網民分享超尷尬婚禮經驗！即場拆人情/搶新娘情節真實上演！飲醉酒鬧事最常見?
辦婚禮對新婚夫婦而言係最重大嘅儀式～然而，重要時刻往往都會出現突如其來嘅「意外」，令過程變得非常難忘～日前，有網民於討論區講述自己一次出席婚禮嘅尷尬經驗，瞬間引起其他網民嘅共鳴。大家仲大方share自己嘅經驗，唔少人嘅遭遇都同電視劇情節一樣咁精彩！
Photo from 《女心理師》
台下觀眾「開口中」？！
網民於連登討論區出post詢問大家出席過嘅獵奇婚禮經歷，而佢就表示自己親眼目擊新人交換戒指時，台下嘅一名青少年突然大喊「離婚就唔會再戴㗎喇！」，令在場所有人都大吃一驚！最離奇嘅就係該夫婦最終真係離婚收場，非常巧合。
Photo from 連登討論區
Photo from 《金秘書為何那樣》
「即場拆人情」最多人有共鳴？！
部份網民都話真係有經歷過「即場拆人情」嘅環節，當中有人就俾$100，帶同全家人食飯，仲有人過分都擺報紙當錢！另外，有賓客仲話自己唔夠錢，而詢問同枱嘅人借錢俾人情，場景超奇怪！
Photo from 連登討論區
Photo from 《我要做Model》
心直口快，鬧出笑話！
台下嘅觀眾好多時都會唔小心於婚禮中爆出「名言」，而且進行婚禮儀式時都比較安靜，所以好容易就俾全場聽到晒！有網民表示新人進場時各自拖住2隻愛犬，但台下就有人話「好一對狗男女！」言語上的確係冇講錯，但喺如此喜慶嘅大日子聽到都真係哭笑不得～
Photo from 連登討論區
另外，有網民仲表示見過有男家嘅親戚因為心情太興奮，而衝上台霸住支mic不停大爆新郎兒時嘅尷尬事，就算其他人多番阻止都失敗咗。
Photo from 《玩嘢王》
飲醉酒易出事！
喺大日子，新人都需要不停向賓客敬酒，難免會出現「飲多咗」嘅場景！有網民就見過飲醉酒嘅新郎上台致謝，期間仲感謝岳母養育女友之恩，仲激動到當場「嘴對嘴」錫岳母，咁搞法岳父都真係唔知點好！
Photo from 連登討論區
Photo from 《酒鬼都市女人們》
另外，有網民就話見過新郎百感交集，居然喺交換完戒指致謝嘅時候，坦承好掛住Ex，唔知結婚儀式仲有冇順利繼續落去呢？！但有網民就揭穿話呢個係「好耐以前爛gag」，新郎嘅意思係結婚後女友就變妻子，榮升做家人，唔知大家又有冇親身經歷過呢～
Photo from 連登討論區
「搶新娘」情節真實存在！
電影中經常都會出現超誇張嘅「搶新娘」情節，但原來有網民真實咁遇過！佢表示中學時期嘅其中一位女性朋友就同啊Sir結婚，當日其中一位朋友就上台大談回憶，仲忍唔住爆喊向新娘示愛，最終真係成功搶走女方！唔知當時究竟成個婚宴究竟係點收科......
Photo from 連登討論區
Photo from 《月薪嬌妻》
親戚尷尬發言！
總係會有「唔識做」嘅親戚喺呢啲時候講出不合時宜嘅事情！有網民就見過親戚上台講嘢嘅時候，居然sell保險，最後詢問大家「有興趣就舉手」，唯獨台下冇人有反應。最終，佢惱羞成怒即刻離場。
Photo from 連登討論區
Photo from 《女心理師》
婚禮選錯歌
婚禮嘅背景音樂大多數都會選擇對新人別具意義嘅歌曲，有對新人因為玩Busking時認識，而二人見面時就合唱《傳聞》，所以當日就不時播放呢首歌曲。然而，歌曲大概係講述情侶們迎來感情嘅結束，歌曲大約係「夠鐘死心了，當你沉默得高調，當得我歷劫低潮，為何尚要騷擾」，聽到都真係笑咗～
Photo from 連登討論區
仲有網民表示見過新人入場時播放「Beauty and the Beast」，當中有台下嘅人就忍唔住陰陰嘴咁指住新郎笑～大家仲有列出咗好多婚禮上應該盡量避免播放嘅歌曲：《好心分手》、《分手快樂》等。
Photo from 電影《美女與野獸》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
新娘婚禮前要求男方俾7萬禮金先肯落車！場面超尷尬！網民怒斥：叫佢原車折返
16 Feb , 2022
Photo from TVB
# 禮金問題係唔少新人嘅煩惱？！
喺結婚前夕，一對新人都有好多嘢要準備，其中禮金就係最常見嘅問題之一喇！其實「俾禮金」係一種結婚嘅傳統，由男方俾錢女方家人，以感謝女方父母養育女兒之恩。然而，有一對新人卻居然因為禮金，而導致婚禮當天非常尷尬？！
Photo from TVB
# 內地新娘迎親時，唔願意落車！
日前，內地河南省開封市村莊就舉辦一場盛大嘅婚禮，正準備進行迎親儀式。根據當地習俗，新娘會乘坐禮車到新郎屋企進入家門才算完成，但呢位新娘卻遲遲都唔願意落車！
Photo from 微博
Photo from 微博
# 要求男方家人俾7萬禮金，令對方超慌張？！
從影片中所見，新娘已經搭乘黑色私家車抵達新郎屋企門口，但同行嘅幾位伴娘突然大喊「不給6萬6（約7萬3千港幣）下車禮，新娘就不下車，一分也不能少」態度非常決絕！而男方嘅父母非常驚愕，引來大批鄰居圍觀；另一方面男方家人心急到忍唔住落淚，並且立刻打俾朋友借錢，先成功籌錢令婚禮儀式得以完成！
Photo from 微博
Photo from 微博
# 男方父母已經支付大量結婚費用！
根據內地媒體報導，男方父母已經支付咗一對新人嘅新房、新車費用，連訂婚嘅25萬（約港幣30萬港幣）都係佢哋俾。加上新娘當日上車嘅時候，其實就已經支付咗14萬8千（約港幣18萬）嘅「上車費」，所以男方家人真係非常驚嚇！
Photo from TVB
# 網民批評女方行為惡劣！
呢件事隨即引起內地網民嘅熱議，認為女方嘅行為實在太過分，「不停加價」、「不是已經談妥好了嗎？」等留言，認為簡直就係「搶錢」！
Photo from 微博
# 原來內地婚禮仲包含下車費？！
據悉，「下車費」的確係當地婚禮習俗嘅其中一環，不過就並唔係必要嘅，視乎雙方家人而定，但一般出價並唔會咁高！加上男方已經出錢購買唔少禮物俾新人，所以下車費嘅金額就更加唔合理！
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
