download HolidaySmart 假期日常 app
黃子韜身家百億體驗民間疾苦,破產流浪街頭食剩飯!眼濕濕勁委屈

黃子韜身家百億體驗民間疾苦,破產流浪街頭食剩飯!眼濕濕勁委屈

娛樂新聞
By Moon Lam on 28 Apr 2022
Digital Content Writer

前EXO成員黃子韜退團後一直活躍於內地娛樂圈,身為富二代既佢頻頻炫富,自己開娛樂公司,甚至有私人飛機。不過佢近日就參演左內地真人秀節目《新遊記》,節目組要六位嘉賓體驗人世間唔同既難題,最近呢兩集佢地既任務係要係48個鐘入面打工賺錢解決兩日食同住既問題!佢同隊友陳飛宇做過舞台工人又做過保安,仲慘到要住快餐店食剩飯,體驗完後眼泛淚光咁表示唔會再抱怨咁多野!

 

《新遊記》任務開始前劇照Photo from 黃子韜微博

開工一日就劈炮唔撈

黃子韜和陳飛宇第一份工係舞台工人,就算係前男團既成員,但黃子韜不嬲享受慣生活,要連續體力勞動8個鐘,緊係好快就頂唔順,指自己「真的熬不動」,到夜晚就同介紹人講唔做啦!更加指出要搵一份可以一直做、自己又鍾意既工,而介紹人就話自己只係為左生活無得選擇鍾唔鍾意。

黃子韜話唔做舞台工人,要搵自己鍾意做既工Photo from 《新遊記》截圖

介紹人指自己如果好似黃子韜咁諗不斷換工,可能連日結工都無得做Photo from 《新遊記》截圖

破產留宿快餐店食剩飯

兩人後來因為亂使錢搭的士去海邊導致破產要流浪街頭,連陳飛宇都忍唔住話要好好反思佢地到底係點解會行到呢一步。佢地最後因為無地方住而要做「麥難民」,連剩低既炸雞都無哂,到凌晨四點先有因為有人退單而獲贈一個套餐兩份分,辛苦左成日就算係剩飯,黃子韜都食得好滋味。

二人收工竟然搭的士去海邊行下Photo from 《新遊記》截圖

隊友陳飛宇都不禁反思點解佢哋會落得如此田地Photo from 《新遊記》截圖

凌晨四點終於獲贈剩飯,黃子韜鯨吞食得好滋味Photo from 《新遊記》截圖

轉做保安客人無禮對待 上司責罵

第二日兩人轉做小區保安,要幫訪客登記健康碼,但唔少訪客嫌麻煩唔想掃,又埋怨佢地阻住哂,令黃子韜超委屈呀!中途佢因為企左好耐坐低休息下,拎左手機出嚟撳兩下,點知上司見到即刻過嚟訓話。捱到收工即刻幫襯街邊小食,一口氣食到飽先走呀!

 

坐低玩手機被上司捉到正Photo from 《新遊記》截圖

有訪客發牢騷嫌保安每次出入都要檢查好麻煩Photo from 《新遊記》截圖

淚目表示不會再抱怨

任務結束之後就輪到吐心聲環節,已經見到大家既疲態,問到黃子韜更加眼濕濕表示做完保安好似同佢地既關係親近左,就算以後再比人不斷提醒要掃碼都可以設身處地,唔會再抱怨好麻煩。

黃子韜有感而發,明白保安工作既必要性唔會再抱怨Photo from 《新遊記》截圖

網民讚黃子韜無缺點

有內地網民睇完呢兩集話黃子韜為左拍攝黑左好多,身家過百億既佢其實根本唔需要經歷呢啲難關,但任務一開始就希望係節目中戒「貪」,更加有網民大讚佢樂觀、心態好!而不嬲直率既黃子韜更加直接截圖同網友互動,話網民有眼光呀!

幾日時間黃子韜已經曬黑好多,同隊友有明顯色差Photo from 黃子韜微博

網民大讚黃子韜無缺點,仲獲得本人轉發呀Photo from 黃子韜微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

黃子韜超豪娛樂公司總部曝光!承繼逾百億遺產 曾瘋狂炫富大晒私人飛機/名錶/跑車

07 Jun 2021

韓國男團 EXO 前成員黃子韜(Tao)自去年 9 月富爸爸黃忠東離世後,留下逾 200 億人民幣(約240億港元)遺產畀黃子韜,令佢成為百億富豪。而雖然佢平日不時都會喺網上「炫富」,晒出超豪華私人飛機內部裝修、名牌袋、名車、名錶等。

Photo from YKYBtao-黄子韬/weibo

黃子韜之後就不時喺微博、IG公開佢嘅超豪生活,大晒私人飛機、名車、名錶、名牌以及位於美國嘅大屋等。而佢仲曾喺一個節目中被指佢啲錶就已經價值 800 萬人民幣(約 970 萬港元)。

Photo from YKYBtao-黄子韬/weibo

Photo from YKYBtao-黄子韬/weibo

Photo from weibo

而近日黃子韜就喺其微博中上傳多張自己喺海南島成立嘅娛樂公司嘅相,並留言:「加油.還差百分之40完工?」。雖然嘅娛樂公司依家就仲裝修緊,但​​​黃子韜已經急不及待同大家開心 share 公司內部嘅部分裝修進度相。

Photo from YKYBtao-黄子韬/weibo

Photo from YKYBtao-黄子韬/weibo

相中見佢間公司嘅外部以白色同灰色為主,而大堂就以白色為主調加上唔少木質嘅設計,裝修既簡約又摩登,而且空間感十足,目測單單只係大堂已過萬尺,認真大呀!

Photo from YKYBtao-黄子韬/weibo

Photo from YKYBtao-黄子韬/weibo

除此之外,公司仲設有多間唔同功能嘅房間,如排舞室、攝影掤、錄音室等等,而佢聘請嘅員工大部分都更係後生仔女,個個都充滿活力。

Photo from YKYBtao-黄子韬/weibo

Photo from YKYBtao-黄子韬/weibo

Photo from YKYBtao-黄子韬/weibo

唔少網民睇見後隨即引起熱議,除有人問佢喺公司完工後會唔會開直播帶大家嚟一個公司 office tour 外,更有自稱係工商管理學碩士嘅網友問佢請唔請茶水、掃地。

Photo from YKYBtao-黄子韬/weibo

Photo from weibo

當然人人都想爭到份筍工喇,因此「#黃子韜晒新公司裝修照」火速登上內地嘅熱搜榜,睇嚟大家唔止想搵到筍工仲要睇吓佢嘅新公司到底有幾大幾誇張。

Photo from YKYBtao-黄子韬/weibo

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel