王祖藍3歲大囡暴風成長,身高已到李亞男腰部!成功遺傳媽媽優良基因!曾被指樣貌似爸爸

王祖藍3歲大囡暴風成長,身高已到李亞男腰部!成功遺傳媽媽優良基因!曾被指樣貌似爸爸

娛樂新聞
By Stephanie on 03 May 2022
Digital Content Writer

現年42歲嘅王祖藍於2015年與華姐冠軍李亞男結婚,並育有2名女兒,一家四口非常幸福!最近,李亞男於IG上載湊住2個囡囡出去玩嘅照片,只見3歲嘅大囡已經大個咗好多,仲似乎遺傳到媽媽嘅優良基因,身高已經去到媽媽嘅腰部咁高喇!

王祖藍同李亞男婚後育有2名女兒,而大囡身高最近成為焦點!Photo from 王祖藍IG

王祖藍李亞男2015年結婚,育有2名女兒

王祖藍與李亞男嘅戀情於2010年曝光,由於女方身高比較高,所以曾被網民稱為「最萌身高差」嘅情侶。直到2015年二人宣佈結婚,先後誕下大囡王天韻(Gabby)以及細囡王海靜(Hayley),十分溫馨~

王祖藍與李亞男曾因為身高差,而被稱為「長短腳之戀」~Photo from 李亞男IG

婚後二人育有2名女兒Photo from 王祖藍IG

3歲大囡Gabby暴風成長

兩夫婦周不時都會上載一家四口嘅幸福家庭照~日前,李亞男於IG上載獨自帶住囡囡們出街嘅照片,仲笑稱「今日一拖二」,只見大囡Gabby亦非常乖巧咁拖住妹妹。而網民就發現3歲嘅Gabby似乎成長咗好多,身高已經到媽媽嘅腰部位置,目測應該已經逾100cm咁高,根據Gabby宜家嘅生長速度可能好快就可以高過約162cm嘅爸爸喇~

李亞男最近上載帶2個囡囡出街嘅照片,大囡Gabby嘅身高瞬間成為焦點!Photo from 李亞男IG

囡囡一個似爸爸、一個似媽媽?

過往有網民就指囡囡嘅樣貌都同父母十分相似,其中部份網民覺得雖然兩姐妹都好似樣,但大囡Gabby就比較似爸爸、細囡Hayley似媽媽!不過王祖藍就曾經上載李亞男兒時照片同大囡作對比,指二人樣貌更相似「我的基因真心輸了。」

部份網民就覺得大囡似爸爸、細囡似媽媽~Photo from 王祖藍IG

王祖藍曾上載李亞男童年照,認為Gabby係似媽媽!Photo from 王祖藍IG

過往Gabby身高已經引起網民關注!

其實早於Gabby 2歲大嘅時候,身高已經比同齡嘅小朋友高,仲有偶遇佢哋一家嘅網民表示當時Gabby身高已經到爸爸嘅腰部,而「王祖藍2歲女兒身高」仲一度登上微博熱搜。大部分網民都對於李亞男嘅優良基因感到驚訝,留言話「上天十分公平,身高像媽媽、樣貌像爸爸」等,引起熱議!

上年Gabby嘅身高已經到王祖藍腰部位置咁高!Photo from 王祖藍微博

一家四口亮相搵真銀?!

近年,王祖藍將事業重心轉移返內地,並與家人長居於當地。2020年,佢同當時懷有身孕嘅李亞男、大囡Gabby出演真人騷《做家務的男人2》,大晒千尺豪宅~今年初就一家四口齊齊現身於「香港群星新春互動直播演唱會」表演,囡囡們於台上表現淡定,而細囡可愛呆萌嘅樣貌仲被網民指同王祖藍有幾分相似呢~

20020年,二人夫妻檔並帶同大囡Gabby拍攝真人騷!Photo from 《做家務的男人2 》

今年初,一家四口就一齊表演Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

王祖藍晒女兒合照 兩姊妹同父母如餅印!一個似媽媽一個像爸爸!

14 May , 2021

王祖藍大女王天韻(Gabby)已兩歲半大,上年李亞男再誕下細女Hayley,近日王祖藍晒出兩位女兒合照,只見兩姊妹同父母好似餅印咁!網友笑言一睇就知係親生!

王祖藍大女王天韻(Gabby)已兩歲半大,上年李亞男再誕下細女HayleyPhoto from 王祖藍微博

王祖藍同李亞男結婚後去咗內地發展,佢亦獲聘回歸TVB擔任「首席創意官」,佢不時會喺網上大晒愛女嘅相片。

王祖藍獲聘回歸TVB擔任「首席創意官」Photo from 王祖藍微博

王祖藍兩個女都唔大,Gabby未夠3歲,而細女Hayley亦只有5個月大,佢之前曾多次表示希望個女似媽媽,不過之前佢有PO過同女兒嘅合照,同爸爸神情好相似。

王祖藍之前曾多次表示希望個女似媽媽Photo from 李亞男微博

相中兩父女擺出一模一樣嘅姿勢,表情都係一樣,好多網友都話囡囡撞樣爸爸。不過佢之前都有晒過李亞男童年照,Gabby同李亞男細個都好似,王祖藍當時話:「我的基因真心輸了」

兩父女擺出一模一樣嘅姿勢,表情都係一樣Photo from 王祖藍微博

Gabby同李亞男細個都好似Photo from 王祖藍微博

近日佢公開大女同細女嘅合照,Hayley正面大頭首次曝光!王祖藍問:「像誰」,其實兩姊妹都好似樣,不過就有唔少網友都表示一個似爸爸、一個像媽媽。

近日王祖藍公開大女同細女嘅合照Photo from 王祖藍微博

網友指大女同王祖藍幾乎一樣樣,而細女就似李亞男多啲:「姐姐跟祖藍簡直是同一個模子里出來的」,亦有網友指姐姐Gabby似欣宜。

網友指大女同王祖藍幾乎一樣樣,而細女就似李亞男多啲Photo from 王祖藍IG

王祖藍微博Photo from 王祖藍微博

王祖藍微博Photo from 王祖藍微博

有網友指姐姐Gabby似欣宜。Photo from 王祖藍微博

有網民表示其實兩個女都好似王祖藍,尤其個鼻!可能因為有「夫妻相」,王祖藍同李亞男都越嚟越似,一家人都係餅印:「一睇就知親生!」

有網民表示其實兩個女都好似王祖藍,尤其個鼻Photo from 王祖藍微博

王祖藍同李亞男都越嚟越似,一家人都係餅印Photo from 王祖藍微博

王祖藍李亞男夫妻Photo from 李亞男微博

IG同微博嘅評論都差唔多,睇嚟中港網友睇法都相似~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel