Will Smith怒摑事件另有內情，妻子與Chris Rock曾被爆疑似有曖昧？！事隔一個月被網民發現印度現身！

By Stephanie on 27 Apr 2022

Digital Content Writer

榮獲今屆奧斯卡影帝嘅韋史密夫（Will Smith）因為喺頒獎典禮上怒摑Chris Rock而引起熱議；事後佢為衝動嘅行為公開道歉，但依然受到處分，陷入輿論之中。事隔將近一個月，有外國媒體就大爆原來事件有內情！有指Will Smith多年前曾懷疑妻子Jada與Chris Rock有曖昧，突然失態全因多年來所積下嘅恩怨？！

Photo from willsmith @ IG

Will Smith於奧斯卡頒獎禮上怒摑Chris Rock！

喺今年嘅奧斯卡頒獎典禮中，Will Smith因為不滿頒獎嘉賓Chris Rock於台上公然「抽水」話妻子Jada剃光頭，一事衝動，衝上台怒摑對方一巴，令在場所有人都驚訝不已！根據《紐約時報》報導，有奧斯卡高層對Will Smith嘅行為感到不滿，揚言想「收回獎項」，而美國警方亦介入調查。

Photo from ABC @ YouTube

Photo from Twitter

受奧斯卡大會斥責

事後，Will Smith亦因為自己衝動嘅行為而受到懲罰，奧斯卡大會宣佈「Will Smith未來10年內不可參加奧斯卡頒獎典禮！」，但就並冇取消今次榮獲影帝嘅獎項或者未來入圍資格。而Will Smith隨後發聲明表示尊重大會決定，並且自行宣佈退出美國影藝學院！

Photo from ABC @ YouTube

怒摑事件有內情？！

風波發生接近一個月，近日就有外國媒體大爆Will Smith怒摑事件可能另有內情？！有指Will Smith過往曾懷疑Chris Rock與妻子Jada有曖昧，而導致二人本身已經互相看不順眼，恩怨積累多時！

Photo from willsmith @ IG

Photo from chrisrock @ IG

Chris Rock同妻子Jada曾經發展曖昧關係？！

根據外媒報導，Jada同Chris Rock喺曾為2005年上映嘅動畫《馬達加斯加》（Madagascar）做配音，二人因此而認識，仲多次一齊出席電影宣傳活動。據悉，Will Smith亦懷疑二人嘅親密關係，所以對Chris Rock感到不滿；今次對方於公開場合公然嘲笑妻子就瞬間成為導火線，令佢情緒失控！

Photo from ParamountGermany @ YouTube

盛傳Will Smith夫婦係開放式婚姻關係？

不過外界一直盛傳，Will Smith同妻子Jada一直都維持開放式嘅婚姻關係，即係容許對方擁有其他伴侶。2020年，Jada被爆與兒子好友August Alsina熱戀，有傳Will Smith亦知情，令外界對二人嘅感情觀感到不解！

Photo from August Alsina IG

Photo from jadapinkettsmith @ IG

然而今次嘅傳聞爆出後，就令大家懷疑Will Smith可能唔係傳聞中所講嘅咁「大方」，事實上佢未必能夠接受妻子與其他人發展親密關係！

Photo from willsmith @ IG

Will Smith近況公開！

奧斯卡風波發生後，Will Smith神隱咗一段時間。直到最近，有網民驚喜發現佢現身印度孟買私人機場，期間佢仲親切向粉絲揮手。有指佢今次係去拜訪印度智者Sadhguru，可能係想接受大師嘅心理輔導，希望能夠令心情受到波動嘅佢重拾平靜！

Photo from Twitter

Photo from DisneyMusicVEVO @ YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

奧斯卡影帝Will Smith與妻子Jada特別相處之道惹熱議！維持「開放式婚姻關係」25年！曾自爆夫婦一齊出軌？

28 Mar , 2022

荷里活男星韋史密夫（Will Smith）憑電影《王者世家》（King Richard）首度奪得奧斯卡影帝殊榮！然而今日（28日）喺頒獎典禮上卻發生小插曲，佢因為不滿頒獎嘉賓Chris Rock開玩笑嘲笑妻子Jada剃光頭，而突然上台怒摑對方一巴，仲警告對方唔好再講笑，瞬間引起熱議！兩夫婦結婚至今25年，曾分享佢哋獨一無二嘅相處之道～

Photo from 2022 Oscars

# Will Smith為太太出氣，突然上台怒摑好兄弟Chris Rock！

喺今日（28日）舉行嘅奧斯卡頒獎典禮，出爐影帝韋史密夫（Will Smith）突然上台怒摑好兄弟Chris Rock，不滿對方公然嘲笑妻子Jada Pinkett Smith（Jada）剃光頭！有指Jada從2018年開始就飽受脫髮症困擾，最終喺丈夫同女兒嘅鼓勵下決定樂觀接受病情，決定剃走所有頭髮。而一向寵妻嘅Will Smith就用行動為妻子護航，夫婦間嘅好感情亦再次獲得大家關注～

Photo from 2022 Oscars

Photo from Twitter

不過，有網民就認為本身就非常熟悉嘅Will Smith同Chris Rock有可能係「夾定」，暫時消息尚未獲得認證。根據《紐約時報》嘅報導，有奧斯卡高層對Will Smith行為感到不滿，揚言想「收回獎項」，而洛杉磯警方已經介入調查事件，但Chris Rock表明唔會起訴對方！

Photo from 2022 Oscars

# 2020年Jada被爆與兒子好友熱戀！

2020年，妻子Jada Pinkett Smith被爆與兒子嘅好友饒舌歌手August Alsina熱戀多年，而男方表示事先已經獲得Will Smith嘅同意，令大眾對於呢種特別嘅相處之道感到好奇；事後Will Smith 同妻子曾於直播中現身回應傳聞。

Photo from August Alsina IG

# Will Smith夫婦曾公開談及感情觀！

直播中，Jada透露2016年同Will Smith分居，當時認為二人嘅關係已經無法挽救；剛好透過兒子認識年輕21年嘅August繼而發展成情侶關係！而Will Smith就表示已經原諒對方，仲話「妻子不是唯一擁有婚外情嘅人」似乎暗示自己亦曾經戀上其他人，但隨即深情向妻子表白「會一輩子愛你」！

Photo from Red Table Talk FB

# 承認彼此係「開放式關係」！

過往Will Smith曾分享佢嘅婚姻觀，認為愛情中要互相尊重及支持對方嘅所有，而並非要求對方為自己作出改變「婚姻對我們來說，不是一座監獄。」佢哋夫婦之間已經不再視一夫一妻為完美夫妻關係，間接承認佢哋係「開放式關係」：不介意大家各自擁有情人，尋找到屬於佢哋最舒適嘅相處模式！

Photo from Will Smith IG

# 二人飽受家庭及情傷所影響！

據悉，Jade於一個比較獨特嘅環境下長大，家人都係認同「開放式關係」並冇問題，所以自小就唔太相信「夫妻係彼此終生伴侶」嘅說法；而Will Smith 16歲嘅時候就曾經慘遭女友背叛，年少輕狂嘅佢不停認識新嘅女生並與她們發生關係，希望對方愛上佢；但卻弄巧反拙「開始出現作嘔反應」，令佢嘅感情觀非常唔同！

Photo from Jada IG

Photo from Will SmithIG

# Will Smith過往曾有過一段婚姻！

最終，Will Smith花費唔少時間先成功脫離被前女友背叛嘅陰影。1992年，佢與Sheree Zampino結婚，並誕下兒子，可惜1995年就宣佈離婚！直到1997年，Will Smith與Jada再婚，並誕下一對子女，踏入25年婚姻長跑～

Photo from Will SmithIG

# 網民要求禁止採訪Will Smith夫婦！

然而，外界對於Will Smith公開談論同妻子嘅開放式關係感到震驚，甚至有網民曾連聯署要求「Stop interviewing Will and Jada smith ！（禁止採訪Will Smith夫婦！）」，當時短短幾日就已經有逾2萬人簽名！部份網民認為佢哋只係為炒作新聞，亦有網民認為佢哋嘅獨特感情關可能會令年輕人仿效！