download HolidaySmart 假期日常 app
Tyson Yoshi千呎豪宅意外被節目公開!女友Christy主人房性感打卡

Tyson Yoshi千呎豪宅意外被節目公開!女友Christy主人房性感打卡

娛樂新聞
By Jennifer on 03 May 2022
Digital Editor

歌手Tyson Yoshi(本名程浚彥)出身富裕,與家人同住$4,000萬逾千呎豪宅,雖然佢平時喺IG都公開唔少豪宅環境,但近日電視節目《家居‧築則》嘅一所豪宅與Tyson Yoshi屋企十分相似,Tyson Yoshi之後亦喺IG回應,承認係佢嘅住所。

歌手Tyson Yoshi(本名程浚彥)出身富裕,與家人同住$4,000萬逾千呎豪宅Photo from Tyson Yoshi IG

Tyson Yoshi家境富裕,豪宅疑曝光

獨立歌手Tyson Yoshi於2021年參加《拉闊音樂會風火雷電》後人氣急升,而佢IG follower亦增加唔少,讀室內建築設計嘅Tyson Yoshi不時會喺IG自拍,意外公開所住豪宅,露台飽覽遊艇會海景,裝修亦十分高級。

讀室內建築設計嘅Tyson Yoshi不時會喺IG自拍,意外公開所住豪宅,露台飽覽遊艇會海景,裝修亦十分高級。Photo from Tyson Yoshi IG

不過Tyson Yoshi就表示自己與家人同住,又澄清自己「無錢」。而最近電視節目《家居‧築則》就分享咗位於鴨脷洲嘅「南區‧左岸」單位,有網友發現與Tyson Yoshi豪宅裝修、設計十分相似。

最近電視節目《家居‧築則》就分享咗位於鴨脷洲嘅「南區‧左岸」單位,有網友發現與Tyson Yoshi豪宅裝修、設計十分相似。Photo from 《家居‧築則》

節目鴨脷洲豪宅與Tyson Yoshi屋企對比圖

有網友喺連登討論區開post細數節目豪宅與Tyson Yoshi屋企相似嘅地方:首先玄關嘅掛畫好相似,飯廳圓鏡、客廳地氈都曾經喺Tyson Yoshi IG出現過。

玄關掛畫:

Tyson Yoshi喺屋企玄關影相Photo from Tyson Yoshi IG

玄關嘅掛畫好相似Photo from 《家居‧築則》

飯廳圓鏡:

Tyson Yoshi喺圓鏡前自拍Photo from Tyson Yoshi IG

豪宅飯廳一面圓鏡亦與Tyson Yoshi屋企相似Photo from 《家居‧築則》

客廳擺設:

Tyson Yoshi屋企客廳景色唔錯Photo from Tyson Yoshi IG

豪宅客廳格局類似Photo from 《家居‧築則》

主持又表示屋主兒子從事音樂創作,而仔仔房間嘅唱片封套design亦曾經係Tyson Yoshi自拍背景。對於疑似Tyson Yoshi豪宅曝光,身在英國開騷嘅Tyson Yoshi亦於IG Story回應。

主持又表示屋主兒子從事音樂創作,並大晒其房間設計Photo from 《家居‧築則》

仔仔房間嘅唱片封套design亦曾經係Tyson Yoshi自拍背景Photo from Tyson Yoshi IG

Tyson Yoshi指係設計師氹屋企人拍

Tyson Yoshi指有關節目係佢去台灣時設計師氹佢屋企人拍嘅,仲問可唔可以開佢名,當然被Tyson Yoshi拒絕咗,Tyson Yoshi又稱自己「極度反感」拍呢個節目,但「又唔輪到我話事因為佢氹掂咗我屋企人」,似乎十分無奈。

Tyson Yoshi指有關節目係佢去台灣時設計師氹佢屋企人拍嘅Photo from Tyson Yoshi IG

女友Christy於豪宅主人房性感打卡?

除咗Tyson Yoshi之外,佢嘅女朋友Christy都成為焦點,原來Christy之前曾公開一張性感自拍,而相中全身鏡同豪宅主人房嘅立鏡非常相似,疑似Christy喺男友父母房間內拍攝,引起熱議。

除咗Tyson Yoshi之外,佢嘅女朋友Christy都成為焦點Photo from Tyson Yoshi IG

原來Christy之前曾公開一張性感自拍Photo from Christy IG

相中全身鏡同豪宅主人房嘅立鏡非常相似Photo from 《家居‧築則》

有人認為Christy即使係屋主兒子女友,但著到咁性感入人哋主人房影相好唔尊重Tyson Yoshi父母,但亦有網友表示可能佢男友一家知情並唔介意。

Tyson Yoshi同女友Christy拍拖4年至今非常甜蜜Photo from Tyson Yoshi IG

有人認為Christy即使係屋主兒子女友,但著到咁性感入人哋主人房影相好唔尊重Tyson Yoshi父母Photo from LIHKG

呢個舉動被網民批評Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Tyson Yoshi不滿女友外貌被批 Man爆開直播護愛人:我鍾意就得!

28 Mar 2022

歌手Tyson Yoshi(程浚彥)和女友Christy交往4年恩愛非常,女方最近被網民外貌一般,更形容佢係「靚版馬蹄露」,Christy都在社交網大方答謝,被外界大讚EQ高,而Tyson日前就在IG開直播發言護愛人,直言:「佢外表如何,我鍾意就得!」

Tyson Yoshi女友近日被網迷開po評論外貌,引來熱議,令男友Tyson都忍唔住要開直播護愛人!Photo from IG@c.705

Tyson Yoshi女友外貌被網民評論

現年27歲Tyson Yoshi在3年前為女友寫出《Christy》一曲大受歡迎,雖然Tyson外表走壞男孩風格,但其實佢非常專一,兩人拍拖4年至今非常甜蜜,而女方都受到品牌青睞,不時有廣告邀約。但近日有網民在討論區發文,直言Christy顏值低,更上載其他網民話佢似「靚版馬蹄露」嘅留言截圖,圖中可見,Christy都親自大方回應「多謝」,帖文引來熱議。

Tyson Yoshi數年前推出以女友命名嘅歌曲《Christy》。Photo from 《Christy》歌曲封面

曾有網民到Christy IG留言話佢似「靚版馬蹄露」,但Christy都相當大方,並親自回應多謝。Photo from IG@c.705

對此,有網民同意樓主睇法,但亦有唔少網民不解為何要刻意討論Christy嘅外貌,亦稱讚Christy嘅回應EQ高,而帖文樓主則解釋,對方「出得嚟接job接廣告做KOL,就預左有機會被人批評。」

開帖評論Christy外貌嘅網民認為對方做得KOL,就應接受被評嘅風險。Photo from IG@c.705

Tyson Yoshi開直播護女友

至於Tyson Yoshi,當佢獲悉女友被公開批評後相當生氣,更在IG開直播評論事件,當中佢連環爆粗,仲要不斷飲水降火,對於女友外貌被批,佢直言:「咁點呀,我鍾意呀!出名就要被人『鬧』?」佢又指自己能夠理解「人紅是非多」道理,但作為一個男朋友就要發聲,「你試吓行行吓街、拖拖吓手,突然有個幪面人話你外表差、之後有一大班唔知喺邊條巷走出來嘅人,叫你企喺度,辯論你個樣好唔好睇... 睬你都傻啦,現實生活可以直接走!」

Tyson Yoshi開IG Live為女友平反Photo from IG@tysonyoshi

Tyson續指,網民在討論區可以討論好多嘢,但如果被評頭品足嘅人心態唔夠強、企得唔夠硬,做傻事「走咗」點算,佢認為網民匿名並非代表唔使負責任,又言韓國已發生過許多網絡欺凌嘅不幸事件。Tyson更Man爆坦言:「佢外表如何,我鍾意就得!我當然要企出來,保護身邊人都做唔到,點做男人!」

Tyson Yoshi在直播中Man爆護女友,早前情人節時,Tyson亦上載二人嘅甜蜜照。Photo from IG@tysonyoshi

希望網民可以設身處地考慮別人感受

Tyson認為音樂和外貌不是一門競技運動,質疑網民為何要強烈批判,亦希望大家可以轉為討論真正有用嘅事,並將負能量變為正能量。佢亦表示,好彩女友夠堅強,「若果佢唔開心,走咗去,咁點呀?」、「呢個已經唔係我女朋友一個人嘅事,大家設身處地諗吓!」

Tyson Yoshi希望網民為自己言論負責,減少發放負能量。Photo from IG@tysonyoshi

網民大讚:真男人!

Tyson開直播後,再po出一首歌曲作品,歌詞包括:「有禍等我背」、「在你的世界下了一場大雨,在模糊的視線,也必須撐下去。」真係非常支持和保護女友,所以粉絲都留言支持Tyson護花,同時大讚佢係「真男人」。

Tyson Yoshi開直播後貼出歌詞鼓勵女友。Photo from IG@tysonyoshi

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel