陳智燊拍片曬40隻名錶珍藏 款式貼地 直言絕不轉賣「留畀仔仔承接」

陳智燊（Jason）和宋熙年（Sarah）自離巢TVB後轉型做KOL，並設夫妻檔YouTube頻道「Sarah & Jason」，有傳月入高達60萬。近日，Jason拍片大曬名錶收藏，總共超過40隻手錶，仲話唔怕戴花，最緊要開心！

Photo from 陳智燊 IG

陳智燊拍片曬名錶珍藏

陳智燊（Jason）熱愛手錶，最近佢就應粉絲要求，拍片嚟個大曬冷，珍藏裡面包括平價和貴價手錶，款式多、土豪味不重，連G-SHOCK都有，但就反而無大熱品牌勞力士。影片開頭，Jason以顏色及錶面形狀快速簡介多隻錶，當中除了有常見銀色，亦有白色、綠色、橙色錶，亦有正方形、圓形、超大型錶面；風格方面都幾多選擇，有運動型、復古型手錶，仲有金錶和潛水錶。

Photo from SARAH & JASON YouTube

收藏包含了不少回憶，Jason在片中分享多個「第一次」，佢一邊展示不同手錶，一邊用英語說：「我嘅第一隻GS、第一隻SEAGULL，之後買第2隻、第3隻和第4隻，另外我唯一嘅CITIZEN（星辰錶），第一隻天梭（TISSOT），第一隻精工錶，有皮帶和不鏽鋼錶帶嘅精工錶。」

Photo from SARAH & JASON YouTube

多到差啲忘記「最重要手錶」？

之後佢繼續曬出第一隻奧米茄、柏萊士、艾美錶、浪琴錶等等，亦有外母外父，及朋友送嘅結婚禮物。介紹到最重要嘅錶，就係Jason送畀自己嘅週年禮物「The Rado」，但相信因為收藏太多嘅關係，佢坦言差啲忘記咗佢。

Photo from SARAH & JASON YouTube

Photo from 陳智燊 IG

鐘情Seiko Tuna系列

Jason似乎特別喜愛Seiko Tuna系列，佢表示40歲時買入首隻Tuna，之後仲買咗6隻，不過其中一隻其實係佢「打劫」爸爸媽媽得來嘅。

Photo from SARAH & JASON YouTube

父子錶又靚又溫馨

Jason真係好多錶，所以佢話差啲唔記得18歲時買嘅百年靈。之後佢拿起了3隻Prospex，大讚佢哋「超靚」，更表示係畀自己，以及兩名兒子Damon和Jamie，真係夠曬溫馨~

Photo from SARAH & JASON YouTube

Jason亦有在留言區與粉絲交流，有粉絲對佢嘅珍藏感驚歎，問Jason會否考慮買一個大展櫃，將所有錶擺入去，Jason就笑言：「成個櫃？老婆大人Sarah一定唔會放過我！」有網民亦問佢有無擔心整花錶帶，Jason回應稱，以前會擔心下，但會戴得好緊張，所以放棄了呢種思維，呢家手錶對佢嚟講係可戴、可花，咁會開心啲。

Photo from 陳智燊 IG

讓2名兒子承接珍藏

亦有網民好奇問：「你會唔會賣手錶？定會一直收藏。」Jason就坦言唔會浪費心力賣走佢哋，而且佢認為兩個兒子可以承接靚錶，真係好為家人著想。

Photo from 陳智燊 IG

Photo from SARAH & JASON YouTube

相關文章：盤點5個明星豪華住所! 雨僑日系新居曝光/宋熙年廚房大到可以跳舞！

相關文章：余文樂NFT勁賺過億屢破紀錄！接仔仔放學晒$800萬勞斯萊斯

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）