download HolidaySmart 假期日常 app
鍾麗緹在家健身曝光豪宅內部 3層獨立屋時尚奢華 空間大到搵唔到囡囡?

鍾麗緹在家健身曝光豪宅內部 3層獨立屋時尚奢華 空間大到搵唔到囡囡?

生活熱話 娛樂新聞
By Cheryl on 25 Apr 2022
Digital Editor

內地疫情嚴重,上海封城令民眾都足不出戶,明星間更興起一股「劉畊宏健身風」,而鍾麗緹(Christy)一家都有響應,在家裡齊齊跳健身舞,間接曝光其豪宅環境,單係Gym Room已目測達500呎!

鐘麗緹一家最近在家抗疫,並一起在家中健身房裡大跳「劉畊宏健身風」。Photo from 鐘麗緹 微博

鍾麗緹一家健身曝光豪宅內部

51歲鍾麗緹與小12歲張倫碩結婚6年,一直恩愛。近日,不少留家抗疫嘅明星們都大跳劉畊宏帶起嘅健身舞,Christy都唔例外,佢同老公與兩名愛女在家拍攝多條熱舞片,連劉畊宏本尊都按讚,讓夫婦倆開心不已。片中可見,佢哋屋內裝修時尚奢華,大客廳以淡雅水泥灰為主調,空間闊落,擺有紫色長梳化及兩個圓形茶几,電視掛在牆面,下方放有一系列BE@RBRICK公仔,相信價值不菲。

老公好大隻Photo from 鐘麗緹 微博

其中一曾大廳Photo from 鐘麗緹 抖音

屋內設有500呎健身房

另一片段可見,Christy和兩位囡囡加老公在家中嘅健身房裡跳舞,佢哋身後有好多設備,面積亦非常大,估計超過500呎,相信不少健身迷都會好羨慕。Christy話過佢哋成家人都熱愛運動,所以特意在家中設立一間專屬健身房,等一家隨時都可以進行鍛煉、保持身形。

一家在豪宅內500呎健身房內大跳健身舞。Photo from 鐘麗緹 抖音

設備齊全Photo from 鐘麗緹 微博

三層獨立屋裝潢時尚奢華

Christy多年前在北京購入一間三層獨立屋,以往曾在節目裡公開當中環境。單係大門已充滿古典氣派,屋內環境則走中西合璧風格,大廳內有西式壁爐,天花掛着一盞巨型水晶燈,而廳嘅另一邊牆身就掛有一幅毛筆字,下方亦放置了中式陶瓷。而近樓梯嘅一個空間更空曠到可以畀小孩們打翻斗,屋外亦有大草地,一家在草地上野餐跳舞都得,真係邊度都有活動空間。

大門Photo from 節目截圖

西式壁爐Photo from 鐘麗緹 微博

毛筆字畫Photo from 節目截圖

節目截圖Photo from 節目截圖

節目截圖Photo from 節目截圖

節目截圖Photo from 節目截圖

飯廳色調暖和,並有落地玻璃大門,可邊吃邊望屋外景色,轉彎就可進入另一大廳,內有大梳化和按摩椅,Christy表示每日都會喺度按摩和與家人一起看電視,享受溫馨時光。而大廳則連著開放式廚房,中間放有椅桌和水機,當然亦唔少得雙門大雪櫃,好好存放一家嘅食材。

落地玻璃Photo from 節目截圖

空間好大Photo from 節目截圖

連著開放式廚房嘅大廳Photo from 節目截圖

廚房Photo from 節目截圖

大到搵唔到家人?

屋內同時設有一間兒童玩樂室,佈置色彩繽紛、放滿玩具。節目中,Christy更表示因為豪宅空間太大,所以跑上跑落都找不到女兒,真係好奢侈嘅煩惱!另一照片中,可見空間放置了一部大三角鋼琴後仍有很多空間,旁邊擺放植物和梳化椅都無問題,相信一家大細在屋內都感到非常滿足~

玩樂室放滿玩具Photo from 節目截圖

大鋼琴Photo from 鐘麗緹 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel