李佳芯解凍後備受盡用！劇集綜藝接不停，任勞任怨只因是包薪藝人

By Moon Lam on 04 May 2022

Digital Content Writer

李佳芯（Ali）獲解凍後出演唔少劇集，早前憑《智能愛人》阿寶呢個角色令佢再次大熱，年初更加憑《愛美麗狂想曲》爆冷奪「最受歡迎電視女角色」！有消息指電視台將食住《金宵大廈2》個勢，再拍靈異題材，由Ali擔女一，做女鬼同張振朗上演人鬼戀！呢兩年Ali唔止接拍左幾套電視劇同綜藝節目，仲做埋電視台自家收費平台既代言人，加上唔少平面廣告幾乎做到無停手。有媒體就指Ali係包薪藝人，所以就算面對龐大既工作量都無得拒絕？

Photo from 李佳芯IG ＠aliaime

停工近一年憑實力再次大熱

李佳芯因為網上言論被雪藏大半年，解凍後雖然受限無法打入內地市場，但佢仍然憑《智能愛人》以機械人「阿寶」一角翻身，嬴盡網民掌聲，演技毋庸置疑！年初更加爆冷奪得「最受歡迎電視女角色」一獎，睇黎即使停工大半年，Ali既觀眾緣仍然不減！

Photo from 李佳芯IG ＠aliaime

Photo from 《愛美麗狂想曲》劇照

Photo from 李佳芯IG ＠aliaime

演技再受挑戰新劇做女鬼

近日《金宵大廈2》成為網民熱話，有消息指襯熱潮未褪將趕拍靈異題材劇集《靈戲逼人》，男主角將會由張振朗擔當，但女主角既要「鬼」火咁靚，對演技又有一定要求，如此棘手既重擔自然落係Ali身上！張振朗同Ali曾經拍《踩過界》合作過，相信今次拍攝已有一定默契。

Photo from 李佳芯IG ＠aliaime

密密接job無得抖

近兩年Ali除左《智能愛人》，亦係《有種好男人》中飾演單親媽媽，同吳偉豪做母子。而阿寶大熱令Ali因此重新受力捧，重金為她安排3D全身掃描，打造升級版既阿寶S6-BO，成為收費平台既代言人，更加同黃霆鋒一齊主持原創清談節目《夢中·情·人》，以智能人角色同大家一齊探索夢境。最近仲係黎諾懿監製既綜藝節目《仨心友行3》亮相，加上唔少平面廣告工作，令Ali幾乎做到無停手！

Photo from 電視台官方網站

Photo from myTVSUPER

疑因包薪合約被「盡用」

有指出Ali當年簽既約屬於經理人包薪合約藝人，考慮到現時經濟環境同電視台現有資源，電視台看似力捧Ali其實只係將資源「人盡其用」，就算係Ali想say no都唔得呀！不過有網民亦指可以見到女神Ali有咁多曝光率好過停工無得做，希望Ali有足夠時間休息！

Photo from 李佳芯IG ＠aliaime

情場失意最怕孤獨終老

李佳芯曾經同舞台劇演員陳炳銓拍拖多年卻無疾而終，又曾經被指同「蟲草大王」陳恩德有過戀情，然而Ali出文澄清大家只係生意夥伴。現年40歲既Ali係《仨心友行3》不禁慨嘆，大把人樣靚身材正，擔心自己同好多女藝人一樣，等下等下就變左不婚不嫁，又笑稱自己呢個年紀「乜都得」，只係緣份既野無得強求。連黎諾懿都忍唔住話：「連女神都擔心呢啲」。