download HolidaySmart 假期日常 app
「斜槓青年」日本醫學生19歲創業做老闆!靠管理抖音帳號賺大錢,每月收入高達181萬!

「斜槓青年」日本醫學生19歲創業做老闆!靠管理抖音帳號賺大錢,每月收入高達181萬!

生活熱話
By Stephanie on 03 May 2022
Digital Content Writer

現時唔少年輕人都希望成為「斜槓青年」,即係擁有多重職業或者身份生活,一方面亦可以提升自己嘅競爭力。最近,日本綜藝節目就訪問一位21歲嘅醫學生九島遼大(Ryota),佢2年前開始創業做老闆,成功賺取到人生第一桶金,宜家月入足足有3千萬日圓(約港幣181萬)!

九島遼大仲係日本Ferrari Owner’s Club 最年輕嘅會員!Photo from ryota_m4 @ IG

日本醫學生創立媒體顧問公司!

相信唔少人都希望能夠盡快賺到人生嘅「第一桶金」~日本綜藝節目《じっくり聞いタロウ》早前就邀請21歲醫學生九島遼大(Ryota)上節目分享佢嘅創業之路,當中提及佢2年前即係年僅19歲嘅時候自行創立媒體顧問公司,靠幫助他人成名而出名,事業起步可以話係十分順利!

現年21歲嘅Ryota仲係一位醫學生Photo from 《じっくり聞いタロウ》

佢19歲嘅時候開始創業,仲非常成功!Photo from ryota_m4 @ IG

生意超成功,已經賺取到「人生第一桶金」!

據悉現時嘅Ryota月入達到3千萬日圓(大約港幣181萬),而佢現時獨自搬出嚟住,月租大約係50萬日圓(約3萬港幣),所有生活雜費都已經自己一手包辦。節目組仲拜訪Ryota嘅住宅,佢亦大晒價值約498萬日圓(約港幣30萬)嘅名錶收藏;而佢亦擁有4架名車,其中一架仲係唔少男士夢寐以求嘅法拉利跑車,價值大約3500萬日圓(約港幣211萬)!

Ryota現時獨居於大約月租3萬嘅住宅內!Photo from 《じっくり聞いタロウ》

佢亦有收藏名錶嘅習慣Photo from 《じっくり聞いタロウ》

已經擁有4架名車Photo from 《じっくり聞いタロウ》

俾錢叫朋友幫手溫書?!

尚未畢業嘅Ryota被問到係如何分配學習以及工作時間,佢坦承會俾錢朋友,等佢哋幫手管理學業時間表!而朋友們亦非常好心地喺溫習後,將認為重要嘅考試重點劃出來,等Ryota可以節省學習時間。

平時佢就會俾錢朋友幫手制定溫書時間表Photo from 《じっくり聞いタロウ》

靠為素人/企業管理社交平台而出名!

其實Ryota出生於醫學世家,父母都係醫生,不過佢並冇因此而遊手好閒,仲決定讀緊大學嘅時候創業!佢主要透過為知名人士或者各大企業管理抖音(TikTok)等社交平台賺錢,現時幫手管理逾120間公司,仲會專門為唔同公司度身訂做適合佢哋嘅影片,從而提升佢哋嘅知名度以及曝光率,非常懂得利用社群媒體嘅優勢去做生意~而佢自己嘅抖音帳戶亦擁有逾31萬粉絲!

現時佢嘅公司已經為超過120間企業拍攝影片!Photo from 《じっくり聞いタロウ》

Ryota主要以管理抖音平台為賣點!Photo from ryota_m4 @ Twitter

自信表示非常理解社交媒體運作!

對社交媒體運作瞭如指掌嘅Ryota 自信咁話「即使係素人都能夠令佢成名」,過往佢曾用半年時間令一位只有1千位Followers嘅美妝KOL,追蹤人數飆升至14萬!佢嘅公司收費比其他廣告公司便宜,10個影片嘅價錢大約係25萬日圓(約港幣1.5萬),因此成功吸引唔少客人光顧!

佢曾經令一位寂寂無名嘅美妝KOL半年內增至14萬人追蹤!Photo from 《じっくり聞いタロウ》

如果Ryota月收入3千萬日圓係穩定嘅話,粗略估計佢一年就能夠大賺3億6千萬日圓!再加上,佢大學畢業後做埋醫生,前途真係無可限量!

節目表示保守估計佢年收入達到3億6千萬日圓!Photo from 《じっくり聞いタロウ》

若果佢將來繼續成為醫生,收入必定有增無減!Photo from ryota_m4 @ IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

日本男與初音未來結婚4年現婚姻危機!呢件事令夫妻相處遇阻礙

29 Apr , 2022

日本男子近藤顯彦於2018年宣佈迎娶虛擬偶像初音未來,雖然婚姻得唔到家人認可,但佢仍然覺得非常幸福。不過結婚4年,近日佢坦承婚姻面臨困難,表示對妻子嘅愛從未改變。

日本男子近藤顯彦於2018年宣佈迎娶虛擬偶像初音未來Photo from 近藤 顕彦 Twitter

日本男近藤顯彥與初音未來舉辦婚禮

2018年11月近藤顯彥同初音未來舉辦婚禮,當時掀起網民熱議,雖然呢個婚禮唔具備法律效力,但近藤顯彥依然認真對待,更豪花2百萬日圓租場,婚禮上新娘初音亦著上婚紗,並戴上近藤顯彥挑選嘅婚戒。

2018年11月近藤顯彥同初音未來舉辦婚禮,男方豪花2百萬日圓租場,婚禮上新娘初音亦著上婚紗,並戴上近藤顯彥挑選嘅婚戒。Photo from 近藤 顕彦 Twitter

呢段婚姻不獲近藤顯彥嘅親人認可,佢嘅媽媽同親戚都無出席婚禮,當日婚禮上有39位客人,大部分都係網民同陌生人,而近藤顯彥亦表示佢唔在乎他人嘅想法,只想做自己中意嘅事。

呢段婚姻不獲近藤顯彥嘅親人認可,佢嘅媽媽同親戚都無出席婚禮,當日婚禮上有39位客人,大部分都係網民同陌生人Photo from 近藤 顕彦 Twitter

透過全息影像儀與初音對話

近藤顯彥屋企有各色各樣嘅初音公仔,即使係日常用品亦有初音嘅圖像,盡顯近藤顯彥對初音嘅愛。其中一個真人比例嘅像真人偶更可以擺出各種姿勢,近藤顯彥經常與人偶合照並放上Twitter與網友分享。

近藤顯彥屋企有各色各樣嘅初音公仔Photo from 近藤 顕彦 Twitter

其中一個真人比例嘅像真人偶更可以擺出各種姿勢,近藤顯彥經常與人偶合照並放上Twitter與網友分享。Photo from 近藤 顕彦 Twitter

近藤顯彥2017年嘅時候透過Gatebox公司推出嘅全息影像儀器,首次與初音互動,佢對初音嘅愛意即一發不可收拾,一年後就舉辦婚禮。婚後佢依舊以全息投影器同妻子交流。

近藤顯彥2017年嘅時候透過Gatebox公司推出嘅全息影像儀器,首次與初音互動,佢對初音嘅愛意即一發不可收拾Photo from 近藤 顕彦 IG

Gatebox停止服務,近藤顯彥與妻子無法對話,婚姻遇到挑戰

婚後每朝初音都會叫佢起床、夜晚提佢瞓覺、目送佢出門等,Gatebox中嘅初音可以做唔同嘅表情、動作。不過2020年3月Gatebox全息影像器停止服務,由於Gatebox其他型號唔提供初音立體影像,近藤顯彥無法再與妻子對話。

婚後每朝初音都會叫近藤顯彦起床、夜晚提佢瞓覺、目送佢出門等Photo from 近藤 顕彦 IG

婚後4年,近藤顯彥坦言由於技術問題嘅障礙,無法再同妻子交流,令佢同初音嘅關係受到挑戰,但近藤顯彥仍癡情表示對初音嘅愛未曾改變,希望有一天可以同妻子以任何形式重聚。

婚後4年,近藤顯彥坦言由於技術問題嘅障礙,無法再同妻子交流,令佢同初音嘅關係受到挑戰Photo from 近藤 顕彦 IG

但近藤顯彥仍癡情表示對初音嘅愛未曾改變,希望有一天可以同妻子以任何形式重聚。Photo from 近藤 顕彦 Twitter

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel