佘詩曼深水埗歎20元平民美食獲讚貼地!北上掘金傳身家達1.4億

佘詩曼深水埗歎20元平民美食獲讚貼地!北上掘金傳身家達1.4億

娛樂新聞
By Jennifer on 27 Apr 2022
Digital Editor

現年46歲嘅視后佘詩曼近年北上發展,吸金力超強,有指佢身家逾$1億!最近佢回港休息,除咗表示有機會再喺香港拍電視劇,又同細佬一齊遊深水埗,並幫襯小店食腸粉,十分貼地。

現年46歲嘅視后佘詩曼近年北上發展,吸金力超強Photo from 佘詩曼微博

佘詩曼憑《延禧攻略》爆紅

佘詩曼2016年離巢後就主力於內地發展,並憑《延禧攻略》「嫻妃」一角爆紅,喺中港兩地人氣急升,身價亦水漲船高。佢隨後有陸續接拍唔同嘅內地劇,近年幾乎長駐內地。

佘詩曼2016年離巢後就主力於內地發展,並憑《延禧攻略》「嫻妃」一角爆紅,喺中港兩地人氣急升Photo from 佘詩曼微博

佘詩曼回港到深水埗歎米芝蓮腸粉

不過近日佢就回港休息,有指佢媽媽身體欠佳所以佘詩曼就決定暫停內地工作陪伴母親。日前佢就同細佬兩人去深水埗區搵食。

有指佘詩曼媽媽身體欠佳所以佢就決定暫停內地工作陪伴母親。日前佢就同細佬兩人去深水埗區搵食。Photo from 佘詩曼抖音

佘詩曼喺抖音拍片公開「搵食日常」,佢同細佬到深水埗一間小店食腸粉,期間有影到餐牌,每款食物價錢都十分便宜,阿佘嗌嘅腸粉唔使$20就有交易。其實呢間小食店喺區內有名嘅人氣美食,仲曾獲米芝蓮推介,每日賣出超過5,000條腸粉!

佘詩曼喺抖音拍片公開「搵食日常」,佢同細佬到深水埗一間小店食腸粉Photo from 佘詩曼抖音

阿佘嗌嘅腸粉唔使$20就有交易Photo from 佘詩曼抖音

呢間小食店喺區內有名嘅人氣美食,仲曾獲米芝蓮推介,每日賣出超過5,000條腸粉!Photo from 佘詩曼抖音

阿佘吸金力驚人,傳身家逾$1億

阿佘貴為視后,又北上賺人仔多年,吸金力驚人,落深水埗歎平民小食亦獲讚貼地~自《延禧攻略》爆紅後,佘詩曼唔止演技備受內地觀眾認可,工作亦接連不斷,電視劇、廣告、綜藝節目紛紛邀約,佘詩曼身價急升,有指佢身家已達$1.4億。

自《延禧攻略》爆紅後,佘詩曼唔止演技備受內地觀眾認可,工作亦接連不斷,電視劇、廣告、綜藝節目紛紛邀約,佘詩曼身價急升,有指佢身家已達$1.4億。Photo from 佘詩曼微博

佘詩曼公開複式豪宅

佢曾經喺微博晒出自拍,背景正係佢住所,除咗有超大電視外,簡約樓梯都十分搶眼,可見佘詩曼屋企係複式單位,客廳空間亦好大。之前2020年喺內地綜藝《看我的生活》佢曾公開獨居生活,當時佢所住嘅係服務式住宅,同依家嘅複式豪宅並非同一間。

佢曾經喺微博晒出自拍,背景正係佢住所,裝修簡約有樓梯,可見佘詩曼屋企係複式單位,客廳空間亦好大。Photo from 佘詩曼微博

2020年喺內地綜藝《看我的生活》佘詩曼曾公開獨居生活Photo from 《看我的生活》

當時阿佘所住嘅係服務式住宅Photo from 《看我的生活》

阿佘iPad不離手Photo from 《看我的生活》

有指阿佘於香港擁有4個物業

有傳佘詩曼喺香港擁有4個物業:包括何文田價值$1,400萬嘅一個高層單位;跑馬地一個千呎單位,有報道指阿佘以逾$3,000萬買入;佢又花$800萬購入紅磡一個單位;位於西貢嘅兩幢相連獨立屋,阿佘於2015年豪擲$3,500萬購入,估計現時市值已經破$7,000萬。

有傳佘詩曼喺香港擁有4個物業Photo from 佘詩曼微博

有指阿佘於2015年豪擲$3,500萬購入,估計現時市值已經破$7,000萬。Photo from 佘詩曼微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

佘詩曼上內地文化節目展現藝術知識!一眼睇穿名畫迷團獲讚有內涵!

21 Apr 2021

45歲嘅佘詩曼近年喺內地發展好好,演投備受認可,最近佢出演綜藝節目《書畫裡的中國》,更展現出色嘅藝術知識,獲讚有實力有內涵!

45歲嘅佘詩曼近年喺內地發展好好,演投備受認可Photo from 佘詩曼微博

佘詩曼憑《延禧攻略》喺內地一炮而紅,人集急升。近年有唔少香港藝人都會北上發展,參加唔少綜藝,北上掘金10年嘅阿佘喺內地走紅後,唔似其他香港藝人咁出演真人騷綜藝節目,反而集中演戲方面。

北上掘金10年嘅阿佘喺內地走紅後,唔似其他香港藝人咁出演真人騷綜藝節目,反而集中演戲方面。Photo from 佘詩曼微博

近日佢就出演文化綜藝節目《書畫裡的中國》第一期,節目由專家帶領嘉賓賞析經典書畫,並由明星嘉賓演繹相關嘅歷史故事。

近日佘詩曼出演文化綜藝節目《書畫裡的中國》第一期Photo from 微博

阿佘喺節目中將會以古裝造型出演,佢更大展文化藝術知識!第一期鑒賞唐代貴族女性嘅遊春圖,唐代畫家張萱嘅作品《虢國夫人遊春圖》,圖中暗藏咗楊貴妃堂姊妹虢國夫人。

阿佘喺節目中將會以古裝造型出演,佢更大展文化藝術知識!Photo from 佘詩曼微博

微博Photo from 微博

《虢國夫人遊春圖》畫中有男有女,但虢國夫人係邊個眾說紛紜,不過阿佘一眼就睇出畫中「男性」其實係女子,因為盛唐有女扮男裝嘅時尚,而「三花馬」則為馬中最頂級嘅造型,所以虢國夫人應該係為首嘅「男子」。

《虢國夫人遊春圖》畫中有男有女,但虢國夫人係邊個眾說紛紜,不過阿佘一眼就睇出畫中「男性」其實係女子Photo from 微博

盛唐有女扮男裝嘅時尚Photo from 微博

估唔到阿佘竟然可以睇穿名畫迷團,雖然有人認為佢只係跟稿讀,不過亦有網友覺得佢上節目前有做功課好抵讚。

估唔到阿佘竟然可以睇穿名畫迷團,雖然有人認為佢只係跟稿讀Photo from 微博

其實佘詩曼向來對藝術好有興趣,唔止中意行畫展,更加會親自下筆畫畫,佢表示:「喜歡畫畫的專注。喜歡畫畫帶給我的平靜。​」

佘詩曼向來對藝術好有興趣Photo from 佘詩曼微博

佘詩曼微博Photo from 佘詩曼微博

佘詩曼微博Photo from 佘詩曼微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel