高薪厚職港爸賣樓移民英國,卻只能搵基層工作!最終決定回流返港!網民理性分析呢2類人更適合移民?

高薪厚職港爸賣樓移民英國,卻只能搵基層工作!最終決定回流返港!網民理性分析呢2類人更適合移民?

時事熱話 生活熱話
By Stephanie on 29 Apr 2022
Digital Content Writer

近年唔少人都選擇移民,然而現實總係同想象中有落差,適應新環境亦需要一定嘅時間。最近,有位港爸討論區大談移民英國後面臨嘅困難,原本喺香港高薪厚職嘅佢發現到英國後,事業都要重頭開始,轉為做基層工作;而正值青春期嘅子女都未能適應新環境,最終選擇回流香港!

高薪厚職嘅港爸帶同妻兒移民英國,但卻發現現實與理想有所不同!Photo from 《認識的妻子》

港爸賣樓全家移民英國!

港爸表示本身喺香港嘅公司擔任總監,財政狀況一直都非常穩定,生活安逸。偶然之下見到唔少KOL或者YouTuber分享移民後嘅生活,難免感到心動,就毅然賣樓全家一齊移民到英國開始新生活!

有網民分享親戚嘅移民英國經驗!Photo from 親子王國討論區

港爸對移民生活感到心動,所以就帶同小朋友移民英國!Photo from 《太陽的後裔》

卻發現只能做基層工作?

不過,移民英國後卻發現同理想中有差距!港爸本身嘅工作專業未能夠於當地發揮用途,事業需要重頭開始,只能選擇基層嘅工作,家庭收入頓時唔同晒!

港爸發現去到英國後,未能尋找到同香港差唔多薪水嘅工作!Photo from 《我的大叔》

小朋友都難以適應?!

而港爸嘅2位小朋友似乎都未能一時適應新生活!雖然小朋友都順利就讀公立學校,而親戚就為小朋友提供額外練習,希望佢哋可以盡快趕上進度,但卻換來小朋友反感咁話「香港都要逼讀書,為何在英國又要被逼做練習」;而15歲嘅大女兒仲因此與父母吵架,而佢哋就好心勸喻女兒係為咗讀大學,但女兒就突破盲點話「爸爸都碩士畢業,現在也是找不到工作呢,讀書有用嗎?」

仲因此而同2位小朋友多咗爭吵!Photo from 親子王國討論區

兩位小朋友都不滿移民後,需要被迫做練習!Photo from 《天空之城》

最終移民一年決定回流返港!

呢句話令港爸頓時萌生返港嘅念頭,後來佢哋移民一年多就回流返港,現時港爸都已經重新投入工作,並且一家人租樓住,畢竟移民嘅花費都非常大!樓主原意係希望透過港爸嘅例子,提醒各位想移民嘅港人必須要慎重考慮各種因素,仲表示外國公司比較少高或者中層嘅工作,所以有資歷嘅人未必能夠順利搵返差唔多嘅工種!

現時港爸已經回流返港!Photo from 親子王國討論區

暫時租樓住,因為移民亦動用咗一大筆錢Photo from 《生田家的早晨》

認為港爸選擇移民太衝動!

唔少網民都認為港爸呢個例子選擇辭職移民,風險非常大;如果只係單純想俾小朋友出國讀書,大可以等小朋友再大個啲先供佢哋出國!

大部分網民都認為港爸移民嘅選擇風險非常高!Photo from 親子王國討論區

如果係想俾小朋友出國讀書,唔需要選擇全家一齊移民!Photo from 《繼承者們》

網民理性建議呢2類人士更適合移民!

另外,部份網民理性分析認為最適合移民嘅就係年輕人或者基層人士,放手一搏,對佢哋而言反而係一個嶄新嘅機會,成本代價亦相對冇咁高!

網民分析認為年輕人或者基層嘅市民可以勇敢一博,嘗試移民!Photo from 親子王國討論區

有移民經驗者分享自己嘅睇法!Photo from 親子王國討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網民列出8個移民英國好處! 感嘆香港生活壓抑:終於似返個人!

12 Nov , 2021

近年,移民嘅人數越來越多,而英國就成為咗唔少人選擇嘅國家喇~最近,有已經移民到英國嘅網民喺討論區上分享自己嘅生活,仲因此而發現香港「奇怪」嘅現象,認為香港嘅生活異常壓抑,直呼「無比較就無傷害」!

有網民於討論區列出於英國居住嘅好處,引起網民討論!Photo from TVB

現時唔少人都選擇移民,去到其他國家居住就要適應文化差異。不過有網民就分享自己移居英國後嘅所見所聞,認為比較之下香港嘅生活的確非常壓迫,並以「一人一件去到英國先知香港原來咁XX嘅事」為題,引發網民熱議!

網民認為英國比香港更好嘅事:

1 .睇樓冇咁chur

廣告
廣告

網民就話上網搵地產經紀帶睇樓,解釋得好詳盡,強調「揀啱先租」。陪你行幾個屋苑睇單位,完全唔需要支付佣金!相反,香港睇樓前就要簽下唔同文件,手續繁複,非常麻煩,仲要花心機應對地產經紀。

網民表示英國嘅地產經紀唔會收取佣金!Photo from 連登討論區

香港睇樓嘅時候,需要同地產經紀簽下文件,並且需要支付佣金。Photo from ViuTV

2 .租金低 面積大

有網民就分享話自己只係用港幣大約$8,000至9,000就租住到約700呎嘅新樓連露台,如果居住喺更加偏遠嘅地區,租金將會更加便宜。相反,同樣價錢喺香港根本冇可能搵到差唔多水準嘅住宅,感嘆香港嘅樓價以及租金都好高!

網民分享自己於英國用約8000港幣就可以租到唔錯嘅單位!Photo from 連登討論區

香港樓價超高,難以用相同價錢租同樣嘅單位居住。Photo from TVB

3 . 生活成本比較低

大部分網民都話英國嘅物價冇香港咁高,最明顯嘅就係超市買嘢嘅時候:大約£1.5 (約港幣$16)就可以買到15隻雞蛋、£2(約港幣$20)就買到一盒大嘅雞等,生活成本低時,壓力亦隨之而降低!

英國購買食物嘅物價比香港低!Photo from 連登討論區

英國超市嘅食物非常抵,生活成本比較低!Photo from TVB

4 .出街食飯唔洗迫

有網民就話去咗英國之後,出街食飯都非常chill,完全唔洗排隊,十分舒服~而香港人口密度高就眾所周知㗎喇!平時一到週末,成條街都塞到水泄不通,有網民仲話「唔知點解啲人特別鍾意一字排開咁行㗎!」,喺街道上行就已經好似「上戰場」咁,經常都要提高警覺,以免被人撞倒!

網民仲大讚英國地方大,行街食飯都好放鬆~Photo from 連登討論區

有網民就話香港街道超迫,唔少行人仲鍾意一字排開咁行,非常討厭!Photo from 連登討論區

5 .準時收工

唔少西方國家都非常講求work -life balance,就算工作幾忙碌都一定會預留時間俾自己,好好享受生活,釋放壓力~有網民就話雖然英國嘅生活節奏的確比香港慢,不過就一定可以準時放工,同香港嘅OT文化非常唔同!

網民就話英國都十分講求生活素質,所以準時放工係一定嘅!Photo from 連登討論區

香港工作時間長,有時候甚至要OT!Photo from TVB

6. 當地居民超好人+有禮貌

有網民就話英國人都非常有禮貌,而且好好人,就算唔小心騷擾到佢哋,都只係微微笑咁話「no problem~」而且見到你需要幫忙時,都會主動幫手,並非大家所講嘅咁冷漠!

網民大讚英國人都非常熱心幫助人,而且佢哋亦好nice~Photo from 連登討論區

香港地少人多,人與人之間好容易發生爭執!Photo from TVB

7 .空氣好

英國地方比較大,而且街道上都有唔少樹木。網民都覺得該地方嘅空氣非常好「連鼻敏感都冇埋」,心情亦因此而變得更加好!相反,香港一轉季嘅時候就必定會受鼻敏感所困擾,而且夏天又特別焗促,令人非常辛苦。

有網民話去咗英國之後,連鼻敏感都完全好返,非常神奇!Photo from 連登討論區

英國地方大,亦有唔少郊區地方,空氣自然比較好~Photo from TVB

8 .小朋友學習環境更加好

有家長就分享喺英國幫小朋友註冊學校嘅時候,職員都超好態度咁幫手,而且仲唔需要額外俾錢佢哋;仲話如果同樣事情喺香港發生,一定會遭到職員冷眼旁觀!另一方面,英國嘅學校並非一味注重成績,亦會幫手培養小朋友嘅興趣。而且功課量唔會好多,可以令親子時間變得更加多,學習壓力比較少。

有家長就話當地嘅學校職員都態度好好咁幫手辦理入學手續!Photo from 連登討論區

英國嘅學業壓力相對比較低,小朋友亦可以培養興趣。Photo from 連登討論區

喺香港小朋友嘅學業壓力大,功課量多!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel