已有一段時間無同框出現,翻睇兩人IG,最後一張合照分別係2020年5月以及11月,之後佢哋嘅IG就紀錄各自嘅生活。

以往兩人約會時總會影合照,十分甜蜜,但曾國祥夫婦已有一段時間無同框出現Photo from 曾國祥 IG

王敏奕拍片回應婚變傳聞

婚變傳聞似層層,王敏奕極速回應,佢喺IG Story公開自拍片段,片中佢zoom近鏡,手上婚戒紋身清晰可見,力證未有洗走,兩人婚姻關係不變,而王敏奕IG「消失」嘅合照亦重見天日,王敏奕回應傳媒時表示佢同老公曾國祥「無事」,否認離婚傳聞。

婚變傳聞似層層,王敏奕極速回應,佢喺IG Story公開自拍片段,片中佢zoom近鏡,手上婚戒紋身清晰可見Photo from 王敏奕 IG

王敏奕IG「消失」嘅合照亦重見天日,王敏奕回應傳媒時表示佢同老公曾國祥「無事」,否認離婚傳聞。Photo from 王敏奕 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

阮兆祥梅小惠30年「曖昧」感情! 多次傳出緋聞!曾向女友講:小惠做大你做細

10 Dec 2021

眾所周知,阮兆祥同梅小惠係多年嘅好友,關係一直都非常親密。兩人仲因此而傳出緋聞,阮兆祥仲曾經揚言「50歲仲未嫁人,我就會娶佢」,兩人嘅關係真係完全體現到「友達以上,戀人未滿」啊!

阮兆祥梅小惠認識咗30年,兩人感情超級好!Photo from 梅小惠IG

# 阮兆祥梅小惠認識30年!

阮兆祥同梅小惠相識咗約30幾年,佢哋互相陪伴大家走過人生種種難關,而最為人熟悉嘅就一定係佢哋合作拍攝嘅TVB電視劇《皆大歡喜》喇!

兩人於2001年曾經合作拍攝《皆大歡喜》!Photo from TVB

# 曾多次傳出緋聞

日前,梅小惠就於IG上載同阮兆祥嘅自拍照,並寫上「You are my sunshine,I am your sunshine too.」睇得出佢哋嘅感情真係非常深厚㗎!其實兩人過往經常都因為關係太好,而傳出緋聞,不過兩人一於懶理傳聞,仲反而好似好鍾意佢哋呢種「友達以上,戀人未滿」嘅感情~

梅小惠經常都會於IG上載同阮兆祥嘅合照。Photo from 梅小惠IG

# 互相陪伴對方走過難關!

據悉,阮兆祥曾經喺梅小惠失戀嘅時候,悉心陪伴對方走出情傷,當時阮兆祥甚至搬到梅小惠屋企附近,就係為咗花多啲時間陪佢!之後,兩人仲一齊投資做生意,仲喺2012年合資500萬購入太子道青雲閣嘅單位作投資用途,十分信任彼此。

阮兆祥陪伴梅小惠度過失戀嘅時光,仲搬到對方屋企附近居住!Photo from 梅小惠IG

兩人曾經一齊投資生意,仲一齊買樓!Photo from 梅小惠IG

# 曾承諾梅小惠「50歲未嫁就同佢結婚」

阮兆祥仲曾經揚言「50歲仲未嫁人,我就會娶梅小惠」,不過佢之後就解釋同對方一直都只有兄弟情「已經變成咗屋企人嘅存在,會邀請佢同屋企人食飯」,能夠擁有如此深厚嘅友誼真係十分難能可貴!

阮兆祥曾經承諾若果梅小惠50歲都未結婚,就會娶佢!Photo from 梅小惠IG

# 梅小惠堅信愛情依然存在!

直到而家,梅小惠依然係單身,不過經歷過多次情傷嘅佢都深信緣分「我相信上天會俾一個更加好嘅人我!」,仲話自己其實已經係一個家庭主婦,不過未搵到伴侶而已!

梅小惠現時依然係單身。Photo from 梅小惠IG

# 阮兆祥已有交往20年圈外女友!

而阮兆祥就同女友Crystal 感情穩定,至今已經交往將近20年嘅時間。不過佢就話「唔想為咗滿足其他人嘅期望而結婚」,已經同女友協議好唔會結婚同生小朋友。雖然阮兆祥同梅小惠嘅關係親密,不過女友Crystal亦表示唔介意,因此阮兆祥仲講笑咁同女友講「如果我實踐50歲娶小惠嘅承諾,記得係小惠做大,你做細!」

阮兆祥同女友Crystal已經交往將近20年嘅時間,感情穩定!Photo from 阮兆祥IG

阮兆祥仲講笑咁同女友講「小惠係做大,你做細!」Photo from 梅小惠IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel