谷愛凌內地跑步遇狂粉受驚男子出手阻離開被聲討事後拍片澄清

Digital Editor

北京冬奧滑雪金牌得主谷愛凌人氣甚佳，近日佢在街頭跑步時，遭一名男粉絲要求合照，佢表現相當熱情，更脫下口罩，即使谷愛凌被嚇到，男子仍嘗試阻止對方離開。事件引發網民熱議，被聲討嘅男子事後拍片，解釋當時其實係想保護谷愛凌？

Photo from 谷愛凌微博

谷愛凌北京街頭遇狂粉

谷愛凌平常愛在北京街頭跑步，遇到粉絲合影都來者不拒，但最近就有一位男狂迷嚇壞佢。一日，愛凌身穿緊身運動服跑步，而佢媽媽亦有在一旁陪伴。過程中，佢突然遇上一名男粉絲，片中可見，兩人在交通繁忙嘅道路上合照，身邊都不時有車經過。起初，愛凌站在原位望鏡頭，而男粉絲一手除了口罩，另一隻手仍舉機拍攝。

Photo from 微博

相信愛凌認為已拍好照片，當佢想跑前離開之際，該男子亦急步走前，更用手企圖攔住谷愛凌，令整個人撞向對方，並有身體接觸之嫌。

Photo from 微博

有另一片段展示了後續，相信在男粉絲離開後拍攝，可見坐在單車上嘅谷媽媽與女兒講了幾句，然後擁抱和安慰一下受驚女兒。

Photo from 微博

影片在網上流傳後引起討論，很多網民都批評該男粉絲無禮貌，又不尊重谷愛凌，據悉，該男網名叫「東北星哥」，更一度將自己與愛凌合影片段上傳到抖音，但被聲討後已經刪除。

Photo from 微博

日前，該男子又發布另一解釋影片，佢表示自己係谷愛凌忠實粉絲，並指佢當時因為見到前方有車，所以想攔對方過紅綠燈，讓佢小心一點，並強調並非想故意攔谷愛凌。同時，佢話自己在合影前已知會了谷媽媽，又指自己合照時太激動，如果愛凌和家人被此事影響，佢在此致歉，希望大家唔好再罵佢。

Photo from 東北星哥抖音

不過，網民仍然唔太buy男子說法，有人直言佢在狡辯，表示：「這種借口真的好笑，也就他自己信。」、「人家跑步很注意安全，唯一的不安全因素就是這個強行阻攔的。」不過，當時現場確實有不少車輛經過，係有一點危險，真相係點可能要睇埋附近嘅馬路與紅綠燈才知道了。

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel