download HolidaySmart 假期日常 app
下午茶2022激抵優惠快搶攻略!$98起歎法式/泰式/芒果Tea 堂食外賣都有

下午茶2022激抵優惠快搶攻略!$98起歎法式/泰式/芒果Tea 堂食外賣都有

美食推介
By Cheryl on 06 May 2022
Digital Editor

天氣逐漸暖和,堂食限制同時放寬,係時候出去歎個靚Tea慶祝一番~ 小編就為大家精選了多款下午茶優惠套票,最平$98起,即可Chill爆享用豐富特色美點,口味多元,總有一款啱心水!以下即睇優惠詳情啦~

#Caffè Milani-意式休閒二人下午茶

Caffè Milani係港九新界都有分店,只需$216就可以享受充滿意大利風情嘅下午茶,套餐包括超過19款手工迷你撻同蛋糕可以選擇,包括店內超人氣栗子薑朱古力慕絲、提拉米蘇、熱情果乳酪慕絲等口味,真係想黎多幾次試哂佢呀!

套餐包括招牌流心牛角包(原價$26)、法式蛋撻(原價$36)、及兩件自選蛋糕

拿鐵可選椰子/玫瑰/榛子三款口味 (原價$96)

唔夠喉仲可以$88優惠價加購馬卡龍禮盒(原價$128),帶走慢慢歎延續幸福感覺!

供應時段:荃灣店2:30PM-8PM;中環店2:30PM-6:00PM;灣仔店2:30PM-5:30PM
優惠期由2022年7月4日起至2022年9月30日,即刻想約朋友去試呀!>>>按此預訂

#帝樂文娜公館-北歐神話饌嚐之旅雙人下午茶

尖沙咀香港帝樂文娜公館內嘅北歐餐廳 FINDS,與芬蘭木製藝術禮品牌子 Lovi 合作,新推【北歐神話饌嚐之旅下午茶】優惠!低至8折,人均只需$228起,即歎北歐式雙人tea set,食盡10款鹹甜點,包括:刁草漬三文魚脆餅、三文魚子蟹肉羊肚菌酥皮盒、冰島海蝦蛋黃醬牛角包、雲呢拿吉士柑橘撻等等。

帝樂文娜公館 - 北歐神話饌嚐之旅雙人下午茶

更可免費享用特色迎賓特飲,cocktail迷可另加$88歎「伊登」蘋果特調雞尾酒一杯,或者另加$150無限暢飲精選葡萄酒及葡萄氣酒,真係至高享受!

帝樂文娜公館 - 北歐神話饌嚐之旅雙人下午茶

帝樂文娜公館 - 北歐神話饌嚐之旅雙人下午茶

Tea Set供應時段為星期一至星期日 3:00pm-5:30pm,優惠期由即日起至2022年8月31日,有興趣朋友快啲約埋好友訂位啦~>>>按此預訂

帝樂文娜公館 - 北歐神話饌嚐之旅雙人下午茶

#君怡酒店 觀瀑廊-雙人下午茶

兩位只需$318,人均$159就可到君怡酒店嘅觀瀑廊享用【雙人下午茶】,歎盡11款鹹甜點,鹹點包括:黑松露帶子、和牛串燒、香脆吉列炸蝦、黑椒吞拿魚、煙三文魚多士;甜點則有:焦糖燕窩燉蛋、朱古力士多啤梨、迷你藍莓撻、金箔意大利芝士餅、雪糕4球(5款口味選擇),仲包飲品咖啡或紅茶,一次過滿足不同口味!

君怡酒店雙人下午茶套餐Photo from TapNow

套票適用於星期五至日及公眾假期,時段為2:30pm - 6pm,放假最同閨蜜去就最chill~ 優惠期由即日起至8月31日,想訂枱就要快啲進入>>>預訂網<<<搶購喇~

#香港8度海逸酒店-皇牌芒果下午茶

芒果迷福音!香港8度海逸酒店旗下嘅8度餐廳推出【皇牌芒果下午茶優惠】,每位只需$126起(包加一)即享以菲律賓呂宋芒炮製嘅多款小點,甜點及鹹點各5款。

香港8度海逸酒店隆重推出【皇牌芒果下午茶優惠套票】Photo from TapNow

甜點包括得獎作品芒果拿破崙、班蘭芒果卷、芒果木糠布甸、牛油鬆餅、香芒班戟。鹹點則有:泰式香茅雞棒 (3條)、芒果蝦沙律開邊三文治、芒果三文魚蟹籽卷、黑松露芝士焗忌廉薯、香草蟹肉三文治卷。一次食齊清新芒果嘅多元配搭,套餐包紅茶或咖啡,滿足又飽肚!

甜點Photo from TapNow

鹹點Photo from TapNow

食客可在華麗餐廳裡歎茶食cake,享受一個被芒果香氣包圍嘅時光~ 套票設2款方案,分別為:「方案A 星期一至五 每位$126」及「方案B 星期六日及公眾假期 每位$134」,兩者原價都要$185,呢家齊齊減價真係好抵呀!優惠期由即日至今年底,並不適用於特定日子,想知更多,就快啲進入>>>預訂網<<<查閱訂位啦!

香港8度海逸酒店旗下嘅8度餐廳環境Photo from TapNow

#歷山酒店-春暖花開下午茶

位於北角臨海地段嘅歷山酒店推出【春暖花開下午茶】優惠套票,低至77折優惠只需$228起,即可盡享13款鹹甜糕點,而且酒店裝潢採用維多利亞時期嘅歐式設計,閃耀美麗,打卡呃like一流!

歷山酒店 春暖花開下午茶Photo from TapNow

酒店大堂金碧輝煌Photo from TapNow

3層架Tea Set中6款鹹點包括:鴨肝芝士牛角包、鮑魚煙肉酥盒、燒帶子配九芽生菜沙律、韓式辣味釀雞翼等等,非常開胃!而7款甜點則包括:櫻花紅桑子撻、藍玫瑰慕絲、芒果拿破崙、黑朱古力慕絲等,口味豐富,唔驚唔啱食~ 套餐亦包即磨咖啡或Tea WG茗茶,仲會送一杯指定精選紅酒、白酒或氣泡酒,性價比超高!

仲有外賣方案Photo from TapNow

套票設堂食,及外賣自取方案,彈性極高;堂食方案分為星期一至五,以及星期六、日、公眾假期和節慶日,咁就邊日都食得啦!優惠期只到6月30日,想食嘅朋友就要快啲進入>>>預訂網<<<訂位喇~

環境好適合影靚相~Photo from TapNow

#享慢煮泰-法泰三層下午茶

位於西環嘅享慢煮泰 Lemon Grass By Fast Gourmet 推出【法泰三層下午茶】優惠,低至38折,每人只需$98起,即可歎盡9款法式和泰式鹹甜點,三層架造型精緻,盛載嘅5款鹹點就包括:西班牙黑毛豬腩、香脆風乾火腿鮮茄烤麵包、燒美國生蠔配泰式汁、燒日本扇貝配泰式汁、經典泰式魚餅,全部都好開胃!

享慢煮泰推出【法泰三層下午茶】套票優惠Photo from TapNow

而4款甜點則包括:招牌鳳梨焦糖燉蛋、鮮莓酥餅、自家製芝士蛋糕、椰汁芒果糯米飯。原來唔使去Buffet都可以同時食到西式同泰式甜品,超滿足!飲品就包精選茶品 / 泰式奶茶 / 鮮薑蘋果汁/ 青檸梳打,亦可加錢另配即磨黑咖啡、或鮮果蜜桃茶等各種特飲,口味多元~

Tea set好豐富~Photo from TapNow

另外只需加$28,就可品嘗必試「流心牛角包」,當中招牌龍蝦湯流心牛角包,好多食客都大讚佢外脆內軟,濃郁嘅龍蝦湯配上爽口彈牙龍蝦肉,加埋牛油香真係好滋味!客人亦可選擇加配冬蔭龍蝦湯流心牛角包、或泰式奶茶流心牛角包~

必試招牌龍蝦湯流心牛角包Photo from TapNow

到西環店堂食或外賣自取套餐都得,優惠期只到7月31日,供應時間為星期一至五2:30pm - 5:30pm;週末及公眾假期:3:00pm -5:30pm,特定日子將設附加服務費。套票需最少兩位預訂,想同好友一次過享受法式與泰式嘅雙倍滋味,就即如>>>預訂網<<<訂位啦~

#享慢煮意-三層優閒法式下午茶

享慢煮意Fast Gourmet推出【三層優閒法式下午茶套餐】優惠,每位只需$98起,即可在法式裝修店舖內享用8款鹹點及甜點。款款必食,4款鹹點包括:魚子醬 配 北海道珍寶帶子、法國鴨肝醬、風乾火腿蕃茄烤麵包、西班牙黑毛豬腩;4款甜點包括:招牌真空慢煮焦糖燉蛋、白松露芝士蛋糕、法式馬卡龍、鮮莓酥餅,無論打卡定味道都一流~

享慢煮意推出【三層優閒法式下午茶套餐】餐飲優惠Photo from TapNow

招牌真空慢煮焦糖燉蛋Photo from TapNow

另可加$28加配流心牛角包,口味有龍蝦湯、爆醬蟹膏、海鹽焦糖咖啡、和肉桂蘋果。套票設3種方案,全部包括以上美食,方案A及B分別為元朗店,和中環店,包每人任選一杯飲品,而方案C就係元朗店限定,包每人一杯打印咖啡,店家可以打印Anson Lo主演電影《假冒女團》海報,或自攜電子相片以供列印,粉絲們不容錯過!

多款流心牛角包任選Photo from TapNow

神徒不容錯過!Photo from TapNow

優惠期只到5月31日,想以超抵價享用浪漫法式下午茶就要快到>>>預訂網<<<訂位喇!

法式裝潢好浪漫~Photo from TapNow

#ReDivine-雙人泰式Fusion下午茶

位於將軍澳,以峇里島為主題嘅泰國fusion餐廳ReDivine推出【雙人泰式Fusion下午茶】優惠,低至6折,$298(人均$149)即歎12款特式鹹甜點,當中8款甜點有:綠西米班蘭蛋糕、藍莓意大利奶凍、西班牙油炸鬼Churros、香蕉糯米飯等、以及期間限定日本柚子雪糕!而4款鹹點則包括:意大利炸米波(期間限定)、藍芝士三文治、泰式冰鎮鮑魚、炸蝦多士,誠意十足!

ReDivine【雙人泰式Fusion下午茶】Photo from TapNow

餐廳環境以峇里島為主題Photo from TapNow

套餐包每人1杯咖啡、或汽水、 或汽酒,預訂套票更享獨家優惠:額外加$148即可任飲酒精飲品!套票設2種方案,分別為適用於星期一至五嘅方案A($298),以及適用於星期六至日及公眾假期嘅方案B($348);供應時間為:2:30pm-5:00pm。

獨特鳥巢椅Photo from TapNow

韆鞦椅Photo from TapNow

店內設有鳥巢椅、韆鞦椅及特色沙發座位,度假味極濃,打卡一流!想歎咁特別嘅Fusion Tea,就即刻入去>>>預訂網<<<訂位啦~

無論環境定食物都咁chill~Photo from TapNow

以上就係多款下午茶優惠套票,涵蓋多國風味,揀邊間都咁抵食!有興趣嘅朋友,就快啲按入以下快速連結,預訂高質Tea優惠啦~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel